Stefnum á svikalaust sumarfrí - það er skemmtilegra
Heiðrún E Jónsdóttir framkvæmdastjóri Samtaka fyrirtækja í fjármálaþjónustu
Mikill meirihluti Íslendinga hefur orðið fyrir svikatilraun á neti eða í síma á síðustu árum. Mun færri hafa tapað fjármunum í hendur svikahrappa, en vandinn er engu að síður viðvarandi. Nú þegar sumarfrí standa sem hæst er ekki síður mikilvægt að vera á varðbergi, þar sem svikahrappar tvíeflast þegar fríin ganga í garð.
Rúmlega átta prósent hafa tapað fjármunum á síðustu árum
Nýleg könnun sem Gallup framkvæmdi fyrir Samtök fyrirtækja í fjármálaþjónustu sýnir að langstærstur hluti Íslendinga er vel á verði þegar kemur að þessum málum. Spurt var hvort fólk hefði lent í svikatilraun á neti eða í síma á síðustu þremur árum. Tveir þriðju, eða 66,7 prósent, svöruðu því játandi, en þriðjungur sagðist ekki hafa orðið fyrir slíkri tilraun.
Þátttakendur voru einnig spurðir hvort þeir hefðu, á síðustu þremur árum, verið fórnarlamb svika á neti eða í síma og tapað fjármunum. Langstærstur hluti þátttakenda, eða 91,5 prósent, svaraði neitandi en 8,5 prósent sögðust hafa tapað fjármunum í hendur svikahrappa á tímabilinu.
Þótt hlutfallið sé tiltölulega lágt er ljóst að fjöldi fólks verður enn fyrir barðinu á svikahröppum. Netsvikarar svífast einskis til að hafa af fólki fjármuni og eru sífellt að þróa tæknilegri og trúverðugri svikaaðferðir. Því er mikilvægt að fólk sé alltaf á varðbergi, líka í sumarfríinu. Nokkrar sekúndur sem fara í að sannreyna skilaboð geta komið í veg fyrir verulegt fjárhagslegt tjón. Heilbrigð tortryggni getur skipt sköpum.
„Vinsamlegast greiðið innan sólarhrings“
Nú eru sumarfrí í algleymingi og fjöldi fólks á ferðinni. Á sama tíma tvíeflast svikahrappar sem nýta sér að fólk er afslappaðra, vinnustaðir fámennari og árvekni fólks minni. Sama mynstur sést gjarnan í kringum önnur stór frí, svo sem páska og jól. Því er mikilvægt að vera á varðbergi, jafnvel þegar markmiðið er einfaldlega að slaka á.
Svikahrappar reyna gjarnan að skapa tímapressu. Það gera þeir meðal annars með gerviskilaboðum. Þau geta birst sem tölvupóstur frá yfirmanni með beiðni um tafarlausa millifærslu, skilaboð frá hóteli eða flugfélagi um að staðfesta bókun eða tilkynning um pakka sem bíður greiðslu. Þessi skilaboð eiga það sameiginlegt að fá fólk til að bregðast hratt við án þess að kanna málið betur. Svikararnir treysta á að við séum á ferð og flugi og gefum okkur því síður tíma til að sannreyna upplýsingar.
Það getur margborgað sig að staldra við
Við getum dregið verulega úr hættunni með einföldum varúðarráðstöfunum. Gefðu þér augnablik til að fara vandlega yfir skilaboðin, athuga sendanda og gaumgæfa vefslóðir áður en þú smellir. Það getur sparað bæði fjármuni og óþarfa fyrirhöfn. Þar að auki kemur það í veg fyrir svekkelsið sem fylgir því að verða fyrir svikum.
Grunnreglan er einföld: Ef þú færð skilaboð þar sem þér er sagt að borga strax, kannast ekki við að hafa átt viðskiptin sem vísað er til, eða eitthvað annað kemur undarlega fyrir sjónir, þá er betra að staldra við og skoða málið betur.
Höfundur er framkvæmdastjóri Samtaka fyrirtækja í fjármálaþjónustu.
Greinin birtist fyrst á visir.is
Nýjast
-
Axel Flóvent treður upp í Samkomuhúsinu
Axel Flóvent nálgast sköpun líkt og lífið sjálft – með flæði, opnum huga og í stöðugri þróun. Með ljóðrænum þjóðlagatón og tilfinningaríkri alt-pop nálgun fangar hann minningar og augnablik í lagi og texta. Á laugardag nk. spilar Axel í Samkomuhúsinu á Húsavík góða blöndu af gömlu og nýju óútgefnu efni, tónleikarnir hefjast klukkan 20:00 -
Strætó leggur sitt af mörkum um versló
Alls kyns aukaleiðir verða í boði með Strætisvögnum Akureyrar um verslunarmannahelgina í því skyni að draga úr umferð einkabíla og koma fólki öruggu til síns heima að lokinni skemmtidagskrá helgarinnar. -
Leita að nýju svæði fyrir smáhýsi
Skipulagsráð hefur falið skipulagsfulltrúa að gera úttekt á mögulegum staðsetningum fyrir tvö ný smáhýsi, til viðbótar við þau þrjú svæði sem nú eru í undirbúningi. Skipulagsráð vísar málinu jafnframt til umhverfis- og mannvirkjaráðs til skoðunar. -
Stefnum á svikalaust sumarfrí - það er skemmtilegra
Mikill meirihluti Íslendinga hefur orðið fyrir svikatilraun á neti eða í síma á síðustu árum. Mun færri hafa tapað fjármunum í hendur svikahrappa, en vandinn er engu að síður viðvarandi. Nú þegar sumarfrí standa sem hæst er ekki síður mikilvægt að vera á varðbergi, þar sem svikahrappar tvíeflast þegar fríin ganga í garð. -
Sumarstarfsmenn setja skemmtilegan svip á starfsemina
Á sjötta tug ungmenna eru ráðin til starfa yfir sumartímann í vinnsluhúsum Samherja á Dalvík og Akureyri til að leysa af fastráðið starfsfólk vegna sumarleyfa. Þetta er svipaður fjöldi og undanfarin ár. Í hvoru húsi starfa um eitt hundrað og tuttugu manns, þannig að hlutfall sumarstarfsfólks er nokkuð hátt þessar vikurnar. -
Mömmur og möffins falla niður en safna framlögum
„Það er mjög leiðinlegt að þetta hafi farið svona,” segja þær Bryndís Hauksdóttir og Sigríður Pedersen sem haldið hafa um stjórnartauma á viðburðinum Mömmur og möffins um verslunarmannahelgi á Akureyri undanfarin ár. Þær hafa ekki tök á því nú og fékkst enginn til að taka um stjórnartauma þannig að viðburðinn fellur niður í ár. -
Bætt aðstaða fyrir Skíðafélagið í Hlíðarfjalli Mikilvægt að huga að öðrum félögum líka
„Nú þegar ákveðið hefur verið að ráðast í framkvæmdir til að tryggja Skíðafélagi Akureyrar nauðsynlega félagsaðstöðu er brýnt að hefja undirbúning á framkvæmdum fyrir önnur félög sem halda úti þróttmiklu barna- og unglingastarfi á borð við Ungmennafélag Akureyrar og Sundfélagið Óðinn og hafa enga eða óboðlega félagsaðstöðu,“ segir í bókun Sindra S. Kristjánssonar S-lista og Jönu Salóme Ingibjargar Jósepsdóttur V-lista sem lögð var fram á fundi bæjarráðs. -
Sumarbúðirnar færa birtu og yl í sál og sinni. Ástjörn 80 ára
Það var afar ánægjulegt að fara í 80 ára afmæli sumarbúðanna við Ástjörn sunnudaginn 12. júlí og rifja upp góðar stundir frá ljúfri sumardvöl á fallegum og kærleiksríkum stað í Kelduhverfi sumrin 1987 og 1988 sem ég minnist með miklum hlýhug. Það var mikil upplifun fyrir ungan dreng að fara þangað til sumardvalar, mánuð í senn, kynnast nýjum vinum, njóta náttúrunnar, og verða örlítið meira fullorðinn í hjarta og sál. Nú til dags er dvöl í sumarbúðum orðin mun styttri, fyrir mig var þó tíminn fljótur að líða í mánaðardvöl enda nóg við að vera. -
Stefna að opnun verslunar- og þjónusturýmis
Eins og fólk sem á leið um svæðið hefur tekið eftir standa yfir framkvæmdir undir kirkjutröppunum, þar sem áður fyrr voru náðhús bæjarins sem meðal annars Rögnvaldur kammerráð veitti forstöðu.
