Stúlknakór Húsavíkur syngur á fyrsta degi sumars
Stöllurnar Alexandra Ada, Guðrún María og Margrét Inga. Mynd: Heiðar Kristjáns.
Stúlknakór Húsavíkur heldur vortónleika í sal Borgarhólsskóla á morgun, sumardaginn fyrsta kl. 15. Kórinn syngur meðal annars lög um frið en einnig lög úr kvikmyndum og söngleikjum.
Undirbúningur fyrir þátttöku á kóramóti í Danmörku stendur sem hæst og fara stúlkurnar utan í byrjun maí í viku söngferð. 28 stúlkur á aldrinum 11 – 16 ára skipa kórinn og kórstjóri er Ásta Magg, sem er af þriðju kynslóð kórstjóra hér í bæ, en hún sjálf var í stúlknakór sem móðir hennar Hólmfríður Ben stýrði um árabil. Aðgangseyrir á tónleikana er kr. 1000 og innifalið kaffi/djús og kleina.
Þrjár söngmeyjar af 28 litu við hjá Skarpi í vikunni til koma á framfæri hvatningu til fólks um að mæta á tónleika Stúlknakórsins á sumardaginn fyrsta, þær Guðrún María Ólafsdóttir, Alexandra Ada Sigurjónsdóttir og Margrét Inga Sigurðardóttir. Þær stöllur sögðu að efnisskráin væri fjölbreytt, íslensk lög og erlend í bland, gömul og ný og m.a. lög sem Ásta kórstjóri söng þegar hún var í kórnum hjá mömmu sinni. Nýjustu lögin eru kannski úr myndinni Pitch Perfect sem margir kannast við. Þá er verið að æfa eitt lag með texta á dönsku, sem allir kórarnir, sem eru frá Norðurlöndunum, syngja saman á mótinu í Danmörku.
Þær hafa allar verið nokkur ár í Stúlknakórnum og einu sinni áður farið utan í söngferð, til Noregs árið 2013. Auk tónleikanna nú hafa stúlkurnar aflað farareyris með því að halda bingó og selja þar vöfflukaffi og einnig verið með lakkríssölu. Þetta hefur gengið vel, þannig að þær þurfa ekki að leggja mikið fram úr eigin vasa, eða forldranna, í ferðakostnað.
Á tónleikunum á Sumardaginn fyrsta mun nýstofnaður Kvennakór Húsavíkur koma fram í fyrsta sinn og einnig syngja með Stúlknakórnum í nokkrum lögum. Þessi kór var stofnaður í byrjun árs 2016 og er skipaður fyrrum Stúlknakórs meðlimum. Og kórstjóri að sjálfsögðu hin eina og sanna Hóffý. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.