Skipulagsráð frestar afgreiðslu á stækkun Hálanda
SS-Byggir hefur reist alls 98 orlofshús í Hálöndum í Hlíðarfjalli og óskar eftir að kaupa land af Akureyrarbær til að stækka byggðina. Skipulagsráð frestaði afgreiðslu málsins, m.a. vegna þess að á svæðinu er hluti af svonefndum Grænum trefli sem umlykur Akureyri
Skipulagsráð Akureyrarbæjar hefur frestað afgreiðslu á fyrirspurn frá fyrirtækinu SS Byggis ehf. um kaup eða úthlutun á landi til stækkunar á frístundabyggðinni Hálöndum í Hlíðarfjalli. Meirihluti ráðsins vísar til þess að svæðið sé hluti af Græna treflinum, þar sem trjáplöntum hefur verið plantað undanfarin ár. Afgreiðslu er frestað þar til umsögn umhverfis- og mannvirkjaráðs liggur fyrir auk þess sem samráð á að hafa við Norðurorku.
SS Byggir ehf sendi Akureyrarbæ erindi þar sem óskað er eftir formlegum viðræðum um kaup eða úthlutun á landsvæði norðan við núverandi frístundabyggð í Hálöndum. Fyrirtækið vill tvöfalda svæðið til að rúma sambærilegt byggingarmagn og nú er, en 98 hús af 113 mögulegum eru þegar risin á svæðinu ásamt tveimur hótelskálum.
Mikil fjárfesting í innviðum
Í erindi SS Byggis kemur fram að fyrirtækið hafi þegar fjárfest verulega í gatnagerð og innviðum á svæðinu og þekkir staðhætti vel. Einnig er bent á að aukið framboð af frístundahúsum og gistirýmum í Hálöndum gæti dregið úr skammtímaleigu á íbúðarhúsnæði í þéttbýlinu og þannig auðveldað fjölskyldum að finna húsnæði til fastrar búsetu.
Loks er bent á að nálægð við Hlíðarfjall, hjólabrautir, gönguleiðir og önnur útivistarsvæði styrki Akureyri sem áfangastað allan ársins hring. Akureyrarbær fengi einnig tekjur af sölu á landi. SS Byggir leggur áherslu á að stækkunin verði unnin í áföngum og í þéttu samráði við bæinn um skipulag og kostnaðarskiptingu innviða.
Óþarfi að tefja málið
Þórhallur Jónsson, A lista vildi á fundi skipulagsráðs ganga strax til samninga um stækkunina. Hann taldi óþarft að tefja málið með því að vísa því umhverfis- og mannvirkjaráðs og bendir á að viðsemjandi geti fært trjágróðurinn í Græna treflinum eða plantað nýjum. Þá lagði hann áherslu á að uppbyggingin færi með sér töluverða hagkvæmni fyrir bæinn.
Opið útboð nauðsynlegt
Sindri S. Kristjánsson, S-lista taldi aftur á móti nauðsynlegt að efna til opins útboðs- eða söluferli ef ráðist verður í úthlutun á bæjarlandinu. Hann bendir á að úthlutun verðmæta án auglýsingar eigi aðeins við í algjörum undantekningartilvikum, sem ekki séu fyrir hendi hér.
Nýjast
-
Skipulagsráð frestar afgreiðslu á stækkun Hálanda
Skipulagsráð Akureyrarbæjar hefur frestað afgreiðslu á fyrirspurn frá fyrirtækinu SS Byggis ehf. um kaup eða úthlutun á landi til stækkunar á frístundabyggðinni Hálöndum í Hlíðarfjalli. Meirihluti ráðsins vísar til þess að svæðið sé hluti af Græna treflinum, þar sem trjáplöntum hefur verið plantað undanfarin ár. Afgreiðslu er frestað þar til umsögn umhverfis- og mannvirkjaráðs liggur fyrir auk þess sem samráð á að hafa við Norðurorku. -
Nemar í VMA koma flestir af svæðinu
Flestir nemendur dagskóla Verkmenntaskólans á Akureyri koma af svæðinu. Um 58% nemenda skólans eru með lögheimili á Akureyri og hækkar hlutfallið í 77% þegar litið er til Eyjafjarðar alls. -
Fyrstu jólatrén farin út í bæ
Aðventuundirbúningur er kominn á fullan skrið í Kjarnaskógi og eru fyrstu lifandi jólatrén þegar farin að birtast í verslunum bæjarins, en lögð er áhersla á að bjóða aðeins upp á raunveruleg tré af heimamarkaði að sögn Ingólfs Jóhannssonar framkvæmdastjóra Skógræktarfélags Eyfirðinga. -
Í 20 ár hefur þjóðin svarað Neyðarkallinu
Sjálfboðaliðar björgunarsveitanna ganga í hús og verða á ferðinni dagana 4.–8. nóvember með Neyðarkallinn til sölu. Með kaupum á kallinum getur almenningur stutt við mikilvægt björgunar- og slysavarnastarf. -
Mikilvæg skref í átt að samþættingu þjónustu við eldri borgara
Í kosningunum í vor fundum við skýrt fyrir ákalli um að stíga fleiri skref í átt að samþættingu þjónustu við eldra fólk. Það ákall kom bæði frá eldra fólki og aðstandendum þess, en líka frá frábæru starfsfólki ólíkra stofnana sem vinnur daglega að þjónustunni og þekkir vel hvar tækifærin liggja. -
Bjarni Ólafsson í nýrri heimahöfn og fær nafnið Margrét
Uppsjávarskipið Bjarni Ólafsson AK-70 er komið til nýrrar heimahafnar á Akureyri. Skipinu verður gefið nafnið Margrét og verður þar með fimmta skipið í sögu Samherja sem ber það nafn. -
Nýr samningur um ferðamál í Hrísey
Akureyrarbær og Ferðamálafélag Hríseyjar hafa undirritað nýjan samning um framlög til verkefna á sviði ferðamála í Hrísey fyrir árin 2026–2029. Markmiðið er að efla eyjuna sem eftirsóknarverðan áfangastað allt árið um kring með samvinnu heimamanna og atvinnu-, menningar- og markaðsteymis bæjarins. -
Bekkur til minningar um Þorvald Þorsteinsson
Skólasystkini hins fjölhæfa listamanns og mannvinar Þorvaldar Þorsteinssonar hafa komið fyrir granítbekk á Hamarkotstúni honum til minningar, skammt frá bernskuheimili hans við Hamarsstíg. Bekkurinn verður afhjúpaður á afmælisdegi hans næstkomandi laugardag, 7. nóvember klukkan 14. -
Hrísey Varp hjá rjúpu með mesta móti á liðnu vori
Varp hjá rjúpu var með mesta móti á liðnu vori í Hrísey og segir Þorsteinn Þorsteinsson sem lengi hefur fylgst með viðgangi rjúpnastofnsins í eynni að það hafi verið svipað og árið 1966, fyrir hálfri öld.
