Vegir koma almennt illa undan vetri
Kristján Önundarson starfsmaður Vegagerðarinnar var á ferðinni í vikunni að kanna með ástand vega í nágrenni Húsavíkur. Hér er hann staddur á Laxamýrarleitinu. Mynd Kúti
„Almennt kemur vegakerfið illa undan þessum vetri og heilt á litið verr en oft áður,“ segir Stefán Þór Baldursson hjá Vegagerðinni, Norðursvæði.
Hann segir marsmánuð hafa verið mjög slæman fyrir vegina, ýmist með miklum snjó og asahláku þar á milli. „Slíkt veðurfar er það sem fer verst með vegina,“ segir hann.
Miklum snjó fylgir ágangur snjómoksturstækja sem slíta slitlaginu og mikil þýða veldur því að vegurinn sjálfur er rannvotur í gegn og á erfitt með að losa sig við vatnið, snjór og krapi halda bleytunni á veginum. „Vegirnir þola illa umferð við þessar aðstæður og þá sérstaklega þungaumferð,“ segir Stefán Þór.
Þjónustudeild Vegagerðarinnar á Norðursvæði, líkt og á öðrum svæðum, vinnur þessa stundina af fullum krafti við að fylla í holur sem hafa myndast og við undirbúning viðhaldsverkefna sumarsins. Næg verkefni eru þar fyrir hendi.
Nýjast
-
Vegir koma almennt illa undan vetri
„Almennt kemur vegakerfið illa undan þessum vetri og heilt á litið verr en oft áður,“ segir Stefán Þór Baldursson hjá Vegagerðinni, Norðursvæði. -
Golf og góðar hugmyndir hjá Drift EA og Golfklúbbi Akureyrar
Drift EA og Golfklúbbur Akureyrar hafa hafið samstarf sem byggir á þeirri einföldu hugmynd að bestu samtölin og hugmyndirnar verða oft til utan fundarherbergisins. Með samstarfinu verður fyrirtækjum og teymum sem sækja Drift EA heim boðið að upplifa norðlenska golfmenningu sem hluta af heildstæðri upplifun þar sem vinna, tengslamyndun og afþreying fara saman. -
Sterkur skólabær – vinnum þetta saman
Akureyri er sterkur skólabær og það er ekki tilviljun. Hér hefur byggst upp öflugt menntasamfélag sem samanstendur af leikskólum, grunnskólum, framhaldsskólum og háskóla. Það að bærinn okkar sé „sterkur skólabær“ er ekki endanleg staða og engan veginn tryggt til framtíðar! Þetta er lifandi verkefni sem krefst stöðugrar árvekni, skýrrar framtíðarsýnar og samstarfs ríkis og sveitarfélags sem setur menntun í forgang. -
Lóa mætir í Kelduhverfi
Sumardagurinn fyrsti í Skúlagarði: Lóaboratoríum og vöffluhlaðbo -
Landhelgisgæslan 100 ára - Varðskip og þyrla í heimsókn
Landhelgisgæslan hefur verið áberandi á Akureyri í dag og verður næstu daga, bæði vegna leitar og björgunarráðstefnu Varðbergs sem haldin var í Háskólanum á Akureyri og vegna 100 ára afmælis Gæslunnar sem fagnað er með fjölbreyttum hætti í ár -
Kjarnafæði Norðlenska óskar eftir lóð fyrir starfsstöðvar fyrirtækisins
Skipulagsráð Akureyrar tók fyrir á fundi sínum í gær erindi frá Kjarnafæði Norðlenska en í þvi óskar Ágúst Torfi Hauksson f.h fyrirtækisins eftir viðræðum við Akureyrarbæ um 2,5 ha lóð undir 7-8.000 fm byggingu fyrir starfsstöðvar fyrirtækisins á svæði austan við Týsnes. Eru jafnframt lögð fram fyrstu drög að afmörkun lóðar á svæðinu. -
Símafrí sem virkar í Akureyrarbæ
Í upphafi kjörtímabilsins byrjaði ég strax að beita mér fyrir því að allir grunnskólar Akureyrarbæjar tækju upp samræmdar símareglur. Ég taldi mikilvægt að skapa skýran ramma um notkun snjallsíma í skólum til að stuðla að betra skólaumhverfi, meiri einbeitingu í kennslu og auknum samskiptum milli nemenda. Ég viðraði þessar hugmyndir á fyrstu mánuðum skólaársins 2022 við sviðstjóra fræðslu- og lýðheilsusviðs og skólastjórnendur grunnskóla Akureyrarbæjar. Við tók afar góð vinna hjá starfshópi árið 2023 en hann var samsettur af kjörnum fulltrúum, fulltrúum foreldra og ungmenna, starfsfólki skóla og starfsfólki af fræðslu- og lýðheilsusviði. Hópurinn vann að því að skoða kosti og galla samræmdra símareglna og símafrís í grunnskólum. Hópurinn átti samráð við foreldra, starfsfólk skóla og nemendur með fjölbreyttum hætti. Í kjölfarið tók símafrí í grunnskólum Akureyrarbæjar gildi í ágúst 2024. -
Ábyrgð, eftirlit og öryggi á norðurslóðum: Tengsl borgaralegra og hernaðarlegra þátta
Varðberg, Norðurslóðanetið, Landhelgisgæsla Íslands, dómsmálaráðuneytið og Háskólinn á Akureyri standa fyrir opinu málþingi í dag milli kl 13 til 17 þar sem sjónum verður beint að leit og björgun á norðurslóðum. -
Fyrirlestur Benedikts Sigurðarsonar um Laxárdeiluna
Benedikt Sigurðarson flytur fyrirlestur í salnum á hjúkrunarheimilinu Lögmannashlíð, Vesturhlíð 9 á Akureyri á morgun, föstudaginn 17. apríl, kl. 13:30. Hann er hluti af viðburðaröð AkureyrarAkademíunnar á þessu ári fyrir íbúa hjúkrunarheimilanna og aðra bæjarbúa. Menningarsjóður Akureyrarbæjar styrkir viðburðinn.
