Tæplega 25 þúsund gestir sóttu Hvalasafnið heim
Garðar Þröstur leiðsegir ferðamönnum um Hvalasafnið. Myndir/Aðsendar.
Tæplega 25 þúsund gestir heimsóttu Hvalasafnið á Húsavík í júní, júlí og ágúst. Aðsóknin var aðeins minni en sumarið 2025 og segir Arngrímur Arnarson, forstöðumaður safnsins, að munurinn skýrist fyrst og fremst af miklum samdrætti í komum skemmtiferðaskipa til Húsavíkur. 
Sjá einnig: Fjölgun íslenskra gesta og góðar viðtökur við Grösum
Sjá einnig: Metári fylgt eftir hjá Friends of Moby Dick
„Gestir skemmtiferðaskipanna hafa verið duglegir að sækja safnið heim, bæði einstaklingar og hópar. Fækkun skipanna hafði því án vafa mest áhrif á aðsóknina í sumar,“ segir Arngrímur. Séu þeir gestir undanskildir hafi önnur aðsókn verið nokkurn veginn á pari við síðasta sumar.
Bandaríkjamenn, Þjóðverjar og Frakkar voru fjölmennastir erlendra gesta, líkt og árið áður, og mynduðu þessar þrjár þjóðir samanlagt um helming allra gesta safnsins. Þá fjölgaði gestum frá Bretlandi og Kanada.
Sérstaka athygli vekur aukin aðsókn Íslendinga. Um 20 prósent fleiri Íslendingar heimsóttu safnið í sumar en á sama tíma í fyrra.
„Það var afar ánægjulegt að sjá íslenskar fjölskyldur fjölmenna í safnið,“ segir Arngrímur.
Að hans sögn var aðsókn sumarsins þegar á heildina er litið með ágætum, þrátt fyrir að fækkun skemmtiferðaskipa hafi sett svip sinn á ferðaþjónustuna á svæðinu. September hafi farið ágætlega af stað, þó enn gæti áhrifa af færri skipakomum.
Erfitt sé að spá langt fram í tímann þar sem stór hluti gesta Hvalasafnsins bókar með skömmum fyrirvara. Arngrímur segist þó vonast til þess að beint flug til Akureyrar skili auknum fjölda ferðamanna inn á svæðið í vetur.
Nýjast
-
Tæplega 25 þúsund gestir sóttu Hvalasafnið heim
Tæplega 25 þúsund gestir heimsóttu Hvalasafnið á Húsavík í júní, júlí og ágúst. Aðsóknin var aðeins minni en sumarið 2025 og segir Arngrímur Arnarson, forstöðumaður safnsins, að munurinn skýrist fyrst og fremst af miklum samdrætti í komum skemmtiferðaskipa til Húsavíkur. -
Nýtt íslenskt leikverk hjá Freyvangsleikhúsi Er útsynningur í búningsklefanum?
Freyvangsleikhúsið frumsýnir nýtt íslenskt leikverk 9. október næstkomandi og verða sýningar eingöngu í október. Verkið heitir Útsynningur og er gamanleikur eftir Hjálmar Arinbjarnarson í leikstjórn Jóhönnu S. Ingólfsdóttur. -
Fjölga bílastæðum við heilsugæslu
Fjölgun bílastæða við Sunnuhlíð 12 á Akureyri þar sem m.a. heilsugæslustöð Heilbrigðisstofnunar Norðurlands eystra, HSN er til húsa var til umfjöllunar á fundi skipulagsráðs nýverið. -
Frá meðferðarbekknum á uppistandssviðið
Sjúkraþjálfararnir Hannes Bjarni Hannesson og Þórhallur Guðmundsson, betur þekktur sem Tóti, hafa vakið athygli með uppistandshópnum Heimamönnum á Akureyri. Eftir þrjár vel sóttar sýningar þar liggur leiðin nú til Húsavíkur með glænýtt efni í farteskinu -
Lokaorðið - Ekkert nýtt undir sólinni... eða óhreina tauinu!
Ég sit með kaffibollann á fallegum degi og dáist að drifhvítu sængurfötunum sem blakta í golunni. Ég hlakka til að skríða upp í rúm í kvöld. Fátt er að betra en að leggjast til hvíldar í frískandi sængurfötum. Þvotturinn á snúrunni færir mig í annan og betri heim. -
Veganestið – Eyja Drífa Ingólfsdóttir
Veganestið er greinaflokkur á vegum Góðvina HA þar sem rætt er við brautskráða HA-inga -
Möl og sandur 80 ára og starfsemin flutt að Sjafnarnesi
„Við erum afskaplega þakklát fyrir þennan dag. Það komu fjölmargir og veðrið lék við okkur,“ segir Hjörtur Narfason framkvæmdastjóri Malar og sands. Fyrirtækið átti 80 ára afmæli fyrr á árinu og fagnaði þeim áfanga síðasta laugardag 12 september. Steypuframleiðsla fyrirtækisins hefur verið flutt frá Súluvegi og að Sjafnarnesi á liðnu sumri, þannig að tilefni til að bjóða fólki að skoða var ærið. „Þetta tókst mjög vel og allir voru ánægðir. Við hengdum upp gamlar myndir og þær vöktu mikla lukku.“ -
Metári fylgt eftir hjá Friends of Moby Dick
Hvalaskoðunarsumarið hjá Friends of Moby Dick á Húsavík gekk vel og var aðsókn í heildina á pari við síðasta sumar, sem var metár hjá fyrirtækinu. Fyrsta heila starfsár nýjasta báts flotans, Vinar, hefur jafnframt opnað nýja möguleika í hvalaskoðun á Skjálfanda að sögn Sólveigar Ásu Arnarsdóttur, framkvæmdastjóra. -
Umfangsmiklar endurbætur á Lögmannshlíðarkirkju
Lögmannshlíðarkirkja hefur verið tekin í notkun á ný eftir tveggja ára lokun vegna umfangsmikilla viðhalds- og endurbóta.
