Stórmeistaraefni í skák
Jón Kristinn Þorgeirsson er einn efnilegasti skákmaður landsins.
Skákþing Norðlendinga, hið 81. í röðinni var haldið á Akureyri um síðustu helgi en keppendur voru tuttugu talsins, þar á meðal tveir alþjóðlegir meistarar úr Reykjavík, þeir Guðmundur Kjartansson og Einar Hjalti Jensson. Fyrirfram var gert ráð fyrir að slagurinn um sigur á mótinu yrði fyrst og fremst milli þeirra tveggja. Þeir voru enda í forystu þegar fjórum umferðum var lokið af sjö og höfðu þá gert jafntefli sín á milli.
Í fimmtu umferð beið Einar Hjalti hinsvegar ósigur fyrir hinum sextán ára gamla Jóni Kristni Þorgeirssyni og í þeirri sjöttu gerði Jón enn betur og lagði Guðmund Kjartansson að velli. Sú óvænta staða var þá komin upp í lokaumferðinni að tveir jafnaldrar frá Akureyri börðust um sigurinn á mótinu. Jón Kristinn var þá í forystu með fimm vinninga en Símon Þórhallsson kom á hæla honum með hálfum vinningi minna. Jón Kristinn stóð uppi sem sigurvegari á mótinu og er því bæði skákmeistari Norðlendinga og skákmeistari Skákfélags Akureyrar þetta árið.
Jón fékk sex vinninga af sjö mögulegum. Annar varð Guðmundur Kjartansson með fimm og hálfan vinning og Einar Hjalti þriðji með fimm vinninga. Símon fél niður í 4-5. sæti við tapið og fékk fjóran og hálfan vinning ásamt Sigurði Arnarsyni.
Í tilkynningu frá Skákfélagi Akureyrar segir að árangur Jóns Kristins hafi vakið mikla athygli, enda ekki á hverjum degi sem svo ungur skákmaður leggur tvo alþjóðlega meistara að velli og það sama daginn. Jón er þegar stigahæstur unglinga í sínum aldursflokki, en þar er félagi hans Símon einmitt næsthæstur. Því megi mikils vænta af piltunum í framtíðinni.
Nýjast
-
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku.