Bjartsýnn á að viðunandi lausn finnist
Arnar Friðriksson framkvæmdastjóri Norlandair
„Ég er bjartsýnn að það náist fín lending í þessu máli sem aðilar geti sætt sig við,“ segir Arnar Friðriksson framkvæmdastjóri Norlandair. Félagið átti lægra boðið af tveimur í áætlunarflug frá Akureyri til Vopnafjarðar og Þórshafnar sem boðið var út á liðnu sumri. Einnig var flug milli Akureyrar og Grímseyjar boðið út í sama pakka.
Tilboð Norlandair var yfir kostnaðaráætlun verkkaupa, Vegagerðarinnar. Það nam ríflega 491,2 milljónum króna. Norlandair bauð rúmlega 663.9 milljónir, eða 35% yfir áætlun. Tilboð Icelandair var upp á 950 milljónir, 93,4% yfir kostnaðaráætlun. Vegagerðin hafnaði tilboðum í áætlunarflugið en nú í vikunni hófust viðræður milli Vegagerðar og Norlandair sem vonast er til að skili árangri innan tíðar.
Í útboði Vegagerðarinnar á áætlunarflugi á milli Akureyrar, Þórshafnar og Vopnafjarðar var flugleiðin boðin út með 40% skerðingu flugferða, úr fimm ferðum á viku í þrjár. Flogið hefur verið til Grímseyjar þrisvar í viku yfir veturinn og tvisvar að sumarlagi.
Mótmæla niðurskurði
Byggðaráð Langanesbyggðar hefur mótmælt fyrirhuguðum niðurskurði á flugi og segir um þungt högg að ræða fyrir byggðalagið. Samdráttur í flugi sé einnig í hróplegu ósamræmi um markmið opinberra áætlana um eflingu byggðar. Einnig er byggðaráð vonsvikið með upplýsinga- og samráðsleysi Vegagerðarinnar við ákvarðanatökuna. Fer ráðið fram á að Vegagerðin endurskoði ákvörðun sína.
Flogið samkvæmt samningi í vetur
Arnar segir að Norlandair hafi flogið þessa flugleið frá því félagið var stofnað árið 2008. Núverandi samningur gildir til 31. mars næstkomandi og mun félagið því sinna fluginu í vetur samkvæmt honum. „Við munum fljúga í samræmi við gamla samninginn fimm ferðir í viku. Við munum ræða stöðuna með Vegagerðinni nú á næstu dögum og vikum, þannig að niðurstaðan verður ljós innan tíðar. Ég er bjartsýnn,“ segir Arnar.
Nýjast
-
Skólastarfið
Á Akureyri eru starfandi 7 grunnskólar og þar til viðbótar eru skólar í Hrísey og Grímsey að ógleymdum gullmola Akureyrar, Hlíðarskóla. Í þessum skólum er sífellt verið að vinna að verkefnum sem efla nemendur í alls kyns hæfni. Þeir nemendur sem eru góðir í stærðfræði fá víða tækifæri til að aðstoða aðra nemendur og verða þá um leið betri í stærðfræði. Þegar nemendur aðstoða hvern annan þá verða þeir ekki bara betri í viðkomandi fagi heldur efla þeir margt annað sem erfitt er að mæla, svo sem samvinnu, forystuhlutverk, umhyggju, umburðarlyndi og fleira. -
Bjartsýnn á að viðunandi lausn finnist
„Ég er bjartsýnn að það náist fín lending í þessu máli sem aðilar geti sætt sig við,“ segir Arnar Friðriksson framkvæmdastjóri Norlandair. Félagið átti lægra boðið af tveimur í áætlunarflug frá Akureyri til Vopnafjarðar og Þórshafnar sem boðið var út á liðnu sumri. Einnig var flug milli Akureyrar og Grímseyjar boðið út í sama pakka. -
Listasafnið á Akureyri Þrjár nýjar sýningar opnaðar
Þrjár nýjar sýningar verða opnaðar í Listasafninu á Akureyri á laugardag, 26. september kl. 15. Þær eru Í skugga átaka sem er samsýning, Logi Bjarnason er með sýninguna Svartur blettur og loks sýning Berglindar Jónu Hlynsdóttur sem ber yfirskriftina 1/3 söngskemmtun, saumur, ló og þvottaleiðbeiningar. Sýningarnar standa til 10. janúar 2027. -
Auður Ósk valin í landsliðshóp fyrir undankeppni EM
Hún er nýkomin heim af æfingamóti í Portúgal með landsliðinu -
Grunur um efnaleka í Hnýfli
Í kjölfar gruns um efnaleka í fiskvinnslunni, Hnýfli, á Óseyri hafa 4 starfsmenn fiskvinnslunnar, leitað aðhlynningar á sjúkrahúsinu á Akureyri. Grunur leikur á að um klórgasleka sé að ræða en slökkvilið vinnur að því að staðfesta það. Slökkvilið og lögregla eru enn á vettvangi. Lokanir eru enn í gildi og áfram biðlað til fólks að halda sig fjarri Óseyri. -
„Í 60 mínútur færðu frí frá þínu eigin lífi“
Hundruð manna í heitu vatni, dans, ilmur, bragð og flugeldar yfir höfðum þeirra. Það er meðal þess sem Sigríður Soffía Níelsdóttir hyggst leiða saman í Eldblóma-verki á Hönnunarþingi á Húsavík. Hugmyndin er ekki bara að fólk horfi á sýningu heldur verði sjálft hluti af henni – og fái um stund frí frá hversdeginum. -
Athyglin í auknum mæli beinst að einhverfu fullorðinna
„Á undanförnum árum hefur athygli beinst að einhverfu í auknum mæli. Um leið hefur orðið æ ljósara að þegar einhverf börn verða fullorðin tekur ekkert kerfi við sem mætir þörfum þeirra. Fullorðið einhverft fólk getur þurft að leita til heilbrigðisþjónustu, geðheilbrigðisþjónustu, félagsþjónustu og starfsendurhæfingar, en þekking á einhverfu og aðlögun þjónustunnar er misjöfn,“ segir Valdís Eyja Pálsdóttir formaður Geðverndarfélags Akureyrar um ástæður þess að félagið blæs til málþings um einhverfu fullorðinna. -
Valur Helgi Kristinsson ráðinn sem yfirlæknir og Arna Reynisdóttir sem aðstoðaryfirlæknir hjá HSN á Akureyri
Valur Helgi Kristinsson ráðinn sem yfirlæknir og Arna Reynisdóttir sem aðstoðaryfirlæknir hjá HSN á Akureyri -
Lilja Gísladóttir nýr svæðisstjóri Eimskips á Norðurlandi
Lilja Gísladóttir hefur verið ráðin svæðisstjóri Eimskips á Norðurlandi og mun stýra starfsstöð félagsins á Akureyri. Hún tekur við starfinu af Sveini Viðfjörð Aðalgeirssyni, sem tekur við nýju hlutverki innan félagsins með það að markmiði að efla enn frekar sölu og viðskiptatengsl á svæðinu.
