Stólaskipti og spennandi nýjungar hjá Stefnu
Matthías Rögnvaldsson til vinstri og Björn Gíslason til hægri
Björn Gíslason og Matthías Rögnvaldsson hafa skipt um stóla hjá hugbúnaðarfyrirtækinu Stefnu ehf. Björn, sem hefur verið framkvæmdastjóri síðastliðin fimm ár, tekur við sem stjórnarformaður félagsins. Matthías verður á ný framkvæmdastjóri en hann gegndi því hlutverki um árabil. Hann er jafnframt einn stofnenda Stefnu.
Ný hlutverk boða ekki frekari breytingar í rekstrinum. Nýjungar í þjónustu og vöruframboði Stefnu verða kynntar í september.
Björn Gíslason, stjórnarformaður:
„Ég er spenntur fyrir nýju hlutverki og tel að þetta sé gott skref fyrir Stefnu sem og mig sjálfan. Síðustu fimm ár hafa verið góður tími þar sem starfsfólk félagsins hefur náð frábærum árangri og við erum hvergi nærri hætt. Við Matthías og lykilstjórnendur höfum leitt vinnu við nýjungar í rekstrinum sem verða kynntar á næstu vikum.”
Matthías Rögnvaldsson, framkvæmdastjóri, er með víðtæka reynslu af stjórnun og rekstri fyrirtækja og þekkir Stefnu afar vel, enda stofnandi félagsins. Á síðustu árum hefur hann starfað sem starfandi stjórnarformaður Stefnu, og unnið náið með Birni og öðrum lykilstjórnendum að uppbyggingu félagsins.
„Það er mikill heiður taka við keflinu af Birni. Hann hefur skilað frábæru starfi við uppbyggingu fyrirtækisins undanfarin ár og ég hlakka til að vinna náið með honum og stjórninni að framtíðarsýn Stefnu. Það eru miklir möguleikar framundan og ég er spenntur að takast á við nýjar áskoranir.“
Stefna ehf. sérhæfir sig í hönnun og forritun sérlausna, þróun öflugra kerfa og stafrænum lausnum sem styðja við rekstur fyrirtækja og stofnana. Stefna þjónustar um 600 viðskiptavini um allt land, þar á meðal mörg af stærstu og öflugustu fyrirtækjum og stofnunum landsins.
Fyrirtækið var stofnað árið 2003 á Akureyri og er í dag með starfsstöðvar á höfuðborgarsvæðinu og í Svíþjóð.
Stefna hlaut viðurkenningu Viðskiptablaðsins og Keldunnar sem Fyrirmyndarfyrirtæki í rekstri árið 2024 auk þess að vera útnefnt Fyrirmyndarfyrirtæki VR árið 2025.
Þetta segir í tilkynningu frá fyrirtækinu
Nýjast
-
Niðurstöður aðalfundar Kaldbaks ehf
Aðalfundur Kaldbaks ehf. fór fram fimmtudaginn 21. ágúst. Þar var ársreikningur félagsins fyrir árið 2024 samþykktur. Í tölunum má sjá að rekstur félagsins gekk vel á árinu og afkomu- sem og eignaþróun endurspeglar sterka fjárhagsstöðu Kaldbaks. Hagnaður samstæðu Kaldbaks nam rúmum 2,3 milljörðum króna og eigið fé stóð í 36 milljörðum við árslok. Árið áður nam hagnaður samstæðunnar um 9,5 milljarði en á því ári innleysti félagið um 7 milljarða söluhagnað af eignum sínum. -
Er kominn tími til að láta endurmeta brunabótamatið á þínu húsnæði?
Samkvæmt lögum ber að brunatryggja öll hús á Íslandi og er tryggingaupphæðin byggð á brunabótamati hússins, en mikilvægt er að fylgjast með brunabótamatinu. -
Stjórn Hafnasamlags Norðurlands lýsir yfir miklum vonbrigðum með aflögn strandsiglinga
Á fundi stjórnar Hafnasamlags Norðurlands á dögunum var sú ákvörðun forsvarsmanna Eimskipa að legga niður strandsiglinar til umræðu. -
Afhjúpa líkan af síðutogaranum Harðbak EA
Líkan af síðutogaranum Harðbak EA 3 verður afhjúpað við hátíðlega athöfn nyrst á Torfunefsbryggju á laugardag, 30. ágúst kl. 14. Fyrrum sjómenn á ÚA togurum stóðu fyrir gerð þess, en það smíðaði Elvar Þór Antonsson líkt og fimm önnur líkön sem fyrrverandi togararajaxlar hafa látið smíða af skipum sem gerð voru út af Útgerðarfélagi Akureyringar í áranna rás. -
Eyrarpúkar bjóða til veislu á morgun laugardag
Eyrarfest er ný hverfishátíð á Oddeyrinni, en hún verður haldin hátíðleg á laugardaginn kemur, 30. ágúst. Dagurinn byrjar með fróðlegri gönguferð um Eyrina með Arnóri Blika Hallmundssyni, en mæting er kl. 11.00 á Eiðisvöll. -
Af fótafúnum ferðabílaeigendum og öðrum af sömu sort
Á sumrin held ég mikið til í Borgarfirði og fer þá gjarnan í kaupstaðaferð í Borgarnes þegar mig vantar aðföng. -
Norðangarri býður upp á Landablöndu
Tónlistarhópurinn Norðangarri heldur þrenna tónleika á Norðausturlandi um helgina, 29.-31. ágúst. -
Minningarathöfn í tilefni 150 ára afmælis íslenskra landflutninga til Kanada
Haldin verður hátíðleg minningarathöfn í tilefni 150 ára afmælis íslenskra landflutninga til Kanada á Minjasafninu á Akureyri á laugardag, 30. ágúst frá kl. 13:00 til 14:30. -
Starfslok eftir um 40 ár í umönnun
Þær Sigrún Geirsdóttir og Helga Ingólfsdóttir hafa átt farsælan feril í starfi á hjúkrunarheimilum.