Stórfelld gjaldtaka verður mörgum útgerðum að aldurtila
Þröstur Jóhannsson útgerðarmaður í Hrísey segir að greinin virðist alls ekki mega skila hagnaði.
Ef frumvörpin verða að lögum veit ég ekki hvernig haustið verður hjá okkur, staðan er því vægast sagt óljós þessar vikurnar. Nú á til dæmis að taka algjörlega fyrir að færa aflamark úr stóra kerfinu yfir í krókaaflamarkskerfið, en við höfum farið þá leið nokkuð á undanförnum árum og í raun verið mikil forsenda fyrir því að hægt er gera héðan út á línu, segir Þröstur Jóhannsson í Hrísey um frumvörp sjávarútvegsráðherra til laga um stjórn fiskveiða og veiðigjöld. Þröstur gerir út línubátinn Sigga Gísla EA ásamt bróður sínum Jóhanni Pétri. Veiðirétturinn nemur samtals um 150 þorskígildistonnum. Á veiðireynsluárunum sást engin ýsa hér þannig að þegar hún var kvótasett var kvótinn eftir því. Hér blossaði síðan upp ýsa á miðunum og þá var ekki um annað að ræða en að fá hana leigða út stóra kerfinu. Í frumvarpinu er gert ráð fyrir að þessi réttur verði aflagður. Krókaaflamarks flotanum er heimilt að veiða um 15% árlega af ýsukvótanum, en með leigunni hefur hann veitt allt að fjórðung. Við höfum skipt á veiðiréttindum og aukið þannig ýsuveiðar. Slík viðskipti hafa skapað mikið hagræði en ef taka á algjörlega fyrir slíkan sveigjanleika í kerfinu verður allt miklu þyngra í vöfum, það er ekki spurning, segir Þröstur.
Hófleg skattlagning sjálfsögð
Okkar útgerð hefur fjárfest verulega í kvóta á undanförnum árum og tekið á sig skerðingar eins og aðrar úrgerðir. Stórfelld gjaldtaka verður örugglega mörgum fyrirtækjum að aldurtila, nái þessi frumvörp fram að ganga. Greinin virðist alls ekki mega skila hagnaði, ríkið hefur nú í hyggju að taka til sín of stóran bita af kökunni. Það verður að vera hægt að endurnýja tæki og tól með eðlilegum hætti. Hófleg skattlagning er auðvitað sjálfsögð og um það er ekki deilt.
Skýrar leikreglur
Almennt er ég fylgjandi sértækum byggðaaðgerðum. Þær leiðir sem nú eru boðaðar eru margar almennt orðaðar og færa stjórnmálamönnum mikið vald. Slíkt veit sjaldan á gott, leikreglurnar verða að vera skýrar og það versta er þegar hrært er í þeim fram og til baka með reglulegu millibili. Sjávarútvegur er undirstaða atvinnulífsins hérna í Hrísey. Aukin ríkisafskipti í greininni koma byggðinni örugglega ekki til góða. Við keyptum nýverið fiskvinnsluhús í Hrísey af Byggðastofnun og ætlunin er að skapa verðmæt störf. Framtíðinni má líkja við langtímaspá í veðrinu, allra veðra er von, segir Þröstur.
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.