Þegar Húsvíkingar vildu ala tílapíu og krókódíla
Það skal skýrt tekið fram ef einhver er í vafa,- að þessi mynd er búinn til með aðstoð gervigreindar, og birt til gamans en af þó nokkrum trega.
Ein af litríkari hugmyndum í atvinnuþróunarsögu á Húsavík um og uppúr aldamótum verður rifjuð upp á HönnunarÞingi um helgina. Hjálmar Bogi Hafliðason segir þar frá áformum um að nýta volgt affallsvatn frá orkustöðinni til fiskeldis – og hugmyndinni sem gekk skrefinu lengra, að flytja krókódíla til Húsavíkur.
Fyrirlesturinn ber yfirskriftina Er krókódíll í affallinu? og er á dagskrá HönnunarÞings laugardaginn 26. september klukkan 13.15. Þema þingsins í ár er orka og sagan fellur vel að umræðu um hvernig hægt sé að fá sem mest verðmæti úr þeim auðlindum sem fyrir eru.
Um aldamótin var mikil áhersla lögð á fjölnýtingu jarðhita á Húsavík. Volgt vatn sem hafði þegar verið nýtt við orkuframleiðslu þótti meðal annars geta hentað vel til eldis á hitakærum fisktegundum.
Þar var fiskurinn tílapía ofarlega á blaði. Hugmyndin var tekin það alvarlega að unnið var hagkvæmnimat og viðskiptaáætlanir um stórt eldi á Húsavík. Áform voru á tímabili um 5.000 til 7.000 tonna ársframleiðslu og rætt um að hefja verkefnið með mun minni tilraunastöð. Fullbyggt eldi hefði samkvæmt áætlunum kallað á umtalsverða fjárfestingu og getað skapað tugi starfa.
En Húsvíkingar létu ekki þar við sitja.
Volga affallsvatnið kveikti einnig hugmynd um að flytja inn alligatora frá Bandaríkjunum, sem jafnan hafa verið kallaðir krókódílar í frásögnum af málinu. Dýrin áttu meðal annars að geta nýtt lífrænan úrgang frá fiskvinnslu auk þess sem horft var til kjöts, skinna og jafnvel ferðamennsku.
Hugmyndin komst þó aldrei til framkvæmda og krókódílarnir komu ekki til Húsavíkur, enda hafnaði Guðni Ágústsson, þáverandi landbúnaðarráðherra, áformunum um innflutning þeirra.. Tílapíueldið varð heldur aldrei að þeirri stórframkvæmd sem rætt hafði verið um.
Sagan lifir hins vegar áfram sem skemmtilegt dæmi um hversu langt var horft í leit að leiðum til að nýta orkuna og affallið betur. Það er einmitt sá þráður sem verður tekinn upp á HönnunarÞingi – hvað hægt sé að gera meira úr því sem þegar er til staðar.
Hákon Aðalsteinsson orti á sínum tíma þessa stórkostlegu vísu um endalok krókódílaævintýrisins:
Húsvíkingar sitja nú í sárum,
sviptir eru góðri tekjuvon.
Grætur köldum krókódílatárum,
kvikindið hann Guðni Ágústsson.
Nýjast
-
Þegar Húsvíkingar vildu ala tílapíu og krókódíla
Kvikindið hann Guðni Ágústsson batt enda á annars áhugavert og langt komið atvinnuþróunar verkefni Húsvíkinga -
Blessað barnalán í VMA!
Frjósemi á Íslandi hefur minnkað umtalsvert á síðustu áratugum. Árið 1960 var frjósemin 4,2 börn á konu, ártug síðar var talan 3,1 barn, 1980 var talan 2,4 börn á konu, árið 2021 var talan 1,90 barn á konu og 2024 og 2025 var talan 1,56 barn á konu, lægsta frjósemistala á Íslandi í sögunni. -
Þar sem hugmyndir fá orku og fólk fær kraft
HönnunarÞing á Húsavík hefur á fáum árum þróast úr nýjum og spennandi viðburði í fastan punkt í nýsköpunar- og sköpunarumhverfi Norðurlands. Anna Lind Björnsdóttir verkefnastjóri hjá SSNE segir styrk þingsins meðal annars felast í því að leiða saman fólk úr ólíkum áttum og skapa vettvang þar sem hugmyndir, tengsl og samstarf geta orðið til. -
Skipakomum fækkar um meira en helming eftir metár hjá höfnum Norðurþings
Mikill samdráttur hefur orðið í komum skemmtiferðaskipa til hafna Norðurþings á þessu ári eftir metár í fyrra. Árið 2025 komu 60 skip til hafnanna með um 20.100 farþega en í ár stefnir í að skipakomurnar verði færri en 30 og farþegar um 8.600. Bergur Elías Ágústsson, rekstrarstjóri hafna hjá Norðurþingi, segir breytta gjaldtöku hafa haft umtalsverð áhrif og leitt til töluverðs fjölda afbókana. -
Dansverk fyrir flugelda og fólk í Sjóböðunum, þar sem list verður að veruleika
Listakonan Sigga Soffía, stofnandi Eldblóma, frumsýnir nýtt verk á HönnunarÞingi næstkomandi laugardag. Eldblóm Explotion Event, dansverk fyrir flugelda og fólk yfir Sjóböðunum GeoSea. -
Tæplega 25 þúsund gestir sóttu Hvalasafnið heim
Tæplega 25 þúsund gestir heimsóttu Hvalasafnið á Húsavík í júní, júlí og ágúst. Aðsóknin var aðeins minni en sumarið 2025 og segir Arngrímur Arnarson, forstöðumaður safnsins, að munurinn skýrist fyrst og fremst af miklum samdrætti í komum skemmtiferðaskipa til Húsavíkur. -
Nýtt íslenskt leikverk hjá Freyvangsleikhúsi Er útsynningur í búningsklefanum?
Freyvangsleikhúsið frumsýnir nýtt íslenskt leikverk 9. október næstkomandi og verða sýningar eingöngu í október. Verkið heitir Útsynningur og er gamanleikur eftir Hjálmar Arinbjarnarson í leikstjórn Jóhönnu S. Ingólfsdóttur. -
Fjölga bílastæðum við heilsugæslu
Fjölgun bílastæða við Sunnuhlíð 12 á Akureyri þar sem m.a. heilsugæslustöð Heilbrigðisstofnunar Norðurlands eystra, HSN er til húsa var til umfjöllunar á fundi skipulagsráðs nýverið. -
Frá meðferðarbekknum á uppistandssviðið
Sjúkraþjálfararnir Hannes Bjarni Hannesson og Þórhallur Guðmundsson, betur þekktur sem Tóti, hafa vakið athygli með uppistandshópnum Heimamönnum á Akureyri. Eftir þrjár vel sóttar sýningar þar liggur leiðin nú til Húsavíkur með glænýtt efni í farteskinu
