Lokaorðið - Val mitt við lífslok
Dilla átti Lokaorðið s.l. fimmtudag
Um daginn barst mér í hendur bæklingur með þessu heiti. Bæklingur þessi er gefinn út af Ellimálanefnd þjóðkirkjunnar, Kærleiksþjónustusviði Biskupsstofu í Reykjavík árið 2023. Þetta er fróðlegur bæklingur og megin tilgangur hans er ,,að styðja fólk við að ákveða hvernig það óskar að hafa útför sína og annað sem tengist lífslokum þess” eins og segir á fyrstu síðu.
Síðan getur maður skráð inn í bæklinginn og hakað við það sem við á og kvittað undir í vitna viðurvist í lokin.
Sum hafa á því sterkar skoðanir hvernig þau vilja hafa þetta og sum hugsa ekki einu sinni út í þetta. Fyrir mig sem er kannski ekki svo upptekin af þessu máli var það samt sem áður áhugavekjandi að fá þennan bækling í hendi og rýna í hann. Í lok hans er þó tekið fram að hann sé til leiðbeiningar og hafi ekkert lagalegt gildi.
Vil ég hafa sæng mína og kodda með mér í kistuna? Eða giftingarhring og sálmabók? Líkklæði eða önnur föt eða bara berrössuð? ( kanski má það ekki). Vil ég jarðarför eða bálför? Brúna kistu eða hvíta? Og svo framvegis. Já þegar stórt er spurt! Þá getur manni vafist tunga um tönn. Þennan góða bækling má víst fá í kirkjum landsins og sjálfsagt hverri sál að kíkja á þetta og velta fyrir sér, því eitt sinn skal hver deyja.
Þar sem ég sat svo undir vegg í Sundlaug Akureyrar um helgina og hlustaði á tónlist sem flutt var í smá pásu á Sprengimótinu datt það í hausinn á mér að þetta lag sem ég sat og raulaði með, væri mitt útgöngulag.
Kæru vinir,
Don’t stop me now með Queen.
Það er fullkomnið!
Dilla.
Nýjast
-
Lokaorðið - Val mitt við lífslok
Um daginn barst mér í hendur bæklingur með þessu heiti. Bæklingur þessi er gefinn út af Ellimálanefnd þjóðkirkjunnar, Kærleiksþjónustusviði Biskupsstofu í Reykjavík árið 2023. Þetta er fróðlegur bæklingur og megin tilgangur hans er ,,að styðja fólk við að ákveða hvernig það óskar að hafa útför sína og annað sem tengist lífslokum þess” eins og segir á fyrstu síðu. -
Þrjú rannsóknarverkefni hljóta styrki úr Vísindasjóði SAk
Þrjú rannsóknarverkefni á sviði heilbrigðisþjónustu hafa hlotið styrk úr Vísindasjóði Sjúkrahússins á Akureyri. Verkefnin fjalla um viðhaldsþjálfun fólks með hjarta- og lungnasjúkdóma, hjúkrun krabbameinssjúklinga á bráðamóttökum og hermikennslu hjúkrunarnema í endurlífgun. -
Ásýnd hjá Skútabergi á Moldhaugnahálsi enn óviðunandi
Ásýnd svæðis Skútabergs á Moldhaugnahálsi er enn óviðunandi að mati Heilbrigðiseftirlits Norðurlands eystra. -
Leikfélag Hörgdæla setur upp Hárið Hlökkum til að takast á við verkefnið
Leikfélag Hörgdæla ræðst í það stórvirki að setja upp söngleikinn Hárið á komandi leikári. Áætluð frumsýning er 18. febrúar 2027 og sýnt verður á Melum í Hörgársveit. Pétur Guðjónsson verður leikstjóri sýningarinnar en hann hefur áður unnið með félaginu þegar hann setti upp leikritið Í fylgd með fullorðnum árið 2022. Það naut mikilla vinsælda. Fyrirhugað er að hafa opnar prufur í byrjun október og hvetur félagið áhugasama að fylgjast með á facebooksíðu félagsins þegar nær dregur. -
Meira en bara matur á disk
Alls eru um 650 til 680 skammtar eldaðir á hverjum degi í skólamötuneyti Húsavíkur -
Mikilvægt að tryggja stöðugleika og verja kaupmátt heimila
Akureyrarbær hefur þegar gripið til ýmissa aðgerða, meðal annars með áherslu á hóflegar gjaldskrár og frestun innheimtu gatnagerðargjalda segir í bókun bæjarráðs en þrjú félög, VR, LÍV og RSÍ sendu Akureyrarbæ og fleiri sveitarfélögum í landinu erindi vegna gjaldskrárhækkana í tengslum við kjarasamninga. Einnig var óskað eftir upplýsingum um hvað þau væru tilbúinn að leggja af mörkum til að ná verðbólgu og vöxtum niður. -
Aravaka – Minningarmálþing um Ara Brynjólfsson
Minningamálþing í tilefni 100 ára fæðingarafmælis Ara Brynjólfssonar eðlisfræðings fer fram í Menntaskólanum á Akureyri á morgun sunnudaginn 27. september kl. 13.30 -16.00. -
Hætta dagsektum á Auto
Heilbrigðisnefnd Eyjafjarðar hefur samþykkt að hætta álagningu dagsekta sem lagaðar voru á fyrirtækið Auto ehf Setbergi á Svalbarðsstönd. Fyrirtækið óskað eftir að álagðar dagsektir verði felldar niður og að frekari dagsektir verði ekki lagðar á vegna málsins. Félagið vísar til þess að unnið hafi verið að úrbótum á athafnasvæðinu í samræmi við fyrirliggjandi verkáætlun. -
Vaxandi áhugi á uppbyggingu á Bakka
- Fleiri verkefni færast nær formlegum undirbúningi
