Tryggja þarf rekstrargrundvöll Sjúkrahússins á Akureyri
Njálll Trausti Friðbertsson þingmaður Sjálfstæðisflokksins Mynd Vbl.
Njáll Trausti Friðbertsson Sjálfstæðisflokki hefur áhyggjur af fjárhagsstöðu Sjúkrahússins á Akureyri (SAk) og telur mikilvægt að tryggja rekstrargrundvöll þess til framtíðar. Hann bendir á að sjúkrahúsið stefni í verulegan rekstrarhalla og að fjárheimildir dugi ekki til að standa undir þeirri þjónustu sem því er ætlað að veita. Þetta kemur fram í skrifum hans á Facebook í morgun um stöðu sjúkrahússins og fyrirhugaða fjárveitingu til þess í fjárlögum.
Síðastliðinn miðvikudag komu forsvarsmenn Sjúkrahússins á Akureyri fyrir fjárlaganefnd og fóru yfir þá grafalvarlegu stöðu sem komin er upp í rekstri sjúkrahússins. Fyrr í haust hafði ég óskað eftir því við formann nefndarinnar að við fengjum forsvarsmenn SAk á fund til að ræða stöðuna. Á þeim áratug sem ég hef setið í fjárlaganefnd hef ég aldrei séð rekstrarstöðu sjúkrahússins jafn slæma og nú.
Reksturinn stefnir 2 milljörðum fram úr fjárheimildum
Samkvæmt minnisblaði SAk stefnir í að reksturinn fari 2.046 milljónir króna fram úr fjárheimildum í ár, eða 15,37%. Þar af eru 632,5 milljónir vegna halla frá fyrra ári og um 1,4 milljarðar vegna rekstrar þessa árs. Launakostnaður skýrir um 82% af heildarfrávikinu.
Stöðugildum hefur fjölgað um 12,9% frá árinu 2021. Sjúkrahúsið rekur fjölgunina til styttingar vinnuvikunnar, fyrst hjá vaktavinnufólki og síðan hjá læknum. Þegar ríkið semur um styttingu vinnuvikunnar þarf það að tryggja fjármögnun þeirrar mönnunar sem sólarhringsþjónusta krefst. Álagsmælingar benda jafnframt til þess að fjölga þurfi hjúkrunarfræðingum á legudeildum.
Framleiðni lækna er samkvæmt samanburði SAk sambærileg við það sem gerist á Landspítala og meðallegutími er styttri. Framleiðni sjúkrahússins var yfir áætlun fimm af fyrstu sex mánuðum ársins. Samkvæmt SAk fengust um 150 milljónir króna ekki greiddar úr framleiðslutengdum umbunarpotti fyrir veitta þjónustu. Þá stefnir í að samskipti á göngudeildum fari í fyrsta sinn yfir 100 þúsund í ár.
Launakostnaður við vaktlínu sjúkraflugs er um 175 milljónir króna. Árið 2020 bættust 48 milljónir við rekstrargrunn SAk vegna verkefnisins. Framlagið hefur fylgt launavísitölu en dugar enn ekki fyrir kostnaðinum við læknavaktina.
Í fjárlagafrumvarpi 2027 er gert ráð fyrir 1,6% raunvexti og 1,1% hagræðingarkröfu. Fjárheimildir lækkuðu á föstu verðlagi árið 2026 og samkvæmt samanburði SAk gerir frumvarpið ráð fyrir lægsta fjárfestingarframlagi frá 2014.
Viðvarandi niðurskurður gæti veikt sérhæfða heilbrigðisþjónustu SAk
Sjúkrahúsið á Akureyri er sérgreinasjúkrahús, kennslusjúkrahús og varasjúkrahús Landspítala. Forsvarsmenn þess vara við að niðurskurður geti haft langvarandi áhrif á sérhæfða þjónustu á Norður- og Austurlandi. Þegar sérhæft starfsfólk hverfur tekur tíma að byggja þjónustuna upp á ný.
Við í fjárlaganefnd þurfum að takast á við þessa erfiðu stöðu og tryggja rekstur SAk. Við afgreiðslu fjárlaga þarf að taka á uppsöfnuðum halla og tryggja að rekstrargrunnurinn standi undir þeirri þjónustu sem sjúkrahúsinu er ætlað að veita.
Nýjast
-
90 manns mættu á stofnfund Björgum Kristnesi
Um 90 manns mættu á stofnfund samtakanna Björgum Kristnesi á Hælinu laugardaginn 1. nóvember, á 99 ára afmæli spítalans. „Það er ljóst að málefnið snertir marga og viljinn til að standa vörð um Kristnes er mikill,“ segir María Pálsdóttir. -
Tryggja þarf rekstrargrundvöll Sjúkrahússins á Akureyri
Njáll Trausti Friðbertsson Sjálfstæðisflokki hefur áhyggjur af fjárhagsstöðu Sjúkrahússins á Akureyri (SAk) og telur mikilvægt að tryggja rekstrargrundvöll þess til framtíðar. Hann bendir á að sjúkrahúsið stefni í verulegan rekstrarhalla og að fjárheimildir dugi ekki til að standa undir þeirri þjónustu sem því er ætlað að veita. Þetta kemur fram í skrifum hans á Facebook í morgun um stöðu sjúkrahússins og fyrirhugaða fjárveitingu til þess í fjárlögum -
Húsavík varð efniviður í nýja leiki
Að kasta fiskum í hvalsgin, spreyta sig á söguspili og takast á við tölvuleik með eigin söguheimi. Hugmyndaflugið fékk að ráða þegar fimm teymi komu saman á fyrsta leikjadjamminu á Húsavík í september. Stefán Pétur Sólveigarson hjá Hraðinu sér fyrir sér að endurtaka leikinn og byggja á reynslunni. -
Arna María Ævarsdóttir – Adda Art Öflugur sjálfboðaliði sem vildi gefa af sér
„Ég er afskaplega þakklát fyrir þessar góðu viðtökur. Þær hafa farið fram úr mínum björtustu vonum, en gefa mér byr undir báða vængi að halda þessu starfi áfram,“ segir Arna María Ævarsdóttir sem vakið hefur athygli fyrir umfangsmikla sultugerð. Hún útbýr sultur í miklu magni, bakar bananabrauð og fleira brauðmeti, en allur varningur er seldur hjá Norðurhjálp og styrkir starfsemi þeirra samtaka. „Ég fann fyrir mikilli löngun til að gefa af mér,“ segir hún en innkoma af sölunni hefur skilað Norðurhjálp tæplega 1,5 milljónum króna. Það fé fer allt í stuðning til þeirra sem höllum fæti standa í samfélaginu. Arna María, er kölluð Adda og hefur komið sér upp vörumerkinu Adda Art. -
Aukið aðgengi að áfengi á opnum svæðum
Hvergi er minnst á forvarnir gegn áfengi og öðrum vímuefnum í nýsamþykktri lýðheilsustefnu bæjarins. Stefán Garðarsson mætti á viðtalstíma bæjarfulltrúa Akureyrarbæjar og vakti mál á því. -
Sláturfé fækkar á milli ára
Nokkru færra fé var slátrað hjá sláturhúsi Kjarnafæði-Norðlenska á Húsavík á nýliðinni sláturtíð en verið hefur. Sláturtíð lauk um liðna helgi og gekk að vel fyrir sig. -
Vítabani Fjölnis mætir SA-konum á laugardaginn
Kvennalið Skautafélags Akureyrar tekur á móti Fjölni í Skautahöllinni á morgun, laugardaginn 7. nóvember, kl. 16.45. Aðalheiður Anna Ragnarsdóttir gekk aftur til liðs við SA á dögunum eftir dvöl í Svíþjóð og leikur sinn fyrsta leik með liðinu á tímabilinu. -
Skipulagsráð frestar afgreiðslu á stækkun Hálanda
Skipulagsráð Akureyrarbæjar hefur frestað afgreiðslu á fyrirspurn frá fyrirtækinu SS Byggis ehf. um kaup eða úthlutun á landi til stækkunar á frístundabyggðinni Hálöndum í Hlíðarfjalli. Meirihluti ráðsins vísar til þess að svæðið sé hluti af Græna treflinum, þar sem trjáplöntum hefur verið plantað undanfarin ár. Afgreiðslu er frestað þar til umsögn umhverfis- og mannvirkjaráðs liggur fyrir auk þess sem samráð á að hafa við Norðurorku. -
Nemar í VMA koma flestir af svæðinu
Flestir nemendur dagskóla Verkmenntaskólans á Akureyri koma af svæðinu. Um 58% nemenda skólans eru með lögheimili á Akureyri og hækkar hlutfallið í 77% þegar litið er til Eyjafjarðar alls.
