Er ofmetið að halda upp á alla daga?
Heiðrún E Jónsdóttir átti Lokaorðið i blaðinu s.l fimmtudag
Símtalið
Á milli jóla og nýárs hringir kær vinkona í mig til að óska mér til hamingju með brúðkaupsafmælið og spyr hvort það sé ekki örugglega þennan sama dag, 28. desember. Ég verð smá vandræðaleg segist réttilega aldrei muna hvort sé 27. eða 28. desember. Við hjónin erum vissulega bara nokkuð ánægð með hvort annað, en þessi dagur í sjálfu sér skipti ekki öllu máli. Hún man hins vegar að þetta var þann 28. desember, enda var hún viðstödd. Næst þarf hún endilega að spyrja um ártal. Er ártal ekki bara tala, hugsa ég meðan ég átta mig á því að ég hef aldrei haldið upp á þennan dag, var ég kannski að missa af einhverju?
Ég klóra í bakkann, raða saman minningarbrotum
Sonurinn
Jaaaa segi ég við vinkonu mína. Ég væri ekki alveg viss en mundi að sonurinn, Jón Hallmar sem keyrði okkur var í MA og nýkominn með bílpróf, ég man þó að hann er fæddur 1998, því ég sannarlega held upp á afmælið hans. Þetta er minnisstætt því hann keyrði niður skær appelsínugula plastkeilu við kirkjuna sem festist undir bílnum. Það var smá bras að losa hana.
Dóttirin
Ég mundi líka að dóttirin Heiðveig Björg var ennþá algjört krútt. Hún hafði eitt verkefni þennan dag, að labba með hringana þessa stuttu leið að altarinu. Henni tókst þó að týna hringunum þessa stuttu leið. Hún heyrði, eins og allir í kirkjunni, að þeir duttu í gólfið, en fannst of vandræðalegt að leita, svo hún settist niður og lét sem ekkert væri. Það voru gamlar frænkur sem voru á 4 gigtveikum fótum, með ellifjarsýni, sem fundu þá á endanum.
Eiginmaðurinn
Þar sem ég var aðeins strand, ákvað ég að spyrja eiginmanninn og það batnaði ekki. Hann minnist þess ekki að við værum gift. Sagði að ég bæri alla sönnunarbyrðina á þessum meinta gjörningi. Hann hefði í það minnsta ekki verið viðstaddur. Mér tókst að endingu að reikna út að ég ein (ekki maðurinn minn heittelskaði því hann heldur að við séum ekki gift) áttum 11 ára brúðkaupsafmæli þennan dag. Við höfðum hins vegar misst af 10 ára afmælinu, rétt eins og öllum afmælisdögunum þar áður. Árin hafa flogið og lífið er ljúft. Ég þarf í það minnsta ekkert að muna þennan dag til að vita það.
Nýjast
-
Fjölskyldufyrirtæki heimsmeistari í steiktum fiski
Unnur segir verðlaunin hafa gríðarlega þýðingu fyrir fjölskyldufyrirtækið og sé staðfesting á því að það borgi sig búa sér til sína eigin gæðastaðla og halda sig við þá. -
Saga sjómanna..........og sjómannskvenna.
Á undanförnum árum hefur vart liðið sá dagur í mínu lífi að ég setji ekki niður einhverjar hugleiðingar um sögu sjómanna, sögu útgerðar og nauðsyn þess að varðveita þessu merku sögu í mannkynssögu okkar Akureyringa. -
Helena leiðir í Norðurþingi
„ Ég er þakklát fyrir traust Sjálfstæðisfólks í Norðurþingi til að leiða lista flokksins í komandi sveitarstjórnarkosningum í Norðurþingi og ég hlakka til samstarfsins við þennan öfluga hóp sem skipar listann... -
Kristnesspítali – Kjarnastarfsemi í hættu vegna innviðaskuldar
Sjúkrahúsið á Akureyri (SAK) gegnir lykilhlutverki í heilbrigðisþjónustu Norðurlands. Innan vébanda þess starfar Kristnesspítali, sem um áratugaskeið hefur verið hornsteinn sérhæfðrar endurhæfingar í landshlutanum. Þar hefur skapast þekking og samfella í faglegu umhverfi sem skiptir sköpum fyrir einstaklinga sem þurfa á markvissri endurhæfingu að halda svo þeir geti aftur orðið virkir einstaklingar í samfélaginu. -
Styður sem fyrr ötullega við Mottumars
Í undanfarin átta ár hefur Hörður Óskarsson, brautarstjóri á málmiðnbraut VMA, lagt Krabbameinsfélagi Akureyrar og nágrennis ómælt fjárhagslegt lið. Hann hefur látið hluta af andvirði þeirra hringa og annarra skrautmuna sem hann býr til úr gömlum íslenskum myntpeningum renna til Krabbameinsfélagsins. Þetta gerir Hörður fyrst og fremst til að styðja við mikilvægt starf félagsins og um leið að minnast Sigurðar Viðars Óskarssonar bróður síns sem lést langt um aldur fram úr krabbameini. Hann var jarðsunginn á 50 ára afmælisdeginum sínum, 25. nóvember 2010. -
Bókaforlagið Dimmuborgir keypti bækur og spil
Nemendur Reykjahlíðarskóla í Mývatnssveit tóku þátt í verkefninu Bókmenntahátíð barnanna í desember á liðnu ári. Þetta var samvinnuverkefni milli fjögurra skóla á Norðurlandi; Hrafnagilsskóla í Eyjafjarðarsveit, Valsárskóla á Svalbarðseyri, Reykjahlíðarskóla og Stórutjarnaskóla í Þingeyjarsveit. -
Er ofmetið að halda upp á alla daga?
Símtalið Á milli jóla og nýárs hringir kær vinkona í mig til að óska mér til hamingju með brúðkaupsafmælið og spyr hvort það sé ekki örugglega þennan sama dag, 28. desember. Ég verð smá vandræðaleg segist réttilega aldrei muna hvort sé 27. eða 28. d... -
Að versla í heimabyggð
Oft á tíðum er talað um það að versla í heimabyggð. Það er oft tengt því þegar einhver heimamaður opnar búð eða þjónustu og vill þannig höfða til heimamanna að standa með sér í baráttunni. Verslun í heimabyggð er mjög mikilvæg. Hún eflir atvinnulífi... -
Ný sameinuð deild Norræna félagsins á Norðurlandi
Stofnfundur nýrrar, sameinaðrar félagsdeildar Norræna félagsins á Norðurlandi var haldinn þann í Zontahúsinu á Akureyri nýlega. Á fundinum voru Norrænu félögin á Ólafsfirði, Siglufirði og Akureyri sameinuð og nær áhrifasvæði nýs félags nú yfir Norðurland allt.
