Undirrita viljayfirlýsingu um vinabæjarsamband milli Akureyrar og Denver
Denver er nýjasti áfangastaður Icelandair og skiptir gríðarlegu máli fyrir marga.
Borgarstjórinn í Denver, Colorado í Bandaríkjunum kemur í heimsókn til Akureyrar á morgun miðvikudag ásamt fylgdarliði. Með í för verða fulltrúar Icelandair Group og Icelandair en Denver er nýr heilsársáfangastaður Icelandair. Gestirnir munu m.a. fara í heimsókn til Hríseyjar, þar sem hús Hárkarla Jörundar verður skoðað og þar snæddur hádegisverður. Einnig verður farið í skoðunarferð um Akureyri, eða fram að dagskrá í Hofi seinni partinn. Þar munu Michael B. Hancock borgarstjóri Denver og Eiríkur Björn Börgvinsson bæjarstjóri á Akureyri, m.a. undirrita viljayfirlýsingu um að koma á vinabæjarsambandi á milli bæjanna.
Birkir Hólm Guðnason framkvæmdastjóri Icelandair flutti fyrirlestur á málþingi í Háskólanum á Akureyri á dögunum, sem bar yfirskriftina: Þróun og horfur í ferðaþjónustu. Þar fór hann yfir starfsemi Icelandair, sem hefur vaxið gríðarlega á síðustu árum, hann sagði frá nýjum áfangastöðum félagsins og hversu gríðarlega miklu máli þeir skipta fyrir ferðaþjónustuna og marga fleiri. Denver er nýjasti áfangastaðurinn og sagði Birkir að 10% af farþegum félagsins þangað væru Íslendingar en 90% útlendingar. Hann sagði jafnframt að flug eins og til Denver hefði gríðarleg áhrif á Evrópuleiðirnar í tíðni og að flæði farþega á milli meginlands Evrópu og Colorado væri mikið.
Birkir sagði að frá hruninu 2008 hefði Icelandair bætt við fjórum nýjum flugleiðum til Norður Ameríku. Hann nefndi að farnar væru 325 ferðir á ári til Seattle og 204 ferðir til Denver. Birkir sagði að samkvæmt skýrslu sem Hagfræðistofnun HÍ vann fyrir félagið, sé framlegð þessara nýju flugleiða, til Seattle og Denver, um 5,6 milljarðar króna, sem sé meira en meðalaflaverðmæti 5 skuttogara, samkvæmt útreikningum Hagstofunnar. Þarna er aðeins hálf sagan sögð, því það njóta mun fleiri, birgjar, veitingastaðir, gististaðir og fleiri. Áhrifin á þessum tveimur flugleiðum liggja því á bilinu 10-20 milljarðar króna. Þetta skiptir því miklu máli en það fær ekki alltaf mikla athygli þegar verið að hefja flug á nýja áfangastaði, sagði Birkir.
Hann sagði að einnig hefði verið gerð skýrsla um áhrif flugs Icelandair til Denver á efnahagslífið þar. Niðurstaðan var sú að þetta þýddi aukningu upp á 28 milljónir dollara eða um 3 milljarða króna. Þetta þýðir einnig að með fluginu okkar erum við að skapa tæplega 300 ný störf í Denver.
Nýjast
-
Gjörgæslan er meira en vinna - þetta verður hluti af okkur og lífi okkar
„Þú veist aldrei hvernig dagurinn verður,“ segir Ásdís Skúladóttir, gjörgæsluhjúkrunarfræðingur á SAk, þegar hún lýsir starfinu sínu. „Við erum alltaf að læra eitthvað nýtt og verkefnin eru síbreytileg. Þetta starf heldur manni á tánum – og það er einmitt það sem heillar.“ -
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní
