Útblástur af völdum skemmtiferðaskipa vart merkjanlegur
EFLA hefur tekið saman niðurstöðu loftgæðamælinga Umhverfisstofnunar, sem unnin var að beiðni Péturs Ólafssonar hafnarstjóra hjá Hafnasamlagi Norðurlands í tengslum við umfjöllun og umræður í samfélaginu um mengun frá skemmtiferðaskipum.
Útblástur af völdum skemmtiferðaskipta í miðbæ Akureyrar var á fyrstu 6 mánuðum þessa árs mjög lítil og vart merkjanlegur, ef frá eru taldir örfáir toppar sem allir reyndust þó undir heilsuverndarmörkum. Þetta kemur fram í minnisblaði sem EFLA hefur tekið saman um niðurstöðu loftgæðamælinga Umhverfisstofnunar, sem unnin var að beiðni Péturs Ólafssonar hafnarstjóra hjá Hafnasamlagi Norðurlands í tengslum við umfjöllun og umræður í samfélaginu um mengun frá skemmtiferðaskipum. „Ég fagna því að hafa í höndum mat fagaðila um þetta mál,“ segir Pétur.
Sjálfvirkur mælir Umhverfisstofnunar á Akureyri er staðsettur við menningarhúsið Hof við Strandgötu, á milli hafnarinnar og miðbæjar Akureyrar, hann er í um tveggja metra hæð frá jörðu og annast símælingu á svifryki, brennisteinsdíoxíði, niturmónoxíði og niturdíoxíði. Niðurstöður mælinga í rauntíma má sjá á heimasíðu Umhverfisstofnunar.
Sólarhringsmeðaltal svifryks hefur níu sinnum farið yfir heilsuverndarmörk frá því í febrúar síðastliðnum, seinast þann 12. apríl „og því ekki hægt að tengja þessa sérstöku háu toppa, þar sem sólarhringssvifryksstyrkur hefur farið yfir viðmiðunarmörk svifryks í miðbæ Akureyrar, við útblástur frá skemmtiferðaskipum,“ segir í minniblaði Eflu. Meðalsólarhringsstyrkur svifryks í maí, júní og júlí eftir að komur skemmtiferðaskipa hófust er umtalsvert lægri en í febrúar, mars og apríl.
Vindur gæti hafa þyrlað upp svifryki
Klukkustundargildi gefa betri mynd af mengun frá skemmtiferðaskipum, segir í minnisblaðinu en hæsta klukkustundarmeðaltal svifryks var þann 6. maí. Ekkert skemmtiferðaskip var í höfn þann dag. Dagana 5. og 6. maí, ásamt 20. maí mældist mikið svifryk í miðbænum, en það voru vindasamir dagar og líklegt að vindur hafi þyrlað upp ryki sem orsakaði há mæligildi. Bent er á að fjögur skemmtiferðaskip voru í höfn 5. júlí en hæsta klukkustundargildi svifryks var ekki ýkja hátt þann dag. Það þykir benda til að svifryksmengun í miðbæ Akureyrar eigi ekki uppruna sinn í útblæstri skemmtiferðaskipa.
Veðurfari hefur töluverð áhrif á hversu mikil mengun mælist hveru sinni
Styrkur niturdíoxíðs hefur aldrei farið yfir heilsuverndarmörk á tímabilinu, fyrstu 6 mánuðum ársins og er vel undir þeim mörkum allt tímabilið og er getum að því leitt að veðurfar hafi töluverð áhrif á hversu mikil mengun mælist hverju sinni.
Styrkur brennisteinsdíoxíðs hefur verið mjög lítill og stöðugur á tímabilinu og aldrei verið nálægt því að fara yfir heilsuverndarmörk. Lítill toppur mældist þó þann 23. júní þegar hæsta klukkustundarmeðaltal fór upp í 22,8 μg/m3. Þann dag var í höfn skemmtiferðaskip sem var smíðað árið 1972 og gæti gamall vélbúnaður og hönnun mögulega hafa orsakað þennan topp, sem þó var langt undir heilsuverndarmörkum
Nýjast
-
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu. -
Feðgar útskrifast með stúdentspróf
Upp er runninn síðasti kennsludagur þessarar vorannar 2025. Í mörg horn hefur verið að líta síðustu daga fyrir bæði kennara og nemendur enda þarf að ljúka við hin ýmsu verkefni og einnig eru próf í mörgum námsáföngum. Fram undan eru námsmatsdagar og punkturinn verður síðan settur yfir i-ið með brautskráningu í Menningarhúsinu Hofi laugardaginn 24. maí. -
Nýtt diplómanám við HA fyrir fólk með fjölþættar stuðningsþarfir
Háskólinn á Akureyri leitar að brautryðjendum sem langar að taka þátt í spennandi þróunarverkefni og hefja nám við skólann. -
Krúttlegasta hjólamót árins haldið á Akureyri á sunnudaginn
Krónan, Akureyrardætur og Hjólreiðafélag Akureyrar standa fyrir hjólamóti fyrir krakka á aldrinum 2 til 12 ára og fer mótið fram í Kjarnaskógi sunnudaginn 18. maí næstkomandi. Um er að ræða fyrsta hjólamótið sem Krónan heldur á Akureyri en mótið er haldið að fyrirmynd Krónumótsins í Öskjuhlíð sem er orðinn árlegur viðburður í september ár hvert. Skráning á mótið er hafin og eru öll börn velkomin. -
JÖKLABLÁMI opnun í Verksmiðjunni á Hjalteyri 17 maí 2025, kl. 14:00
Sýningin Jöklablámi opnar í Verksmiðjunni á Hjalteyri 17 maí kl. 14:00 Sýningin stendur til og með 22 júní. Opið alla daga nema mánudaga frá 14:00 til 17:00 -
Ótryggt sjúkraflug frá Húsavík
Á fundi byggðaráðs Norðurþings á dögunum Óskaði Rebekka Ásgeirsdóttir S-lista eftir umræðu sjúkraflug frá Húsavíkurflugvelli. -
Erum hætt að deyja ung!
Þessi rúmlega miðaldra sem þetta skrifar sat nýlega málstofu sem fjallaði um gervigreind í umönnun eldra fólks. Fram að því hafði hún ekki mikið leitt hugann að gervigreind og hvernig best er að nýta hana. Sú greinda hafði til þessa notað mig til að sýna mér endalaust í viðbót ef ég hafði til dæmis verið að skoða mér skó á netinu. -
Landinn heimsækir lögreglufræðinámið á Akureyri
Á dögunum var hægt að horfa á þegar Landinn á RÚV heimsótti lögreglufræðinámið við Háskólann á Akureyri. Okkur lék forvitni á að vita hvernig þetta kom til og kynnast stemmningunni í slíkri heimsókn. Andrew Paul Hill, lektor við lögreglufræðina, varð fyrir svörum. Hann segir að það hafi ekki verið nein formleg kynning sem varð til þess að Landinn heimsótti þau heldur þvert á móti hafi það verið heppileg tilviljun og jákvætt viðhorf áhugasamra aðila sem leiddi þetta spennandi verkefni af sér. -
Kisukot áfram á einkaheimili
Fyrir liggja drög að þjónustusamningi til eins árs um tímabundna meðhöndlun á köttum þar sem gert er ráð fyrir að Kisukot verði áfram starfrækt við Löngumýri á Akureyri svo sem verið hefur í rúman áratug.