Þór/KA heldur efsta sætinu eftir öruggan sigur á Fylki
Sandra María Jessen leikmaður Þórs/KA skorar fyrra mark sitt gegn Fylki í kvöld.
Þór/KA heldur efsta sætinu í Pepsi-deild kvenna í knattspyrnu, eftir sannfærandi sigur á Fylki á Þórsvellinum í kvöld. Lokatölur leiksins urðu 4:0 og skoraði hin 17 ára Sandra María Jessen fyrstu tvö mörkin fyrir Þór/KA í fyrri hálfleik. Þessi stórefniefnilega stúlka hefur nú skorað 10 mörk í níu leikjum. Katrín Ásbjörnsdóttir bætti þriðja markinu við á lokamínútu fyrri hálfleiks en hin bandaríska Tahnai Annis bætti fjórða markinu við í síðari hálfleik. Það er alltaf gaman að vinna og þetta var rosalega skemmtilegt, enda sigurinn nokkuð öruggur sagði Sandra María eftir leikinn í kvöld. Hún sagði að sumarið hefði verið einstaklega skemmtilegt, enda hafi liðið verið að spila hreint frábærlega. Mótið er nú hálfnað og hefur Þór/KA 22 stig að loknum níu umferðum.
Þór/KA og Fylkir mætast aftur á Þórsvellinum nk. föstudagskvöld í átta liða úrslitum Borgunarbikarsins. Sandra sagði að sá leikur leggðist mjög vel í sig en að ekki mætti vanmeta lið Fylkis þrátt fyrir sannfærandi sigur í kvöld. Þær geta spilað vel en á góðum degi eigum við að vinna og við þurfum alltaf að vera á tánum.
Nýjast
-
Ársfundur SAk: samskipti, öryggi og gæði í krefjandi umhverfi
Ársfundur Sjúkrahússins á Akureyri (SAk) fór fram í gær. Þar flutti Hildigunnur Svavarsdóttir forstjóri sjúkrahússins ávarp þar sem farið var yfir stöðuna í rekstri og starfsemi SAk, framtíðarhorfur, tækifæri og helstu áskoranir. Yfirskrift fundarins var „Samskipti – Öryggi – Gæði“. -
Hvatningarverðlaun Eyrarrósarinnar í Þingeyjarsveit
Afhverju Ekki, einnig nefnt „The Absolutely Everything Studio“, er þverfaglegt vinnustofu-rannsóknarsetur sem stofnað var árið 2024. Verkefnið er leitt af Dr. Jack Armitage fræði- og listamanni. Afhverju Ekki stuðlar að samvinnu og samstarfi með það að marki að finna lausnir á flóknum vistfræðilegum viðfangsefnum. Setrið er staðsett í Breiðanesi, á Laugum í Þingeyjarsveit. Þegar hefur verið tekið á móti sex fræði- og listamönnum sem komið hafa til vinnudvalar og unnið að hönnun, hugbúnaðarþróun og listsköpun, meðal annars fyrir sýningu Íslands á Feneyjartvíæringnum í arkitektúr. -
Vicente Fita Botet - Dagleg Kynni
Sýningin verður opin föstudag 30. maí frá 19 – 21 og laugardag 31. maí frá 14 – 15.45, ath. Sýningin stendur uppi meðan á tónleikum MÝR tríós stendur, en þeir sem hefjast kl. 16.00 þann 31.mai n.k. -
Hreinsunarátak Norðurorku skemmtileg hefð
Með hækkandi sólu kemur í ýmislegt í ljós, á milli trjáa og ofan í skurðum. Glaðlegir túnfíflar, spriklandi köngulær, skærgrænt gras - og því miður oft talsvert rusl. Þá er kjörið tækifæri til að taka höndum saman og hreinsa til, áður en grasið hækkar og runnarnir þéttast. -
Öldungaráð Akureyrar - Þátttaka í Virkum efri árum verði gjaldfrjáls
Öldungaráð Akureyrar mælir með því að þátttaka eldri borgara í verkefninu Virkum efri árum sem snýst um alls kyns íþróttaiðkun, verði gjaldfrjáls. Ráðið óskar eftir upplýsingar um hvar mál standa varðandi stuðning við tekjulægri hópa með lýðheilsustyrk. -
Minningarsigling með Húna n.k laugardag
Minningarsigling verður um horfna og látna sjómenn í tengslum við hátíðarhöld á sjómannadaginn, en siglt verður með Húna II EA 740 næsta laugardag, 31. maí kl. 17. -
Núna er rétti tíminn fyrir nýja áskorun!
Kynningarfundur um Executive MBA námið við Háskóla Íslands haldinn í Múlabergi, Hótel KEA miðvikudaginn 28.maí kl. 12:15. -
Húsavík: Eggvopnum beitt
Kl. 02:51 í nótt barst tilkynning til lögreglunnar um heimilisofbeldi í heimahúsi á Húsavík og að hnífi hafi verið beitt. Þegar lögregla og sjúkralið komu á vettvang kom í ljós að þar voru tveir aðilar með áverka. -
Höfðinleg gjöf til Krabbameinsfélags Akureyrar og nágrennis.
Krabbameinsfélag Akureyrar og nágrennis á marga velunnara og það er auðvitað frábært og mjög þakkarvert. Á Facebooksíðu félagsins er sagt frá höfðinlegri gjöf sem félaginu barst á dögunum.