Til hamingju með daginn!
Sigrún Steinarsdóttir, skipar þriðja sæti á lista Samfylkingarinnar á Akureyri
Sindri S. Kristjánsson, oddviti Samfylkingarinnar á Akureyri
Hanna Dóra Markúsdóttir, skipar annað sæti á lista Samfylkingarinnar á Akureyri
Kæru bæjarbúar. Takk fyrir móttökurnar, samtölin, spurningarnar (líka þær erfiðu), kaffibollana, kleinurnar, hvatninguna og meðbyrinn.
Við erum tilbúin til verka og teflum fram lista með góðri blöndu af þekkingu af stjórnsýslu og nýliðum í pólitík með þá sameiginlegu sýn að saman séum við sterkari. Við komumst lengra saman og við eigum að hlusta á og nýta krafta alls þess fólks sem býr hér í bæ.
Við ætlum okkur að opna eyrun og fyrsta verk okkar, fáum við umboð til, verður að endurvekja viðtalstíma bæjarfulltrúa - en slíkir hafa ekki verið haldnir allt kjörtímabilið. Bæjarfulltrúar eru fyrir bæjarbúa, við ætlum okkur að hlusta og koma á þeim breytingum sem nauðsynlegar eru svo öll geti haft það betra í fallega bænum okkar og eyjunum tveimur.
Í dag gefst okkur öllum tækifæri á að hafa áhrif á hvaða áherslur verða í Akureyrarbæ næstu fjögur árin. Við höfum teflt fram áherslum á sterka velferð, bætta þjónustu við eldri borgara, fólk með heilabilun og skylda sjúkdóma, börn inni í skólunum okkar, betri starfsaðstæður kennara, íslenskukennslu og inngildingu, óhagnaðardrifna húsnæðisuppbyggingu og skipulag fyrir alla hópa, fleiri möguleikum til samveru, m.a. í sundlauginni okkar, grósku í menningarlífi, vistvænar samgöngur, bætt aðgengi og Akureyri sem fer úr vörn og sækir fram með sterkum innviðum og atvinnustefnu til framtíðar.
Við trúum því að jöfn samfélög séu sterk samfélög. Við viljum létta ykkur daglega lífið og göngum einbeitt og samstíga í verkefnin sem framundan eru og vonumst eftir sterku umboði bæjarbúa til þess.
Nýjast
-
Ný rannsókn: Beint millilandaflug frá Akureyri dregur úr svæðisbundnum ójöfnuði
Ný rannsókn Þórodds Bjarnasonar, prófessors í félagsfræði við Háskóla Íslands, sýnir að beint millilandaflug frá Akureyri hefur haft veruleg jákvæð samfélagsleg áhrif á Norður- og Austurland. Í skýrslunni Samfélagsleg áhrif millilandaflugs á Norður- og Austurlandi, sem kom út 8. maí, kemur fram að flugið hafi bætt aðgengi íbúa að alþjóðlegum tengingum, dregið úr kostnaði og minnkað þann aðstöðumun sem lengi hefur verið milli landsbyggðar og höfuðborgarsvæðis. -
Til hamingju með daginn!
Kæru bæjarbúar. Takk fyrir móttökurnar, samtölin, spurningarnar (líka þær erfiðu), kaffibollana, kleinurnar, hvatninguna og meðbyrinn. -
Sumarið lítur vel út og við er spennt fyrir nýjum verkefnum
„Sumarið lítur mjög vel út og við erum spennt fyrir að takast á við þau fjölmörgu verkefni sem fram undan eru. Það er margt í gangi hjá okkur, fjölbreytt og spennandi verkefni,“ segir Helga Nína Helgadóttir markaðsstjóri hjá SBA-Norðurleið. Félagið hefur fengið fyrirspurnir vegna sólmyrkvans í ágúst og er fullbókað þann tíma. Nýverið keypti SBA- Norðurleið fyrirtækið Mývatns Tour. Mikið hefur verið í gangi að sumarlagi í tengslum við ferðir með farþega skemmtiferðaskipa, en ljóst að minna verður að gera á þeim vettvangi á komandi sumri. Þess í stað taka við önnur verkefni. -
Runninn er upp bjartur og fallegur kosningadagur
Í mínum huga hefur það alltaf verið hátíðleg stund að ganga að kjörborðinu og taka þátt í lýðræðinu. Ég hvet því alla til að nýta kosningarétt sinn í dag. Í sveitarstjórnarkosningum veljum við fólk sem við treystum og vitum að mun leggja sig fram af heilindum fyrir sitt samfélag. -
Tökum næstu skref
Kæru Akureyringar, Hríseyingar og Grímseyingar, -
Allt að gerast!
Ég leiði Akureyrarlistann af því að ég trúi á Akureyri. Ég trúi á fólkið hér, kraftinn, framtíðina og að við getum gert enn betur í þessum frábæra bæ okkar. -
Leikskólar fyrir öll: ekki bara þau sem hafa svigrúm
„Akureyrarleiðin“ í leikskólamálum hefur verið kynnt sem viðbrögð við manneklu og sívaxandi álagi í leikskólakerfinu. Lögð er áhersla á styttri viðveru barna og að skapa betra starfsumhverfi fyrir starfsfólk leikskóla. -
Listasafn Íslands og Safnasafnið, sameiginleg sýning; Ísland úr fjarska
Listasafn Íslands og Safnasafnið standa sameiginlega að sýningunni Ísland úr fjarska sem verður opnuð í Safnasafninu á Svalbarðseyri laugardaginn 16. maí kl. 14. -
Ný heimasíða fyrir Bakka opnuð og vörumerki endurnýjað
Ný heimasíða iðnaðarsvæðisins á Bakka hefur verið opnuð á slóðinni bakki.nordurthing.is með það að markmiði að kynna uppbyggingartækifæri á svæðinu og veita skýra yfirsýn yfir innviði, þjónustu og samfélagið sem styður við starfsemi þar.
