Þýskir kvikmyndagerðarmenn gera bíómynd um jólasiði á Íslandi
Þýsku gestirnir voru staddir á Norðurlandi um helgina og heimsóttu m.a. Friðrik V. Karlsson veitingamann á Friðriki V, auk þess að fara vítt og breitt um Akureyri með kvikmyndavélina, til að mynda jólaskreytingar, jólatréð og jólaköttinn á Ráðhústorgi og fleira. "Þeir voru tvo daga með okkur á veitingastaðnum, fylgdust með hefðbundnu jólahlaðborði, einnig með afgreiðslu á öðrum jólamat og svo jólamarkaðnum okkar," sagði Friðrik.
Hann fór svo með hópinn í ferðalag á laugardag og sunnudag, m.a. til að kynna fyrir þeim "logal food" framleiðendur á svæðinu. "Við fórum í Mývatnssveit og heimsóttum Ólöfu Hallgrímsdóttur í Vogafjósi, fórum inn í íslenskt reykhús, þar sem verið var að reykja hangikjöt, heilsuðum upp á jólasveina í Dimmuborgum og fórum í Jarðböðin. Á sunnudag fórum við í heimsókn í Jólahúsið í Eyjafjarðarsveit, sem mér finnst svo ótrúlega flott. Þjóðverjarnir voru mjög hrifnir og fannst merkilegt að Jólahúsið væri opið allt árið. Þaðan fórum við til Elvars í Ektafiski og þar fengu gestirnir kynningu á saltfiski og að sjálfsögðu eldaði Elvar skötu handa mannskapnum. Eftir skötuveisluna var þýski hópurinn svo vígður inn í félagsskapinn The Rotten skate Club of Hauganes, en aðeins fáir útvaldir eru í þessum klúbbi."
Frá Hauganesi var haldið á Árskógssand og í heimsókn í Bruggsmiðjuna. "Það þótti einnig við hæfi að heimsækja Óla og Agnesi, smakka Kalda jólabjór og skoða bjórverksmiðjuna. Þar fórum við aðeins yfir söguna og það kom þá vel í ljós hversu okkar bjórmenning er ólík þeirri þýsku. Loks var komið við hjá Aðalheiði Eysteinsdóttur í Freyjulundi og rætt var við hana um jólakettina og engla sem hún er að gera núna."
Frá Akureyri héldu þýsku gestirnir til Reykjavíkur, þar sem þeir eyða jólunum. "Þeir ætla að mynda á Laugaveginum á morgun Þorláksmessu en verða svo hjá Herði Áskelssyni organista á sjálfum jólunum, þar sem þeir taka upp hefðbundið jólahald," sagði Friðrik.
Nýjast
-
Að fá rafræn skilríki fyrir fatlaða barnið sitt!!!
Hrafnhildur Jónsdóttir á Akureyri, móðir tveggja fatlaðra drengja skrifar pistil á Facebookvegg sinn í morgun sem hefur vakið mikla athygli. Hrafnhildur gaf samþykki fyrir birtingu pistils hennar hér. -
Jöfnuður er lykilorðið – svar framkvæmdastjóra sveitarfélaga á landsbyggðinni
Sjö bæjar- og sveitarstjórar skrifa um grunntilgang Jöfnunarsjóðs sveitarfélaga -
Ja þessir unglingar
Um 70 manns frá EBAK Félagi eldri borgara á Akureyri, EBAK heimsóttu Kjarnaskóg í vikunni, líkt og þau gera alla þriðjudaga sumarlangt til að ganga sér til gleði. -
Hugleiðingar hafnarstjóra
Sigurður Pétur Ólafsson hafnastjóri skrifaði hugleiðingar sínar á Facebookarvegg sinn í gærkvöldi, vefurinn fékk leyfi til að birta þær ásamt myndum sem fylgdu með. -
Listasafnið á Akureyri: Hekla Björt Helgadóttir með gjörning á Listasumri
Laugardaginn 12. júlí kl. 15 verður boðið upp á gjörning Heklu Bjartar Helgadóttur í Listasafninu á Akureyri í tengslum við þátttöku hennar í samsýningu norðlenskra listamanna, Mitt rými. Viðburðurinn er hluti af Listasumri á Akureyri -
Minningarbekkur í Birtugerði
Minningarbekkur til heiðurs systkinunum Huldu Benediktsdóttur (f. 1938) og Sigurjóni Benediktssyni (f. 1936) hefur verið vígður í Lónsbakkahverfinu í Hörgársveit. -
Geislameðferð sem lífsbjörg
Ég held að við upplifum flest áhyggjur þegar við lesum fréttir af því að bið fólks með krabbamein eftir því að komast í geislameðferð sé orðin tvöfalt lengri en sú hámarksbið sem miðað er við. Flest þekkjum við til og vitum hversu mikið álag er á fólki sem gengur í gegnum þessa erfiðu meðferð og sömuleiðis á ástvini þess. Það er hálfóhugsandi að ímynda sér stöðu þeirra sem hafa lokið lyfjameðferð og bíða bara eftir að geta haldið áfram sinni meðferð við þennan lífsógnandi óvin. -
Alls 100 kg af rusli fjarlægð úr fjörunni
Í liðinni viku stóðu starfsmenn PCC á Bakka við Húsavík fyrir ruslahreinsun utan athafnasvæðis fyrirtækisins í samstarfi við Ocean Missions -
Lagt til að heimgreiðslur verði festar í sessi
Alls fengu foreldrar 81 barns heimgreiðslur frá Akureyrarbæ árið 2024. Greiðslur námu tæplega 38,6 milljónum króna. Á tímabilinu janúar til maí á þessu ári hafa foreldrar 61 barns fengið heimgreiðslur að upphæð 15,5 milljónir króna.
