Þjóðarvettvangur um brýn þjóðfélagsmál
Út frá þrem stærstu gildum Þjóðfundarins sem haldinn var í nóvember 2009 hefur verið myndaður vettvangur á netinu þar sem öllum gefst tækifæri á að ræða brýn þjóðfélagsmál í smáum hópum hvar sem er á landinu undir einföldum, öguðum en skemmtilegum vinnureglum sem einnig eru sóttar til Þjóðfundarins.
Markmiðið er að allir fái jöfn tækifæri til að koma sínum skoðunum á framfæri eftir tilsettum leikreglum. Á vefsvæðinu wwww.thjodarvettvangur.is er hægt að sækja gögn og leiðbeiningar með einföldum útskýringum sem leiða hvert fundarborð í gegnum umræðuna. Í lok fundar koma þátttakendur hvers fundarborðs sér saman um eina setningu sem verður sett inn á vefinn þar sem allar setningar úr öðrum umræðuhópum verða birtar og aðgengilegar. Setningarnar munu endurspegla lausnamiðaðar áherslur út frá umræðuefninu með mið af gildunum þremur.
Vefurinn er kominn upp en verður formlega opnaður á morgun, laugardaginn 20. febrúar, þegar hrint verður úr vör fyrsta málefni Þjóðarvettvangs sem er Icesavemálið. Á tímabilinu 20. febrúar til að með 27. febrúar nk. verður hægt að skrá inn setningarnar frá fundum þeirrar viku á vefinn. Setningarnar birtast síðan allar á vefnum þegar fundarvikunni líkur, öllum til frjálsrar notkunar.
Þjóðarvettvangur vonar að sem flestir Íslendingar taki þátt í fundarvikunni, hvort sem er við eldhúsborðið, fundarborð á litlum stað eða í stórum sal, með fjölskyldunni, stórfjölskyldunni, með vina- og/eða félaga- og starfsmannahópum. Tilgangurinn er að ræða málin á einlægan hátt, með virðingu fyrir skoðunum annarra, og standa saman til framtíðar með því að aðstoða hvert annað við að greina og meta afstöðu í mikilvægum málefnum sem snerta okkur öll!
Á Akureyri verða fundarborð Þjóðarvettvangs í húsnæði Símeyjar, Þórstíg 4 á morgun laugardag. Fundartími er 12:30-15:00 og er öllum velkomið að mæta og taka þátt.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.