Lokaorðið - Ekkert nýtt undir sólinni... eða óhreina tauinu!
Gulla Gísla á Lokaorðið
Ég sit með kaffibollann á fallegum degi og dáist að drifhvítu sængurfötunum sem blakta í golunni. Ég hlakka til að skríða upp í rúm í kvöld. Fátt er að betra en að leggjast til hvíldar í frískandi sængurfötum. Þvotturinn á snúrunni færir mig í annan og betri heim.
Þvottahæfni mín er tilkominn af færni sem ég hef tileinkað mér á lífsleiðinni. Það liggja mikil vísindi þar að baki, en mest hef ég þó lært af mömmu því hún hefur á sinni löngu ævi náð fullkomnun á þessu sviði. Eiginmanninum er slétt sama og finnst þessi vísindi óþarfa vesen og vandræði. Stuttprógramm á vélinni og þurrkarinn duga! Ég banna honum að þvo þvott.
Dóttir mín dvelur nú í Katmandú í Nepal. Eitt það fyrsta sem hún sagði mér um lifnaðarhætti sína er að engin væri þvottavélin, rafmagnið kæmi og færi og kannski fengi hún heitt vatn einu sinni í viku. Einungis er kalt vatn og forláta þvottaskál fyrir utan hús og nú þarf hún að þvo eins og húsmæður og vinnukonur gerðu í gamla daga
Þessar aðstæður hennar fá mig til að hugsa hvað við höfum það gott á Íslandi, þrátt fyrir þrætur sumarsins. Það minnir mig líka á að ekkert er nýtt undir sólinni og nútíma þvottavísindi skipta í raun ekki máli í stóra samhenginu. Hvítur þvottur er bara lúxus ef barnið mitt kann ekki að lesa, skrifa og reikna. Kannski er bara ráð að gera heimilisverkin með börnunum og nýta tímann um leið í gagnlegan lærdóm. Rökræðum, rifjum upp ljóð, vísur, sögur og vísindi. Bjóðum ömmu og afa að vera með í fjörinu og sláum aðeins af kröfunum fyrir betri heim.
Nýjast
-
Lokaorðið - Ekkert nýtt undir sólinni... eða óhreina tauinu!
Ég sit með kaffibollann á fallegum degi og dáist að drifhvítu sængurfötunum sem blakta í golunni. Ég hlakka til að skríða upp í rúm í kvöld. Fátt er að betra en að leggjast til hvíldar í frískandi sængurfötum. Þvotturinn á snúrunni færir mig í annan og betri heim. -
Veganestið – Eyja Drífa Ingólfsdóttir
Veganestið er greinaflokkur á vegum Góðvina HA þar sem rætt er við brautskráða HA-inga -
Möl og sandur 80 ára og starfsemin flutt að Sjafnarnesi
„Við erum afskaplega þakklát fyrir þennan dag. Það komu fjölmargir og veðrið lék við okkur,“ segir Hjörtur Narfason framkvæmdastjóri Malar og sands. Fyrirtækið átti 80 ára afmæli fyrr á árinu og fagnaði þeim áfanga síðasta laugardag 12 september. Steypuframleiðsla fyrirtækisins hefur verið flutt frá Súluvegi og að Sjafnarnesi á liðnu sumri, þannig að tilefni til að bjóða fólki að skoða var ærið. „Þetta tókst mjög vel og allir voru ánægðir. Við hengdum upp gamlar myndir og þær vöktu mikla lukku.“ -
Metári fylgt eftir hjá Friends of Moby Dick
Hvalaskoðunarsumarið hjá Friends of Moby Dick á Húsavík gekk vel og var aðsókn í heildina á pari við síðasta sumar, sem var metár hjá fyrirtækinu. Fyrsta heila starfsár nýjasta báts flotans, Vinar, hefur jafnframt opnað nýja möguleika í hvalaskoðun á Skjálfanda að sögn Sólveigar Ásu Arnarsdóttur, framkvæmdastjóra. -
Umfangsmiklar endurbætur á Lögmannshlíðarkirkju
Lögmannshlíðarkirkja hefur verið tekin í notkun á ný eftir tveggja ára lokun vegna umfangsmikilla viðhalds- og endurbóta. -
Dekurdagar framundan
Dekurdagar verða haldnir á Akureyri dagana 8.–11. október nk. eða frá fimmtudegi til sunnudags. -
Fjölgun íslenskra gesta og góðar viðtökur við Grösum
Sumarið kom ágætlega út í gistingu hjá Hótel Skúlagarði í Kelduhverfi, sem hjónin Egill Bjarnason og Sigrún Björg Aðalgeirsdóttir eiga og reka. -
Gott sumar en breytt mynstur í ferðaþjónustunni
Ferðaþjónustusumarið í Þingeyjarsýslum kom að ýmsu leyti vel út, þótt þróunin hafi ekki verið einsleit. -
Málþing um einhverfu fullorðinna - hvað þarf að breytast?
Á málþinginu verður fjallað um stöðu fullorðins einhverfs fólks, geðheilbrigðisþjónustu og stuðningsúrræði. Sjónum verður beint að faglegri þekkingu, opinberum úttektum og tillögum til úrbóta, auk reynslu einhverfs fólks og aðstandenda.
