Styttist í opnun steypireiðarsýningar á Húsavík
Halldór Gíslason og Jan Klitgaard, ekki fjarri því að vera í hvalsmaga eins og Jónas forðum daga. Mynd: Heiðar Kristjánsson.
Hvalasafnið á Húsavík hefur verið lokað gestum og gangandi í vetur þar sem unnið hefur verið að uppsetninga á beinagrind steypireiðarinnar sem rak á land á Skaga árið 2010. Grindin endaði svo á Húsavík, kom þangað fyrir nokkrum mánuðum eftir töluvert japl, jaml og fuður í stjórnsýslunni og pólitíkinni áður en grindinni var valið aðsetur hér, en tímabundið að sögn þar til bærra yfirvalda.
Nú sér reyndar fyrir endann á verkinu og verður Hvalasafnið, og þar með sýning á steypireiðinni, opnað 1. mars n.k. Laugardaginn 12. mars verður svo formlegt opnunarhóf í safninu fyrir boðsgesti og þá mun menntamálaráðherra, Illugi Gunnarsson, mæta á staðinn og undirrita nýjan samstarfssamning við Hvalasafnið.
Við litum við í Hvalasafninu í gær. Þá voru starfsmenn safnsins, Jan Aksel Harder Klitgaard, Halldór Gíslason og fleiri raunar að hamast, snúast í kringum grindina, snurfusa og gera það sem til þarf svo sýningin verði klár og sem glæsilegust þegar opnað verður 1. mars.
Greinilegt er að menn hafa skipt um kúrs frá upphaflegum áætlunum um sýningu á steypireiðinni og sagði Jan það rétt vera. Hugmyndin var sem sé að dreifa beinum grindarinnar í tilbúna sandfjöru, rétt eins og þar hefði hvalurinn strandað fyrir löngu síðan og “straumar og votir vindar síðan velkt henni til og frá” í fjörunni. Frá þessu hefur sem sagt verið horfið og grindin sett upp heil, en að vísu þurfti að sveigja aftasta hlutann þar sem salinn skorti lengd.
“Steypireiðurin var 25 metrar þegar hana rak á land á Skaga, en grindin er uppsett 22 metrar. Það stafar m.a. af því að það er engin sporður lengur til staðar, í honum eru engin bein, aðeins brjósk, þannig að sporðurinn er að sjálfsögðu horfinn.” Sagði Jan Aksel.
Þórarinn Blöndal er aðalhönnuður sýningarinn, en einnig hafa lagt hönd a plóginn hinn ómissandi Þorvaldur hamskeri sem hefur komið að flestum verkefnum Hvalasafnsins frá upphafi og ýmsir fleiri JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.