Tilraun til að knýja strætisvagn með lífdísel gengur vel
Kostnaður er álíka mikill og við kaup á hefðbundnu eldsneyti, en fyrst og fremst er ávinningurinn sá að um mun umhverfisvænni orkugjafa er að ræða. Lífdísillinn er framleiddur hjá fyrirtækinu Orkey, en það var stofnað fyrir um þremur árum. Á vegum þess hefur verið unnið að því að kanna ýmsa möguleika á framleiðslu lífdísels, jafnt úr innlendu sem erlendu hráefni. Stefnt er að því að framleiða um 300 tonn af lífdísel á ársgrundvelli og verður hann að mestu unninn úr úrgangssteikingarolíu og feiti auk annars úrgangs.
Stefán segir að nýliðið ár hafi verið svipað og árið þar á undan hvað farþegafjölda hjá Strætisvögnum Akureyrar varðar, um 2000 farþegar á dag að jafnaði. „Við eigum allt eins von á að þeim fjölgi í ár," segir hann og nefndi í því sambandi hækkandi eldsneytisverð og lakari fjárhag almennings en áður. „Við erum í stakk búin til að taka við fleiri farþegum," segir hann.
Nýtt leiðakerfi var tekið í notkun nýverið m.a. til að bæta þjónustu við farþega. Ferðum um Naustahverfi og til og frá hverfinu var fjölgað og þá var þjónusta við nemendur í framhaldsskólum bæjarins aukin sem og við háskólann, en einnig var gerð breyting sem miðar að betri tengingu milli Brekkunnar og Bogans í Glerárhverfi.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.