Húsavík varð efniviður í nýja leiki
Háskóli Íslands, Hraðið, STEM Ísland og Game Makers Iceland, sameinuðu krafta sína til að búa til Leikjadjammið. Myndir/Hraðið.
Að kasta fiskum í hvalsgin, spreyta sig á söguspili og takast á við tölvuleik með eigin söguheimi. Hugmyndaflugið fékk að ráða þegar fimm teymi komu saman á fyrsta leikjadjamminu á Húsavík í september. Stefán Pétur Sólveigarson hjá Hraðinu sér fyrir sér að endurtaka leikinn og byggja á reynslunni.
„Ég býst við að við gerum þetta aftur,“ segir Stefán í samtali við Vikublaðið.
Leikjadjammið fór fram í Hraðinu á Stéttinni fyrr í haust og sameinaði fólk með ólíkan bakgrunn. Meðal þátttakenda voru bæði grunnskólanemar og doktorsnemar og verkefnið var að þróa leiki út frá sameiginlegu þema: hvölum, hafinu og Húsavík.
Að viðburðinum stóðu Háskóli Íslands, Hraðið, STEM Ísland og Game Makers Iceland. Frumkvæðið kom frá Ástu Olgu Magnúsdóttur, sérfræðingi í nýsköpun og samstarfi hjá HÍ, og Huld Hafliðadóttur, stofnanda STEM Húsavíkur og STEM Íslands.
Fiskar í hvalsgin og marglyttuspil
Þátttakendur höfðu tvo daga til að færa hugmyndir sínar yfir í spilanlegar frumgerðir. Þar nýttust meðal annars sagnalist, hönnun, forritun og þekking á nærumhverfinu. Stefán var meðal leiðbeinenda og aðstoðaði hópana í sköpunarferlinu og við nýtingu aðstöðunnar í Fab Lab Húsavík.
Afurðirnar voru fjölbreyttar. Í umfjöllun Háskóla Íslands er sagt frá útileik þar sem kastað var fiskum í hvalsgin, söguspili með orðum tengdum þema viðburðarins og spurningaspili með marglyttum fyrir ólíka aldurshópa. Einnig varð til tölvuleikur sem virtist einfaldur við fyrstu sýn en byggðist á söguheimi sem höfundarnir höfðu mótað á þessum tveimur dögum.
Viðburðinum lauk með því að gestum og gangandi bauðst að prófa leikina.
Reynsla sem nýtist áfram
Stefán telur ýmis tækifæri til að þróa framkvæmdina áfram. Hann nefnir sérstaklega mikilvægi þess að ná beint til væntanlegra þátttakenda, meðal annars með því að fara inn í skóla og kynna hvað standi til boða. Slík nálgun hafi reynst vel við aðra viðburði á vegum Hraðsins.
Hann lítur á fyrstu tilraunina sem reynslu til að byggja á. Viðburðir þróist með tímanum og það sem lærist í eitt skipti geti nýst til að bæta það næsta.
„Maður lærir alltaf eitthvað á því að halda svona viðburði eins og sannast hefur með Krubbinn og Hönnunarþingið,“ segir Stefán og vísar þar til tveggja stórviðburða á sviði hönnunar og nýsköpunar sem hafa vakið mikla athygli um allt land og fest sig í sessi sem árlegir viðburðir; með sívaxandi aðdráttarafl fyrir gesti til að heimsækja Húsavík.
Leikjadjammið tengist norðurslóðaverkefninu InnoGS, sem styður við atvinnu- og byggðaþróun og aukna atvinnumöguleika ungs fólks í dreifbýli. Með viðburðinum var meðal annars kannað hvernig leikjahönnun gæti orðið farvegur fyrir nýsköpun og tengt saman skapandi fólk úr ólíkum áttum.
Nýjast
-
90 manns mættu á stofnfund Björgum Kristnesi
Um 90 manns mættu á stofnfund samtakanna Björgum Kristnesi á Hælinu laugardaginn 1. nóvember, á 99 ára afmæli spítalans. „Það er ljóst að málefnið snertir marga og viljinn til að standa vörð um Kristnes er mikill,“ segir María Pálsdóttir. -
Tryggja þarf rekstrargrundvöll Sjúkrahússins á Akureyri
Njáll Trausti Friðbertsson Sjálfstæðisflokki hefur áhyggjur af fjárhagsstöðu Sjúkrahússins á Akureyri (SAk) og telur mikilvægt að tryggja rekstrargrundvöll þess til framtíðar. Hann bendir á að sjúkrahúsið stefni í verulegan rekstrarhalla og að fjárheimildir dugi ekki til að standa undir þeirri þjónustu sem því er ætlað að veita. Þetta kemur fram í skrifum hans á Facebook í morgun um stöðu sjúkrahússins og fyrirhugaða fjárveitingu til þess í fjárlögum -
Húsavík varð efniviður í nýja leiki
Að kasta fiskum í hvalsgin, spreyta sig á söguspili og takast á við tölvuleik með eigin söguheimi. Hugmyndaflugið fékk að ráða þegar fimm teymi komu saman á fyrsta leikjadjamminu á Húsavík í september. Stefán Pétur Sólveigarson hjá Hraðinu sér fyrir sér að endurtaka leikinn og byggja á reynslunni. -
Arna María Ævarsdóttir – Adda Art Öflugur sjálfboðaliði sem vildi gefa af sér
„Ég er afskaplega þakklát fyrir þessar góðu viðtökur. Þær hafa farið fram úr mínum björtustu vonum, en gefa mér byr undir báða vængi að halda þessu starfi áfram,“ segir Arna María Ævarsdóttir sem vakið hefur athygli fyrir umfangsmikla sultugerð. Hún útbýr sultur í miklu magni, bakar bananabrauð og fleira brauðmeti, en allur varningur er seldur hjá Norðurhjálp og styrkir starfsemi þeirra samtaka. „Ég fann fyrir mikilli löngun til að gefa af mér,“ segir hún en innkoma af sölunni hefur skilað Norðurhjálp tæplega 1,5 milljónum króna. Það fé fer allt í stuðning til þeirra sem höllum fæti standa í samfélaginu. Arna María, er kölluð Adda og hefur komið sér upp vörumerkinu Adda Art. -
Aukið aðgengi að áfengi á opnum svæðum
Hvergi er minnst á forvarnir gegn áfengi og öðrum vímuefnum í nýsamþykktri lýðheilsustefnu bæjarins. Stefán Garðarsson mætti á viðtalstíma bæjarfulltrúa Akureyrarbæjar og vakti mál á því. -
Sláturfé fækkar á milli ára
Nokkru færra fé var slátrað hjá sláturhúsi Kjarnafæði-Norðlenska á Húsavík á nýliðinni sláturtíð en verið hefur. Sláturtíð lauk um liðna helgi og gekk að vel fyrir sig. -
Vítabani Fjölnis mætir SA-konum á laugardaginn
Kvennalið Skautafélags Akureyrar tekur á móti Fjölni í Skautahöllinni á morgun, laugardaginn 7. nóvember, kl. 16.45. Aðalheiður Anna Ragnarsdóttir gekk aftur til liðs við SA á dögunum eftir dvöl í Svíþjóð og leikur sinn fyrsta leik með liðinu á tímabilinu. -
Skipulagsráð frestar afgreiðslu á stækkun Hálanda
Skipulagsráð Akureyrarbæjar hefur frestað afgreiðslu á fyrirspurn frá fyrirtækinu SS Byggis ehf. um kaup eða úthlutun á landi til stækkunar á frístundabyggðinni Hálöndum í Hlíðarfjalli. Meirihluti ráðsins vísar til þess að svæðið sé hluti af Græna treflinum, þar sem trjáplöntum hefur verið plantað undanfarin ár. Afgreiðslu er frestað þar til umsögn umhverfis- og mannvirkjaráðs liggur fyrir auk þess sem samráð á að hafa við Norðurorku. -
Nemar í VMA koma flestir af svæðinu
Flestir nemendur dagskóla Verkmenntaskólans á Akureyri koma af svæðinu. Um 58% nemenda skólans eru með lögheimili á Akureyri og hækkar hlutfallið í 77% þegar litið er til Eyjafjarðar alls.
