Tóku til hendinni í bæjarlandinu
Lilja Jónsdóttir, Sigríður Þórdís Einarsdóttir og Vilhelmína Ásdís Kjartansdóttir tóku til hendinni á sneiðingnum við Hlöðufell á Húsavík. Mynd/epe
Um þessar mundir er í gangi svo kallað Umhverfisátak í Norðurþingi sem felur m.a. í sér hvatningu frá sveitarfélaginu til íbúa, fyrirtækja og stofnana til að huga að umhverfi sínu og fegra það.
Markmið átaksins eru m.a. að fegra umhverfi, bæta ásýnd og auka staðarstolt en jafnframt að fyrirtæki bæti umgengni og virði lóðamörk þar sem það á við.
Þá er stefnt á að veita viðurkenningar í tengslum við dagskrá Mærudaga í ár fyrir Snyrtilegasta býlið, snyrtilegustu lóð fyrirtækis eða stofnunar, Plokkara ársins og snyrtilegustu lóðina. Frestur til að skila inn tillögum til sveitarfélagsins átti upphalfega að renna út á þriðjudag sl. en var framlengt til 15 júlí.
Fegruðu vinsæla gönguleið
Hvort umhverfisátakið hafi eitthvað með það að gera þá rakst blaðamaður á þrjár konur á besta aldri á dögunum en þær voru önnum kafnar við að rífa upp illgresi og snyrta til við annars fallegan göngustíg sem tengir Höfðaveg og Héðinsbraut og liggur meðfram veitingastaðnum Hlöðufelli.
Stígurinn er í sjálfu sér metnaðarfullt verkefni með flottri hellulögn og fjölbreyttum gróðri en hefur verið í nokkurri órækt síðustu ár. Þessu tóku þær eftir, konurnar sem minnst var á, þær Sigríður Þórdís Einarsdóttir, Lilja Jónsdóttir og Vilhelmína Ásdís Kjartansdóttir.
„Við göngum þennan stíg svo oft og töluðum um að þetta væri komið í svo mikla órækt. Þannig að við tókum okkur bara til og hófumst handa við að hreinsa þetta,“ sögðu þær og bættu við að þetta væri talsverð vinna.
,,Við eyddum fleiri klukkutímum í þetta í síðustu viku og tókum svo einn dag í byrjun þessarar viku. En svo höfðum við samband við þjónustumiðstöð bæjarins sem tók okkur vel og þeir ætla að setja Vinnuskólann í að klára verkið,“ segir Vilhelmína að lokum.
Lilja gengur stígin nær daglega og þótti ekkert tiltökumál að leggja sitt af mörkum, Sigríður skaffaði verkfærin og tók til hendinni og Vilhelmína Ásdís Kjartansdóttir hálf ofan í beðunum.
Nýjast
-
Ljósmyndasýning á hafnarvæðinu á Húsavík
Bergur Elías Ágústsson, rekstrarstjóri Hafna Norðurþings segir mikla áherslu hafa verið lagða á að bæta ásýnd og að efla ímynd og gæði þjónustu hafnanna síðasta árið -
Tóku til hendinni í bæjarlandinu
Þrjár konur á besta aldri tóku sig til á dögunum og hófu að rífa upp illgresi og snyrta til við annars fallegan göngustíg sem tengir Höfðaveg og Héðinsbraut og liggur meðfram veitingastaðnum Hlöðufelli. -
Nýtt upphaf í fjölnýtingu jarðhitaafurða á Þeistareykjum
Nýja húsnæðið sem Landsvirkjun reisir verður á svokallaðri fjölnýtingarlóð milli skiljustöðvar og aflstöðvar Landsvirkjunar, og mun GeoSilica fá beinan aðgang að auðlindastraumum frá jarðvarmavinnslunni. -
Assgolli fínt! – Múmínkastalinn frægi tilbúinn
Múmínkastalinn í Ævintýralundi í Kjarnaskógi er tilbúinn. Ævintýraþyrst börn á öllum aldri velkomin að líta við. -
Myndlistarsýning: Fjallið Kerling séð frá Fujian héraði
Laugardaginn 5. júlí kl 18.00 opnar myndlistarmaðurinn Aðalsteinn Þórsson sýningu á nýjum verkum í Dyngjunni - listhúsi í Eyjafjarðarsveit -
Neistinn tendraður í Kveikjunni Norðlensk fyrirtæki sameinast um nýsköpun innan fyrirtækja að sænskri fyrirmynd
Upphafsviðburður Kveikjunnar á vegum Driftar EA fór fram á dögunum í Messanum við Ráðhústorg á Akureyri. Þar komu saman fulltrúar ellefu fyrirtækja úr fjölbreyttum greinum atvinnulífsins og hófu formlega þátttöku sína í verkefninu. -
Sparisjóðir sameinast
Stjórnir Sparisjóðs Höfðhverfinga hf. og Sparisjóðs Strandamanna hf. hafa undirritað samrunaáætlun um sameiningu sjóðanna en hún tekur mið af stöðu sjóðanna í upphafi árs. -
PWC styður áfram við bakið á Völsungi
PwC og Völsungur hafa skrifað undir áframhaldandi samstarfssamning sín á milli -
Vilja lóð undir iðnaðarmannaíbúðir
Hnjúkur efh. hefur óskað eftir að fá úthlutað eða leigða lóð á Akureyri til að reisa á iðnaðarmanníbúðir.
