Þankastrik Eipa: Að fá hús en ekki fiskabúr
Eipi og konan hans eru ekki sammála um fiskabúr eða ekki fiskabúr
Hver elskar ekki að flytja? Ég er einmitt að standa í þessu núna, bý reyndar í kjallaranum hjá mömmu og pabba með alla fjölskylduna, konu og tvo virka stráka (2 og 4 ára) á meðan við erum á milli húsnæða.
Við erum í ferli hjá bankanum að reyna sannfæra hann um að lána okkur fyrir gömlu fallegu húsi með sál og viðhaldsþörf. Ferlið gengur bara nokkuð vel, svo vel að við hjónaleysin erum farin að innrétta í huganum. Þess vegna kom babb í bátinn. Einhverrra hluta vegna er konan mín ekki sammála mínum mikilvægustu tillögum (þetta eru kröfur, en við skulum kalla þetta tillögur svona opinberlega) um innréttingar. Aðaltillagan, sú lang mikilvægasta er samtvinnuð æsku minni og þeim draumum sem hafa fengið að vaxa og gerjast innra með mér.
Það er sá draumur að þegar ég myndi eignast mitt eigið hús, þá skyldi ég einnig eignast 1000-2000 lítra fiskabúr með s-amerískum skrautfiskum til að hafa í stofunni. Ég hef nefnilega mikla ástríðu fyrir trópískum fiskum ýmiskonar og hef haft frá barnsaldri. Fermingarpeningarnir mínir fóru t.d. í að kaupa mér 160 lítra fiskabúr með tilheyrandi græjum. En ég þurfti að leggja niður fiskeldi mitt þegar ég fór að nálgast tvítugsaldurinn og var farinn að sækja sjóinn og skoða heiminn.
Í tillhugalífinu, þegar konan mín núverandi (unnusta altsvo) var að byrja gera sér dælt við mig þá sagði ég henni upp og ofan af þessari fiskaástríðu minni. Ég þuldi upp heitin á öllum mínum uppáhaldsfiskum á latínu og útskýrði fyrir henni hvaða tegundir væri æskilegt að hafa saman í búri og hverjar ekki. Ég sagði henni frá því þegar ég var 12 ára og var alltaf að skrópa í skólann til að laumast inn á bókasafn að lesa Stóru fiskabók Fjölva. Áhugi minn var á þessum tíma svo metnaðarfullur að ég lærði helvítis bókina utan að.
Stúlkan yndisfríða sem í dag er unnusta mín hlustaði á mig af miklum áhuga, ég hef reyndar alltaf talið að það hafi verið þekking mín á hitabeltisfiskum sem réði úrslitum um það að hún felldi hug sinn saman við minn. Hún tók líka vel í þá drauma mína um að koma okkur upp risafiskabúri þegar við fyndum draumahúsið. Ég man það eins og það hafi gerst í gær þegar ég hafði orð á þessu fyrst. Hún ljómaði alveg hreint, hún kom ekki upp orði en brosti eyrna á milli og kinkaði kolli.
Þegar konan er eins og Sjálfstæðisflokkurinn
Það eru því ákveðin vonbrigði, ekki síst með skírskotun til hins pólitíska landslags á Íslandi um þessar mundir, nú þegar við erum í þann veginn að festa kaup á draumahúsinu okkar að hún segir bara þvert nei við því að setja upp 2000 lítra fiskabúr í stofunni. Hún segir að það sé bara fyrir einhleypa nerði og að fiskabúr séu svo eitís!? Ég upplifi hana svolítið eins og sjálfstæðisflokkinn núna, stendur ekki við neitt en fær samt alltaf að ráða. Hún bara vill ekkert kannast við gefin loforð og getur ekki einu sinni fallist á málamyndanir, ég er búinn að lækka mig niður í 1000 lítra og enn neitar hún. Hún er búin að bjóða mér að hafa kúlu... gullfiskakúlu „for crying out loud!!“, hvað heldur hún eiginlega að ég sé? Gullfiskakúla! Þvuh! Það er bara eins og að ætla að geyma aflandskrónur í Grímsey.
Ætli maður lúffi nú samt ekki að lokum, ég er að minnsta kosti farinn að uppfæra drauminn minn: Þegar ég eignast mína eigin skrifstofu eða fyrirtæki, þá ætla ég sko að hafa 3000 lítra fiskabúr þar.
Ég er að velta því fyrir mér hvort ég eigi að bera upp hina óskina mína... Ég hef nefnilega dreymt um það frá því ég var lítill að eignast hvolp, mamma vildi bara aldrei leyfa mér það.
Það þýðir sjálfsagt ekkert að lifa í þessum draumaheimi lengur. Það virðist nefnilega vera margt til í þjóðsögunni um okkur karlmenn, þegar við loksins skríðum undan pilsfaldi mæðra okkar þá finnum við okkur maka sem er nákvæmlega eins og mamma.
Nýjast
-
Evrópuleikur KA verður á Akureyri í lok júlí
Það ríkir mikil gleði og þakklæti í herbúðum KA, nú þegar ljóst er að félagið fær að spila heimaleik sinn í 2. umferð Sambandsdeildarinnar á Akureyri – eftir að UEFA veitti félaginu sérstaka undanþágu til leikjahalds á Greifavellinum í fyrstu tveim umferðum Sambandsdeildarinnar. Eins og fram hefur komið situr KA hjá í fyrstu umferð og mun því spila fyrsta leik sinn í Sambandsdeildinni í 2. umferð. -
Húni ll EA siglir í dag í tilefni þjóðhátíðardagsins
Boðið verður upp á siglingu með Húna II kl. 16.30. Siglt er frá Fiskihöfninni norðan við ÚA, beint neðan við Hagkaup. Siglingin er 45 mínútna löng. Bætt verður við annarri siglingu kl. 17.15 ef þörf verður á. -
Stærsti brautskráningarhópur Háskólans á Akureyri frá upphafi
Háskólahátíð — brautskráning kandídata frá Háskólanum á Akureyri fór fram í fjórum athöfnum í Hátíðarsal Háskólans á Akureyri 13. og 14. júní. Aldrei hafa fleiri kandídatar brautskráðst frá háskólanum en samtals brautskráðist 591 kandídat í grunn- og framhaldsnámi af tveimur fræðasviðum. -
Hinsegin hátíð á Norðurlandi eystra hefst miðvikudaginn 18. júní og stendur til og með 22. júní.
Markmið hátíðarinnar er að auka sýnileika LGBTQ+ samfélagsins og byggja upp samfélag sem er opið og öruggt fyrir alla íbúa og gesti. -
Þjóðhátíðardagurinn 17. júní á Akureyri
Þjóðhátíðardagskrá verður 17. júní frá kl. 13-17 í Lystigarðinum, á MA-túninu og í næsta nágrenni þess. Blómabíllinn leggur af stað frá Naustaskóla kl. 11.00, keyrir í gegnum íbúðahverfin, niður Listagilið, eftir Strandgötunni og víðar þar sem ómur berst frá palli bílsins með viðeigandi 17. júní lögum. Hlustum eftir lögunum og vinkum blómabílnum okkar. Akstursleið blómabílsins er að finna HÉR! -
Brot úr sögu ÚA í myndum til sýnis á Glerártorgi
Ljósmyndasýningin „ Útgerðarfélag Akureyringa 80 ára ( 1945 – 2025) Sögubrot í myndum“ hefur verið sett upp við verslunarmiðstöðina Glerártorg á Akureyri og mun standa þar um tíma. -
Batnandi manni er best að lifa.
Það er að renna upp fyrir mér þessa dagana hvernig ég hlýt að koma öðru fólki fyrir sjónir. Einkum á það við þegar ég lít gleraugnalaus í spegil. Þá stend ég andspænis manni sem ég kannast lítið við. Skin og skúrar tilverunnar hafa markað andlitið og þau fáu hár sem eftir eru á höfðinu eru hvít að lit. Og ef ég geri þau reginmistök að snúa mér í kvart-hring fyrir framan spegilinn, þá sé ég að engu líkara en að maginn á mér hafi þjófstartað deginum og hafi náð að vera aðeins á undan mér fram úr svefnherberginu. Hann er ekki ósvipaður stefninu á nýju Samherjatogurunum og þótt svona stefni fari togskipum vel þá er þau ófögur sjón framan á mér. Ég þarf að horfast í augu við það að ég hef orðið að holdgervingi alls hins illa í mannlegri tilveru. Þó andlit mitt sé að mestu rautt og appelsínugult þá telst ég hvítur. Og þegar ég lít niður sé ég gripinn sem lætur lítið yfir sér en dugði þó til þess að þegar ég fæddist ákváðu færustu sérfræðingar að ég væri karlkyns. Ég er hvítur, miðaldra karlmaður. Ég fullkomna svo verkið með því að klæða mig í jakkafötin og luntast í vinnuna. -
Kórfélagi með klarínett í annarri og leikgleði í hinni
Vísindafólkið okkar – Hólmdís Freyja Methúsalemsdóttir „Vísindafólkið okkar er mánaðarleg kynning á vísindafólkinu okkar. Hólmdís Freyja Methúsalemsdóttir, aðjúnkt við Iðjuþjálfunardeild er vísindamanneskja júnímánaðar“ Hólmdís kemur frá austfirsku náttúruparadísinni Vopnafirði, þar sem hún fæddist árið 1979, en á líka sterkar rætur í Aðaldalnum þar sem móðurforeldrar hennar bjuggu. Hún ólst upp í nálægð við sjó, kletta og fjörur og undi sér vel í náttúrunni en hvort sem var inni eða úti var bók yfirleitt við höndina. „Þrátt fyrir að vera alin upp í sjávarþorpi þá var sveitin ekki langt undan og á hverju vori fór ég í sauðburð í Aðaldalinn og frá 11 ára aldri var ég í sveit hjá föðursystur minni og vann meðal annars við að sýna Minjasafnið á Bustarfelli í nokkur sumur.“ -
Sjúkrahúsið á Akureyri Jákvæð rekstrarniðurstaða þrátt fyrir áskoranir
Rekstur Sjúkrahússins á Akureyri, SAk skilaði jákvæðri niðurstöðu upp á 189 milljónir króna árið 2024, þrátt fyrir uppsafnaðan halla við upphaf ársins. Þetta kom fram í erindi fjármálastjóra á ársfundi sjúkrahússins og greint er frá á vefsíðu SAk.
