Vélfræðingur og sjómaður haslar sér í völl í garðyrkju
Guðmundur Vilhjálmsson, eigandi og framkvæmdastjóri Garðvíkur. Mynd: Heiðar Kristjáns.
Vélavörur ehf, sem eru í eigu Guðmundar Vilhjálmssonar og konu hans Jóhönnu Sigríðar Logadóttir, hafa gengið frá kaupum á 100% hlutafjár í Garðvík ehf á Húsavík. Í tilkynningu, sem greint er frá á 640.is, segir að Garðvík sé rótgróið húsvískt fyrirtæki sem var stofnað af Hilmari Dúa Björgvinssyni árið 2000. Hilmar Dúi hefur rekið fyrirtækið á liðnum árum í félagi við hjónin Friðrikku Guðjónsdóttur og Gunnar Bóasson.
Rekstur Vélavara ehf hefur farið vaxandi á liðnum árum og eru kaupin á Garðvík meðal annars liður í að styrkja starfsemi félagsins og koma þaki yfir höfuðið á rekstrinum.
Garðvík og Vélavörur verða fyrst um sinn með aðskilinn rekstur, en Vélavörur munu flytja starfsemi sína að Kringlumýri 2 og deila þannig húsnæði með Garðvík. Guðmundur Vilhjálmsson, framkvæmdastjóri Vélavara ehf, tók við stöðu framkvæmdastjóra Garðvíkur þann 1. apríl s.l. en Hilmar Dúi verður yfirverkstjóri framkvæmda og þjónustu.
Guðmundur Vilhjálmsson er 49 ára gamall og vélfræðingur að mennt. Hann útskrifaðist frá Vélskóla Íslands árið 1994 og hlaut meistararéttindi í Vélsmíði árið 2001. Guðmundur útskrifaðist einnig sem Véliðnfræðingur frá Háskólanum í Reykjavík árið 2000 og sem Rekstariðnfræðingur einnig frá Háskólanum í Reykjavík sama ár. Hann hefur lengst af starfað sem vélstjóri á stærri skipum, togurum og nótaskipum, síðast hjá HB Granda á árunum 2008-2015.
„Þetta leggst bara mjög vel í mig. Ég tel að við höfum verið að kaupa gott fyrirtæki og ég er ánægður með að starfsmenn sem fyrir eru taka þessum breytingum vel. Þá er mjög jákvætt að þeir sumarstarfsmenn sem við erum að ráða, hafa flestir starfað áður hjá Garðvík, þannig að þetta er allt meira og minna fólk með reynslu og oft langa í þessum störfum.
Svo er ég afskaplegur þakklátur fyrir jákvæð viðbrögð fólks, það hefur rignt yfir mann hamingjuóskum og þetta gleður mig mjög mikið.
Það er líka mjög gott og raunar nauðsynlegt, að Hilmar Dúi, fyrrum eigandi, hefur skrifað undir ráðningarsamning við okkur, þannig að skrúðgarðyrkjufræðin verða áfram til staðar í fyrirtækinu. Og kannski eins gott, því sjálfur gæti ég ekki haldið lífi í blómi yfir eina helgi þó ég ætti lífið að leysa! Þannig að það er eins gott að fagmenn eru áfram á staðnum. Ég er fyrst og fremst rekstrarmaður.“
Sagði Guðmundur Vilhjálmsson á Húsavík. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.