Jólasaga úr Hringsdal á Látraströnd
Mynd .essi af hjónunum með börnin er tekin í Höfða sumarið 1933. Þá voru þau orðin 12, en urðu 14 þegar upp var staðið Mynd úr safni
,,Árið er 1930. Sigrún og Kristinn hafa nú búið í Hringsdal í fjögur ár og börnin orðin 10 þegar hér er komið sögu.
Jólaundirbúningurinn gengur vel og bráðum gengur nýtt ár, 1931, í garð. Sigrún er búin að pússa alla lampa svo bjart er í bænum. Í baðstofunni eru fjögur rúm, tvö þeirra er hægt að draga út og stækka þannig yfir nóttina. Áskell nágranni á Svínárnesi hafði svo smíðað flet sem hægt var að stækka og á Skákinni gátu fjögur börn sofið. Sigrún sefur yfirleitt með tvö yngstu hjá sér og Kristinn með eitt í sínu rúmi.
Ásta F. Flosadóttir skrifar
Eldsvoði
Jóladagur er að kveldi kominn og Kristinn efnir það loforð að spila við krakkana um kvöldið, yngstu börnin eru komin í ró og Sigrún lætur líða úr sér í rúminu við hliðina á Maríu litlu meðan norðanstórhríðin bylur á þekjunni. Skyndilega sprettur Kristinn á fætur, hann finnur reykjarlykt. Sigrún og krakkarnir fara líka á stjá og fleiri finna lyktina. Þegar Sigrún opnar inn í fjósið mætir henni þykkur reykur, það er kviknað í fjósþekjunni. Nú verður uppi fótur og fit, Kristinn vill senda Jóhannes yfir að Hjalla til að sækja hjálp en Sigrún þvertekur fyrir það, meira vit sé í að nota drenginn við að slökkva eldinn en senda hann einan út í þetta snarbrjálaða veður. Kýrnar eru hóstandi, leystar í flýti og hleypt inn í bæinn, allir koppar og kirnur týnd til og börnin látin handlanga ílátin. Sem betur fer er ekki langt að sækja vatnið þar sem Kristinn endurbyggði fyrir nokkru rangalann út í bæjarlækinn. Hann stendur svo á nærfötunum við að rífa niður raftana í fjósinu og sulla vatni yfir þá, þeir eru svo dregnir inn í eldhús og haldið áfram að bleyta vel í þeim þar. Kristinn eys vatni upp í þekjuna og á endanum ná þau að slökkva. Þá er að hleypa reyknum út og binda kýrnar aftur á básana, þvo mesta sótið og skítinn af fólkinu og koma börnunum í háttinn. Sigrún sofnar um leið og höfuðið snertir koddann en Kristni kemur ekki dúr á auga, hann svíður í brunasár á höndunum og hugsar til þess með hryllingi ef þau hefðu nú verið öll sofnuð, það er ekki víst að nokkurt þeirra hefði vaknað aftur. Og ef ekki hefði tekist að slökkva eldinn og þau hefðu þurft að flýja bæinn með öll börnin, hvernig hefði þeim gengið að komast að Hjalla? Nei það eru ekki fallegar hugsanir sem halda vöku fyrir bóndanum í Hringsdal þessa nótt.
„Fréttirðu eitthvað? Er nokkuð að ganga kíghósti?“
Á nýársdag skreppur Sigrún yfir að Hjalla og tefur nokkra stund. Hún hefur áhyggjur af Indriða sem liggur heima með kvef og ljótan hósta. Á Hjalla er verið að tala um kíghósta sem sé að stinga sér niður í sveitinni. Sigrún fyllist illum grun, en vonandi mun þessi vonda veiki sneiða framhjá barnahópnum í Hringsdal. Þegar hún kemur heim að bænum tekur Kristinn á móti henni í bæjardyrunum. Hann er alvarlegur á svip.
„Fréttirðu eitthvað? Er nokkuð að ganga kíghósti?“
Hún kinkar kolli, þau leiðast inn göngin og inn í baðstofuna. Það liggur við að þeim fallist hendur, börnin eru öll hóstandi, öll tíu. Kíghóstinn er komin í hús.
Sigrún og Kristinn hafa bæði fengið kíghósta svo þau veikjast ekki, en það er erfiður tími framundan og það vita þau bæði. Sigrún setur upp vatn á eldavélina og þar sýður svo stanslaust svo mikil gufa er alltaf í baðstofunni. Á miðju gólfinu er fata og í hana er bæði migið og ælt í verstu hóstaköstunum. María er á fyrsta árinu og hún er fárveik, Sigrún þarf reglulega að hlaupa með hana út og hún blánar í verstu köstunum. Í heilan mánuð fara hjónin ekki úr fötunum og sofa til skiptis stutta dúra í senn. Óttinn heldur þeim gangandi, ekkert barnið geta þau hugsað sér að missa.
Í þessum kíghóstafaraldri dóu börn í sveitinni en börnin í Hringsdal hresstust öll þótt sum hafi mátt glíma við afleiðingar kíghóstans lengi.
Í byrjun nóvember fæðist Anna Kristbjörg."
Nýjast
-
Jólasaga úr Hringsdal á Látraströnd
Árið er 1930. Sigrún og Kristinn hafa nú búið í Hringsdal í fjögur ár og börnin orðin 10 þegar hér er komið sögu. -
Ræða flutt við Aftansöng í Akureyrarkirkju 24 desember 2025
Mér finnst danir svolítið heppnir að eiga í málvenju sinni möguleika á að segja annað hvort god jul eða glædileg jul. Ég hef oft hugsað þetta þegar ég er að kasta kveðju á nýja syrgjendur rétt fyrir jólahátíðina. Það virkar frekar öfugsnúið og nánast tillitslaust að segja við ungu konuna sem er nýorðin ekkja,,gleðileg jól” en að segja eigðu góð jól er hins vegar allt annað. -
Gleðileg jól!
Starfsfólk Vikublaðsins óskar lesendum gleðilegra jóla og farsældar á komandi ári. Við þökkum fyrir samfylgdina á árinu. -
Minningar úr sveitinni
Arnar Guðmundsson ólst upp í Árhvammi í Öxnadal með foreldrum sínum og sex systkinum. Hann flutti síðar til Akureyrar um 16 ára aldur og bjó þar þangað til hann var um 27 ára. Þá færði hann sig austur á land með fjölskyldu sinni og settist að í Neskaupstað. Arnar býr þar með eiginkonu sinni, Ingibjörgu Þórðardóttur og eiga þau saman tvö uppkomin börn sem einnig búa í Neskaupstað. Arnar starfar þar sem kennari við Verkmenntaskóla Austurlands. Hann rifjar hér upp gamlar minningar úr sveitinni um hátíðirnar. -
Elísa Kristinsdóttir til UFA!
Elísu Kristinsdóttir þarf vart að kynna fyrir hlaupaáhugafólki en hún er einn fremsti utanvegahlaupari landsins. Í sumar sigraði hún meðal annars Akrafjall Ultra og Mt. Esja half marathon. Þá sigraði hún 100 km Gyðjuna í Súlur Vertical og um leið setti hún nýtt brautarmet. Í framhaldinu af því keppti hún á Heimsmeistaramótinu í fjallahlaupum þar sem hún hafnaði í 9. sæti. -
Góðar minningar frá árunum á Akureyri
Elínborg Snorradóttir, alltaf kölluð Lóa, er 86 ára Akureyringur sem hefur verið búsett fyrir vestan síðan 1958. Lóa ákvað að koma eitt sumar vestur að Mjólká við Arnarfjörð þar sem faðir hennar starfaði, þetta átti bara að vera eitt sumar. Þar kynnist hún Bergsveini Gíslasyni og þau byrjuðu fljótlega að búa og settust síðan að Mýrum í Dýrafirði árið 1961. Þar bjuggu þau í 61 ár eða þar til árið 2022 þegar Bersveinn lést. Þá flutti Lóa á elliheimilið Hlíf á Ísafirði og þar unir hún sér vel. -
Friðaganga gengin í kvöld
Hin árlega Friðarganga verður gengin í dag á Þorláksmessu og hefst gangan kl 18:00. Í tilkynningu frá samtökunum Friðarframtak Akureyrar segir : -
Íbúar í Norðurþingi gefa dýrari jólagjafir en íbúar á Akureyri
Akureyringar verja 7,68% af sínum ráðstöfunartekjum í jólagjafir, meðan íbúar í Norðurþingi verja aðeins stærri hluta sinna tekna í að gleðja náunga sinn eða 7,83%. -
Lögreglan vill að við höfum varan á
Lögreglan á Norðurlandi eystra sendi frá sér viðvörun til okkar sem hér búum vegna hvassveðurs sem búast má við að skelli á hér á okkar slóðum eftir sólarhring og ef spár rætast mun veðrið ekki ganga niður fyrr en um miðjan jóladag! Eða eins og segir í áðurnefndri viðvörun: