Það verður dansað í Hrísey um helgina
Frá Danshátíð í Hrísey í fyrra. Rúnar Þór og félagar á sviði. Mynd/Akureyri.is
Danshátíðin í Hrísey fer fram í sjötta sinn næstkomandi helgi, 15.–16. ágúst. Þar kemur saman dansáhugafólk og skemmtir sér hið besta við undirleik þekktra hljómsveita. Greint er frá þessu á heimasíðu Akureyrarbæjar.
Hátíðin fer fram í gamla félagsheimilinu Sæborg. Hún hefst á föstudagskvöld kl. 20 með tónleikum þar sem Rúnar Þór fer yfir 40 ára útgáfuferil sinn. Kl. 21.30 hefst dansleikur með Stúlla og Tóta frá Siglufirði. Sturlaugur Kristjánsson, Stúlli, gerði garðinn frægan með hljómsveitinni Miðaldamönnum á árum áður og hefur lengi verið virkur í tónlistarlífi Siglufjarðar.
Á laugardag kl. 14 verður dansnámskeið undir stjórn Sólrúnar Bjarkar Valdimarsdóttur. Kl. 19.30 leika Einar Guðmundsson harmonikkuleikari og hljómsveit hans fyrir dansi, en síðan taka við Rúnar Þór og hljómsveitin TRAP og halda uppi fjörinu til miðnættis.
Forsprakki hátíðarinnar, Ingimar Ragnarsson, segir vinsældir hennar hafa aukist ár frá ári. Hugmyndin kviknaði 2019 þegar hann sá sjónvarpsþátt um danshátíð í Svíþjóð þar sem Danshljómsveit Friðjóns kom fram. Fyrsta hátíðin var haldin sama ár, en féll niður 2020 vegna COVID-19.
„Rúnar Þór hefur verið með frá upphafi og Friðjón komið þrisvar. Nú erum við með sölutjald við Sæborg með fjölbreyttum veitingum, auk þess sem spákona spáir fyrir fólki. Líklega er orðið erfitt að finna gistipláss í Hrísey þessa helgi, en þó má alltaf reyna,“ segir Ingimar.
Nýjast
-
Það verður dansað í Hrísey um helgina
Danshátíðin í Hrísey fer fram í sjötta sinn næstkomandi helgi, 15.–16. ágúst. Þar kemur saman dansáhugafólk og skemmtir sér hið besta við undirleik þekktra hljómsveita. -
Styrkleikar í fyrsta sinn á Húsavík
Viðburður til að styðja við, heiðra eða minnast einstaklinga sem hafa fengið krabbamein -
Alþjóðleg ráðstefna um hreyfiveiki haldin á Akureyri
Sérfræðingar víðs vegar að úr heiminum koma saman til að ræða nýjustu rannsóknir og lausnir á þessu viðfangsefni. -
Móahverfið óðum að taka á sig mynd
Mikil uppbygging hefur átt sér stað í Móahverfi í sumar og er hverfið óðum að taka á sig sína réttu mynd. -
Vel heppnuð kynning á Hofstöðum
Gestir nutu bæði fróðleiks og góðrar stemningar í hlýju og mildu veðri -
A! Gjörningahátíð 2025 kallar eftir gjörningum
A! er fjögurra daga alþjóðleg gjörningahátíð sem nú er haldin í ellefta sinn -
Samherji hf. heldur áfram fjárfestingum í innviðum rekstrar
Rekstrarhagnaður Samherja hf. nam 6,3 milljörðum króna á árinu 2024 og dróst saman um 1,8 milljarða króna á milli ára. -
Alls voru yfir 45.000 hjartastoppstilfelli greind
Sérfræðingur í bráðalækningum á SAk er meðal þátttakanda í einni stærstu rannsókn á hjartastoppi utan sjúkrahúsa í Evrópu -
Ný umferðaröryggisáætlun Akureyrarbæjar samþykkt
Hundruð einstaklinga slasast árlega í umferðarslysum á Íslandi og sum þeirra hafa alvarlegar eða jafnvel banvænar afleiðingar
