Þrjú rannsóknarverkefni hljóta styrki úr Vísindasjóði SAk
Frá afhendingu úr Vísindasjóði Sjúkrahússins á Akureyri Mynd SAk
Þrjú rannsóknarverkefni á sviði heilbrigðisþjónustu hafa hlotið styrk úr Vísindasjóði Sjúkrahússins á Akureyri. Verkefnin fjalla um viðhaldsþjálfun fólks með hjarta- og lungnasjúkdóma, hjúkrun krabbameinssjúklinga á bráðamóttökum og hermikennslu hjúkrunarnema í endurlífgun.
Styrkveitingarnar styðja við vísindastefnu Sjúkrahússins á Akureyri, þar sem áhersla er lögð á að efla rannsóknir og nýta nýja þekkingu til að bæta heilbrigðisþjónustu. Karen Sif Jónsdóttir, formaður Vísindasjóðsins, afhenti styrkina.
Rannsaka viðhaldsþjálfun hjarta- og lungnasjúklinga
Ragnheiður Harpa Arnardóttir hlaut styrk til rannsóknar á umfangi, eðli, ástundun og árangri viðhaldsþjálfunar fyrir fólk með hjarta- og/eða lungnasjúkdóma á HL-stöðvunum í Reykjavík og á Akureyri á árunum 2010–2026.
Markmið rannsóknarinnar er að kanna umfang og nýtingu viðhaldsþjálfunar Hjarta- og lungnastöðvanna auk þess að meta árangur hennar. Meðal annars verður skoðað hvort árangur sé mismunandi eftir kyni og eftir því hvort þátttakendur glíma við hjarta- eða lungnasjúkdóm.
Hjúkrun krabbameinssjúklinga á bráðamóttökum
Þórhalla Sigurðardóttir hlaut styrk til rannsóknar á viðhorfum og reynslu hjúkrunarfræðinga af hjúkrun fólks með krabbamein á bráðamóttökum.
Í rannsókninni verður einnig kannað hvernig hjúkrunarfræðingar meta eigin hæfni, þekkingu og sjálfsöryggi við hjúkrun einstaklinga með krabbamein. Markmiðið er að varpa ljósi á reynslu þeirra og þekkingu og þannig auka skilning á þörfum þessa hóps á bráðamóttökum.
Skoða ánægju hjúkrunarnema með hermikennslu
Hrafnhildur Lilja Jónsdóttir hlaut styrk til rannsóknar á ánægju hjúkrunarnema með hermikennslu á endurlífgunarnámskeiði.
Rannsóknin beinist að fjórða árs hjúkrunarnemum og ánægju þeirra með hermikennslu á stöðluðu ILS-námskeiði. Einnig verður skoðað hvort ánægja nemenda sé mismunandi eftir því í hvaða kennsluumhverfi hermikennslan fer fram.
Rannsóknirnar þrjár taka þannig til ólíkra þátta heilbrigðisþjónustunnar en eiga það sameiginlegt að hafa það að markmiði að auka þekkingu og stuðla að framþróun þjónustu og menntunar á heilbrigðissviði.
Frá þessu sagði fyrst á samfélagssíðu SAk
Nýjast
-
Lokaorðið - Val mitt við lífslok
Um daginn barst mér í hendur bæklingur með þessu heiti. Bæklingur þessi er gefinn út af Ellimálanefnd þjóðkirkjunnar, Kærleiksþjónustusviði Biskupsstofu í Reykjavík árið 2023. Þetta er fróðlegur bæklingur og megin tilgangur hans er ,,að styðja fólk við að ákveða hvernig það óskar að hafa útför sína og annað sem tengist lífslokum þess” eins og segir á fyrstu síðu. -
Þrjú rannsóknarverkefni hljóta styrki úr Vísindasjóði SAk
Þrjú rannsóknarverkefni á sviði heilbrigðisþjónustu hafa hlotið styrk úr Vísindasjóði Sjúkrahússins á Akureyri. Verkefnin fjalla um viðhaldsþjálfun fólks með hjarta- og lungnasjúkdóma, hjúkrun krabbameinssjúklinga á bráðamóttökum og hermikennslu hjúkrunarnema í endurlífgun. -
Ásýnd hjá Skútabergi á Moldhaugnahálsi enn óviðunandi
Ásýnd svæðis Skútabergs á Moldhaugnahálsi er enn óviðunandi að mati Heilbrigðiseftirlits Norðurlands eystra. -
Leikfélag Hörgdæla setur upp Hárið Hlökkum til að takast á við verkefnið
Leikfélag Hörgdæla ræðst í það stórvirki að setja upp söngleikinn Hárið á komandi leikári. Áætluð frumsýning er 18. febrúar 2027 og sýnt verður á Melum í Hörgársveit. Pétur Guðjónsson verður leikstjóri sýningarinnar en hann hefur áður unnið með félaginu þegar hann setti upp leikritið Í fylgd með fullorðnum árið 2022. Það naut mikilla vinsælda. Fyrirhugað er að hafa opnar prufur í byrjun október og hvetur félagið áhugasama að fylgjast með á facebooksíðu félagsins þegar nær dregur. -
Meira en bara matur á disk
Alls eru um 650 til 680 skammtar eldaðir á hverjum degi í skólamötuneyti Húsavíkur -
Mikilvægt að tryggja stöðugleika og verja kaupmátt heimila
Akureyrarbær hefur þegar gripið til ýmissa aðgerða, meðal annars með áherslu á hóflegar gjaldskrár og frestun innheimtu gatnagerðargjalda segir í bókun bæjarráðs en þrjú félög, VR, LÍV og RSÍ sendu Akureyrarbæ og fleiri sveitarfélögum í landinu erindi vegna gjaldskrárhækkana í tengslum við kjarasamninga. Einnig var óskað eftir upplýsingum um hvað þau væru tilbúinn að leggja af mörkum til að ná verðbólgu og vöxtum niður. -
Aravaka – Minningarmálþing um Ara Brynjólfsson
Minningamálþing í tilefni 100 ára fæðingarafmælis Ara Brynjólfssonar eðlisfræðings fer fram í Menntaskólanum á Akureyri á morgun sunnudaginn 27. september kl. 13.30 -16.00. -
Hætta dagsektum á Auto
Heilbrigðisnefnd Eyjafjarðar hefur samþykkt að hætta álagningu dagsekta sem lagaðar voru á fyrirtækið Auto ehf Setbergi á Svalbarðsstönd. Fyrirtækið óskað eftir að álagðar dagsektir verði felldar niður og að frekari dagsektir verði ekki lagðar á vegna málsins. Félagið vísar til þess að unnið hafi verið að úrbótum á athafnasvæðinu í samræmi við fyrirliggjandi verkáætlun. -
Vaxandi áhugi á uppbyggingu á Bakka
- Fleiri verkefni færast nær formlegum undirbúningi
