Aravaka – Minningarmálþing um Ara Brynjólfsson
Minningamálþing í tilefni 100 ára fæðingarafmælis Ara Brynjólfssonar eðlisfræðings fer fram í Menntaskólanum á Akureyri á morgun sunnudag.
Minningamálþing í tilefni 100 ára fæðingarafmælis Ara Brynjólfssonar eðlisfræðings fer fram í Menntaskólanum á Akureyri á morgun sunnudaginn 27. september kl. 13.30 -16.00.
Ari var Akureyringur sem átti glæsilegan alþjóðlegan vísindaferil á sviði kjarnorku- og geislunarfræða. Þrátt fyrir að hafa búið flest fullorðinsárin erlendis var taugin til heimahaganna við Eyjafjörð ætíð sérstaklega sterk hjá Ara. Fullyrða má að hann sé með fyrstu og merkustu fulltrúum á alþjóðavettvangi sem fræða- og menntasamfélagið í kringum Akureyri hefur getið af sér.
Á málþinginu munu dr. Sigurður Emil Pálsson eðlisfræðingur fara yfir mikilvægi vísindastarfa Ara Brynjólfssonar og dr. Ragnheiður Guðmundsdóttir eðlisfræðingur tala um hann sem faglegan áhrifavald. Þá verða flutt ávörp og kveðjur. Einnig munu synir Ara, John og Alan, minnast föður síns og þriðji sonurinn, Erik Brynjólfsson, prófessor við Stanford háskóla, mun segja frá rannsóknum sínum. Erik er heimsþekktur fyrir frumkvöðlarannsóknir á áhrifum gervigreindar og upplýsingatækni á framleiðni, viðskipti og efnahagsþróun. Málþingið fer fram á ensku.
Ari fæddist í Hörgárdal árið 1926 og ólst upp við Eyjafjörð. Áhugi hans á eðlisfræði kviknaði í Menntaskólanum á Akureyri, þaða sem hann varð stúdent 1948. Hann nam síðan við Kaupmannahafnarháskóla og lauk doktorsprófi frá Niels Bohr-stofnuninni árið 1973.Hann starfaði lengi við kjarnorkurannsóknastöðina Risø í Danmörku áður en hann fluttist til Bandaríkjanna. Þar sérhæfði hann sig í geislun matvæla og dauðhreinsunartækni, og öðlaðist alþjóðlega viðurkenningu fyrir. Hann starfaði fyrir Sameinuðu þjóðina (FAO og IAEA) við að þróa og miðla tækni til geislunar matvæla.
Tengsl Ara við MA voru sterk allt lífið. Eftir lát hans gaf fjölskylda hans skólanum minningargjöf til að efla kennslu í raungreinum. Ari lést árið 2013.
Nýjast
-
Aravaka – Minningarmálþing um Ara Brynjólfsson
Minningamálþing í tilefni 100 ára fæðingarafmælis Ara Brynjólfssonar eðlisfræðings fer fram í Menntaskólanum á Akureyri á morgun sunnudaginn 27. september kl. 13.30 -16.00. -
Hætta dagsektum á Auto
Heilbrigðisnefnd Eyjafjarðar hefur samþykkt að hætta álagningu dagsekta sem lagaðar voru á fyrirtækið Auto ehf Setbergi á Svalbarðsstönd. Fyrirtækið óskað eftir að álagðar dagsektir verði felldar niður og að frekari dagsektir verði ekki lagðar á vegna málsins. Félagið vísar til þess að unnið hafi verið að úrbótum á athafnasvæðinu í samræmi við fyrirliggjandi verkáætlun. -
Vaxandi áhugi á uppbyggingu á Bakka
- Fleiri verkefni færast nær formlegum undirbúningi -
Fjarheilbrigðisþjónusta: Þátttakendur upplifðu aukið öryggi og betra aðgengi þrátt fyrir færri komur og símtöl
Rannsókn á fjarheilbrigðisþjónustu fyrir fólk með sykursýki 2, sem unnin var á Sjúkrahúsinu á Akureyri, sýnir að tæknin getur bætt aðgengi og aukið öryggistilfinningu sjúklinga. Á fimm mánaða tímabili fækkaði komum á göngudeild úr ellefu í tvær og símtölum til hjúkrunarfræðinga úr fjörtíu og sex í ellefu. Niðurstöðurnar voru kynntar á Vísindadegi SAk í gær og sagt er frá þeim á sak.is . -
Lykkjurnar liggja norður til Húsavíkur
Handverksferðalög eru að sækja í sig veðrið -
HönnunarÞingið „vítamínsprauta“ fyrir frumkvöðlateymin
Níu frumkvöðlateymi í háskólahraðlinum Snjallræði halda til Húsavíkur um helgina þar sem önnur vinnustofa hraðalsins fer fram samhliða HönnunarÞingi. Þetta er annað árið í röð sem Snjallræði tengir vinnustofu sína við þingið og segir Svava Björk Ólafsdóttir, nýsköpunarstjóri Háskólans á Akureyri, reynsluna frá síðasta ári hafa verið það góða að litla umræðu hafi þurft um hvort hópurinn sneri aftur. -
Skólastarfið
Á Akureyri eru starfandi 7 grunnskólar og þar til viðbótar eru skólar í Hrísey og Grímsey að ógleymdum gullmola Akureyrar, Hlíðarskóla. Í þessum skólum er sífellt verið að vinna að verkefnum sem efla nemendur í alls kyns hæfni. Þeir nemendur sem eru góðir í stærðfræði fá víða tækifæri til að aðstoða aðra nemendur og verða þá um leið betri í stærðfræði. Þegar nemendur aðstoða hvern annan þá verða þeir ekki bara betri í viðkomandi fagi heldur efla þeir margt annað sem erfitt er að mæla, svo sem samvinnu, forystuhlutverk, umhyggju, umburðarlyndi og fleira. -
Bjartsýnn á að viðunandi lausn finnist
„Ég er bjartsýnn að það náist fín lending í þessu máli sem aðilar geti sætt sig við,“ segir Arnar Friðriksson framkvæmdastjóri Norlandair. Félagið átti lægra boðið af tveimur í áætlunarflug frá Akureyri til Vopnafjarðar og Þórshafnar sem boðið var út á liðnu sumri. Einnig var flug milli Akureyrar og Grímseyjar boðið út í sama pakka. -
Listasafnið á Akureyri Þrjár nýjar sýningar opnaðar
Þrjár nýjar sýningar verða opnaðar í Listasafninu á Akureyri á laugardag, 26. september kl. 15. Þær eru Í skugga átaka sem er samsýning, Logi Bjarnason er með sýninguna Svartur blettur og loks sýning Berglindar Jónu Hlynsdóttur sem ber yfirskriftina 1/3 söngskemmtun, saumur, ló og þvottaleiðbeiningar. Sýningarnar standa til 10. janúar 2027.
