Styrkja Hafdísi fram yfir Ríó 2016
Hafdís við nýja bílinn, ásamt Hauki Ármannssyni og Kristjáni Kristjánssyni.
Toyota Akureyri og Tryggingamiðstöðin hafa sameinast um að styrkja frjálsíþróttakonuna Hafdísi Sigurðardóttur fram yfir Ólympíuleikana í Ríó í Brasilíu sumarið 2016. Toyota Akureyri leggur Hafdísi til nýja og glæsilega Toyota Yaris Hybrid bifreið endurgjaldslaust, sem TM tryggir á þessu tímabili, Hafdísi að kostnaðarlausu.
Hafdís er ein fremsta frjálsíþróttakona landsins, margfaldur Íslandsmeistari í hlaupagreinum og langstökki og þá hefur hún verið valin Íþróttamaður Akureyrar síðastliðin tvö ár. Hafdís hefur enn ekki náð lágmarki fyrir Ólympíuleikana í Ríó en hún ætlar sér að ná lágmarkinu í langstökki á þeim tíma sem framundan er. Hafdís á Íslandsmetið í langstökki, bæði innanhúss og utan, 6,47 m innanhúss og 6,41 m utanhúss.
Ólympíulágmarkið í langstökki kvenna er 6,70 m og besti árangur Hafdísar í greininni, sem hún náði á síðasta ári, er 6,72 m. Þá var meðvindur aðeins of mikill, þannig að sá árangur hennar fékkst ekki staðfestur sem Íslandsmet. Hann dugði Hafdísi hins vegar til þess að komast á Evrópumótið utanhúss í Zurich í Sviss, í ágúst í fyrra, þar sem hún hafnaði í 16. sæti. Hafdís keppti einnig í langstökki á Evrópumeistaramótinu í frjálsum íþróttum innanhúss í Prag í Tékklandi í síðasta mánuði, þar sem hún hafnaði í 12. sæti.
Haukur Ármannsson framkvæmdastjóri Toyota Akureyri, segir að fyrirtækið vilji með þessum stuðningi auðvelda Hafdísi að ná markmiði sínu. Þar sem Hafdís stefnir að því að keppa í Ríó 2016 viljum við gera allt sem við getum til þess að aðstoða hana, þannig að hún geti sinnt sínum æfingum vel og án þess að hafa áhyggjur af bílamálum, segir Haukur.
Kristján Kristjánsson svæðisstjóri TM á Norðurlandi, tekur undir með Hauki, enda sé Hafdís glæsileg fyrirmynd og verðugur fulltrúi Íslands á Ólympíuleikunum á næsta ári.
Hafdís hefur jafnframt verið valin í landsliðshópinn sem tekur þátt í Smáþjóðaleikunum í Reykjavík í sumar, þar sem UFA á samtals 9 keppendur. Hafdís var valin til keppni í 100 og 200 m hlaupi, þrístökki og langstökki og í 4x100 m og 4x400 m boðhlaupi.
Nýjast
-
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu.