Tvö tónverk Jóns Hlöðvers flutt í Hallgrímskirkju
Jón Hlöðver við píanóið
Tvö tónverk eftir Jón Hlöðver Áskelsson verða flutt á opnunartónleikum Orgelsumars í Hallgrímskirkju á sunnudaginn, þjóðhátíðardaginn 17. júní. Annað verkanna sem flutt verða er tónverkið Arngrímur Brandsson. Tónverkið Arngrímur Brandsson, er fyrir selló og orgel og er í þremur þáttum og var upphaflega frumflutt að Þingeyrum þ. 9. sept. 2007 á hátíð sem í tilefni þess að þá voru 130 ár liðin frá vígslu hinnar stórkostlegu Þingeyrarklausturkirkju. Nafn verksins er til heiðurs þeim viðburði og jafnframt því að Arngrímur Brandsson ábóti í Þingeyrarklaustur er fyrsti nafngreindi íslenski maðurinn sem lék á organ og smíðaði. Nú hljómar verkið í glæsilegum Klaisorgelbúningi Það eru Hörður Áskelsson, organisti Hallgrímskirkju og Inga Rós Ingólfsdóttir, sellóleikari við Sinfóníuhljómsveit Íslands, sem leika á þessum fyrstu tónleikum Alþjóðlegs orgelsumars 2012.
Hörður á 30 ára starfsafmæli við Hallgrímskirkju í ár og eru Listvinafélag Hallgrímskirkju, Kirkjulistahátið, Alþjóðlegt orgelsumar, Klais orgelið, Mótettukór Hallgrímskirkju og Schola cantorum afrakstur listrænnar stjórnunar hans frá árinu 1982, þegar hann var ráðinn sem organisti og kórstjóri Hallgrímskirkju. Þau hjónin hafa verið mikilvirk í íslensku tónlistarlífi og komið fram á tónleikum og tónlistarhátíðum viða um heim og hefur Hörður haldið orgeltónleika í mörgum helstu kirkjum Evrópu, m.a. í tvígang í Kölnardómkirkju fyrir 3000 áheyrendur. Þau hafa leikið saman á fjölmörgum tónleikum hér heima og erlendis, nú síðast í Bandaríkjunum í maí 2012. Þau munu leika vel þekktar perlur eftir Saint-Saëns og Rachmaninoff auk verka eftir Höller, Jón Leifs, Jón Hlöðver Áskelsson og Kjell Mörk Karlsen.
Jón Hlöðver fæddist árið 1945. Hann hefur alið sína ævidaga á Akureyri með tónlist og tónsmíðar að aðalstarfi. Honum hefur hlotnast margs konar heiður fyrir tónverk sín og fjölbreytt störf að ýmsum málefnum í þágu síns bæjar og þjóðar.
Nýjast
-
Getur þú bætt í þekkingarbrunn um íslenska náttúru?
Jóhann Helgi Stefánsson, sérfræðingur hjá Landi og skógi skrifar -
Kærkomin gjöf Hollvina SAk til endurhæfingardeildar
Hollvinir Sjúkrahússins á Akureyr hafa fært SAki enn eina mikilvæga gjöf – að þessu sinni til endurhæfingardeildar SAk. -
Zipline Akureyri gengur mjög vel
„Það hefur gengið mjög vel hjá okkur og samkvæmt þeim væntingum sem við höfðum,“ segir Jón Heiðar Rúnarsson sem ásamt Anitu Hafdísi Björnsdóttur rekur félagið Zipline Akureyri. Þau hófu starfsemi um mitt sumar árið 2022 og eru því á sínu fjórða sumri. Zipline Akureyri rekur ævintýra ferðaþjónustu í Glerárgili, er með alls fimm sviflínur þar sem farið er yfir Glerá. -
Ferðfólk sem sækir í kælifrí þykir svalt að koma til Akureyrar
Það er ansi heitt niður i Evrópu og hitamet sleginn eða við það að vera sleginn daglega má segja. Þeim hópi ferðafólks sem þykir norðanátt og rigning mjög eftirsóknarverð horfir í vaxandi mæli hingað ,,upp eftir" og er Akureyri svo dæmi sé tekið er efst á óskalista þeirra erlendu ferðalanga sem vilja komast í svalara loftslag. Óhætt er að fullyrða að þessi gerð af ferðafólki fengi helling fyrir sinn snúð á Akureyri í dag. -
Að byggja upp á Bakka
Hjálmar Bogi Hafliðason skrifar um atvinnuuppbyggingu á Bakka á Húsavík. -
Bíladagar
Dýrleif Skjóldal átti Lokaorðið í blaðinu s.l. fimmtudag. -
Dagsektir vegna umgengni við Hamragerði 15 ekki greiddar
Dagsektir sem lagðar voru á lóðahafa við Hamragerði 15 á Akureyri vegna umgengni á lóðinni hafa ekki verið greiddar en þær eru í innheimtu. Fjárnám hefur verið gert í eigninni og nauðungarsala hefur verið auglýst. Bílum innan lóðar hefur fækkað lítilega að undanförnu. -
Jóhann Páll heiðursdoktor við HA
Hug- og félagsvísindasvið Háskólans á Akureyri veitir Jóhanni Páli Árnasyni heiðursdoktorsnafnbót á sviði félagsvísinda næstkomandi mánudag, 30. júní -
Sérstakt ef beita þarf sveitarfélag þvingunarúrræðum til að fá fram tiltekt
Akureyrarbær hefur ekki brugðist við kröfu frá Heilbrigðisnefnd Norðurlands eystra um að hreinsa svæði við á lóð bæjarins við Krossanes. Alls eru 45 bílar í slæmu ástandi á lóðinni.
