Sterkari saman
Sindri S. Kristjánsson, oddviti Samfylkingarinnar á Akureyri
Á laugardaginn, þegar sléttar fjórar vikur voru til kosninga, kynntum við í Samfylkingunni á Akureyri stefnuskrána okkar og kosningaáherslur fyrir komandi bæjarstjórnarkosningar. Áherslurnar eru afrakstur vinnu listans, sem samanstendur af 22 öflugum og ólíkum einstaklingum, samtali við íbúa, fyrirtæki, stofnanir og félagasamtök um hvernig við byggjum bæinn okkar til framtíðar.
Við höfum jafnaðarstefnuna að leiðarljósi í okkar stefnu og trúum því að sterkt samfélag sé samfélag þar sem við tökum ábyrgð hvert á öðru. Við viljum létta bæjarbúum daglega lífið og hafa þarfir íbúa ávallt í fyrirrúmi í allri ákvarðanatöku.
Byggt á stefnuskránni leggjum við nú fram fimm áherslumál sem munu verða í forgrunni í ákvarðanatöku okkar á næsta kjörtímabili:
Léttum þér daglega lífið
Við ætlum að bjóða upp á sumarfrístund fyrir börn á yngsta stigi grunnskóla, setja þak á leikskólagjöld og draga úr skutli með því að gera strætó að raunverulegum valkosti fyrir unga sem aldna með nýju leiðarkerfi og tíðari ferðum.
Hlúum að hverju barni
Styttum biðlista barna, fáum sérfræðinga inn í skólana strax, bætum starfsumhverfi leik- og grunnskóla, sem og húsnæðismálin, og leyfum kennurum að kenna.
Húsnæði, húsnæði, húsnæði
Styttum biðlista eftir félagslegu húsnæði og tryggjum að í öllu nýju skipulagi sé gert ráð fyrir 35% óhagnaðardrifinni uppbyggingu.
Áhyggjulaust - og skemmtilegt - ævikvöld
Byggjum almennilega félagsaðstöðu fyrir eldra fólk, samþættum þjónustu og stuðlum að því að kerfin vinni betur saman og bjóðum 70 ára og eldri frítt í sund.
Akureyri í sókn
Mótum atvinnu- og vaxtaplan fyrir bæinn og ráðumst í aðgerðir, stöndum af alvöru með fyrirtækjunum okkar og byggjum Akureyri upp sem heilsársáfangastað með betri miðbæ og meira lífi.
Við erum spennt fyrir framtíð Akureyrar og hlökkum til að eiga samtal við bæjarbúa um þessa framtíðarsýn á næstu vikum. Við hvetjum áhugasama til að kynna sér stefnuna okkar alla á vefsíðunni okkar, www.xs.is/akureyri. Samfylkingin á Akureyri er tilbúin til verka.
Nýjast
-
Sterkari saman
Á laugardaginn, þegar sléttar fjórar vikur voru til kosninga, kynntum við í Samfylkingunni á Akureyri stefnuskrána okkar og kosningaáherslur fyrir komandi bæjarstjórnarkosningar. Áherslurnar eru afrakstur vinnu listans, sem samanstendur af 22 öflugum og ólíkum einstaklingum, samtali við íbúa, fyrirtæki, stofnanir og félagasamtök um hvernig við byggjum bæinn okkar til framtíðar. -
Sjúkrahúsið á Akureyri hættir notkun á íbúðum á Kristnesi
Sjúkrahúsið á Akureyri hefur verið með níu hús, með um tuttugu íbúðum á Kristnesi, í leigu. Nú eru þar ellefu leigutakar, en níu íbúðir standa nú auðar. -
Skiptir staðgóður morgunmatur máli?
Oft er talað um að fólk fái sér staðgóðan morgunmat. „Staðgóður“ í þessu sambandi þýðir kjarnmikill eða nærandi. -
Slippurinn DNG semur hönnun, smíði og uppsetningu á bolfiskvinnslulínu við MV Osprey Ltd frá Kanada
Slippurinn DNG og kanadíska útgerðarfyrirtækið MV Osprey Ltd. hafa undirritað samning um hönnun, smíði og uppsetningu á bolfiskvinnslulínu um borð í rækjufrystitogarann Northern Osprey III. Áætlað er að skipið komi til Akureyrar í september og uppsetning hefjist strax við komuna -
Eflum og byggjum upp Eyrina
Ég hitti fyrir stuttu konu sem var nýflutt á Oddeyrina. Hún sagði mér að hún hafi reglulega verið boðin “velkomin á Eyrina” frá því hún flutti þangað og minntist þess ekki að hún hafi verið boðin velkomin í ákveðið hverfi áður. Óhætt er að segja að töluverðir fordómar gagnvart þessu ágæta hverfi hafi verið við lýði í a.m.k. marga áratugi. Kannski er það einmitt ástæðan fyrir þeirri samheldni sem þar hefur myndast á meðal íbúanna. Við stöndum saman og leggjum áherslu á að bjóða nýja Eyrarpúka velkomna. Stundum hef ég útskýrt fyrir Sunnlendingum að viðhorf bæjarbúa gagnvart Eyrinni sé líklega nokkuð sambærilegt því sem þeir hafa gagnvart Breiðholti, en ímyndin er oft á tíðum að þar búi aðeins tekjulágir í hrörlegum híbýlum. -
Samherji og Ice Fresh Seafood áberandi á Seafood Expo Global
Alþjóðlega sjávarútvegssýningin Seafood Expo Global í Barcelona á Spáni stendur yfir dagana 21. – 23. apríl. Sýningin er sú stærsta sinnar tegundar í heiminum á sviði veiða, vinnslu og sölu sjávarafurða en skipuleggjendur segja að fyrirtæki frá um níutíu þjóðlöndum kynni þar vörur sínar, búnað og þjónustu í samtals níu stórum sýningarhöllum. -
Komum á frístundastyrk fyrir foreldra í fæðingarorlofi!
L-listinn ætlar að setja ungt barnafólk í forgang. Við ætlum að stíga nýtt skref í þá átt með því að innleiða frístundastyrk fyrir foreldra í fæðingarorlofi. -
Aðalfundur Norðurorku hf. reksturinn gekk vel árið 2025
Aðalfundur Norðurorku hf. var haldinn fyrr í dag, 20. apríl 2026. Eigendur félagsins eru sex sveitarfélög, Akureyrarbær, Eyjafjarðarsveit, Grýtubakkahreppur, Hörgársveit, Svalbarðsstrandarhreppur og Þingeyjarsveit. -
Vilji til að efla samstarf Framsýnar og Einingar Iðju
Forystuhrúturinn Moli sem býr í góðu yfirlæti í fjárhúsinu Grobbholti ofan Húsavíkur hefur nú unnið sér það til frægðar að mynd af honum hefur verið prentuð á boli. Þeir eru væntanlegir til landsins með vorinu og verða seldir í minjagripabúðum og söluskálum hér og þar um landið. Án efa eiga þeir eftir að vekja mikla athygli.
