Sprotasjóður Þrjú verkefni á Akureyri og eitt á Húsavík fá styrk
Leikskólinn Iðavöllur fékk 2 milljónir vegna verkefnis sem ber heitið: Fjárfestum í framtíðinni
Þrjú verkefni á Akureyri fengu úthlutað styrk úr Sprotasjóði leik-grunn- og framhaldsskóla og eitt verkefni á Húsavík. Samtals var úthlutað rúmlega 64 milljónum til 20 skólaþróunarverkefna fyrir skólaárið 2026–2027.
Sprotasjóður styður við þróun og nýjungar í skólastarfi í leik-, grunn- og framhaldsskólum í samræmi við stefnu stjórnvalda og aðalnámskrá viðkomandi skólastiga. Sjóðnum bárust 39 gildar umsóknir að undangenginni auglýsingu og sótt var um rúmlega 146 milljónir króna.
Leikskólinn Lundasel-Pálmholt á Akureyri fékk úthlutað tæplega 3,4 milljónum króna vegna verkefninsins Að undrast-Samræður í leikskólastarfi. Leikskólinn Iðavöllur fékk 2 milljónir vegna verkefnis sem ber heitið: Fjárfestum í framtíðinni- jöfn tækifæri til náms. Akureyrarbær fékk 2,5 milljónir króna vegna verkefnis í Glerárskóla, en það heitir Fjársjóðskort og fjölbreyttar kennsluaðferðir.
Borgarhólsskóli hlaut 3,2 milljónir króna vegna verkefnis sem heitir Lítil skref á leið til læsis.
Nýjast
-
Sprotasjóður Þrjú verkefni á Akureyri og eitt á Húsavík fá styrk
Þrjú verkefni á Akureyri fengu úthlutað styrk úr Sprotasjóði leik-grunn- og framhaldsskóla og eitt verkefni á Húsavík. Samtals var úthlutað rúmlega 64 milljónum til 20 skólaþróunarverkefna fyrir skólaárið 2026–2027. -
Þjóðinni boðið til veislu
Í tilefni 100 ára afmælis Landhelgisgæslu Íslands er þjóðinni boðið í heimsókn um borð í varðskip. -
Af hverju eru sum hús full af lífi en önnur tóm?
Við erum afskaplega dugleg að flokka samfélagsrými niður: þetta er fyrir börn, hitt fyrir ungmenni og svo enn annað fyrir eldra fólk. En samfélagið sjálft virkar ekki svona – og húsin okkar ættu ekki að gera það heldur. -
Ekki á þeim buxunum að leggjast í kör
Frímann kokkur nýtur sín í listinni og heldur sýningu í Bjarnahúsi -
Glasið er hálffullt!
Glasið er hálffullt!Norðurþing er auðugt sveitarfélag. Tækifæri hafa farið og önnur komið í staðinn. Því miður erum við á þeim stað eins og er að stórt verkefni sem átti að hjálpa samfélaginu að vaxa og dafna virðist ekki ætla ganga upp þrátt fyrir a... -
Fyrsta skemmtiferðaskipið væntanlegt til Akureyrar á sunnudag
Aida sol, fyrsta skemmtiferðaskip sumarsins leggur að bryggju á Akureyri á sunnudag, 19. apríl og markar þar með upphafið að sumrinu fyrir bæjarbúa. Sannkallaður vorboði í það minnsta sem á vel um þessar mundir þegar ögn hefur hlýnað í veðri frá því sem verið hefur um skeið. Aida sol er eina skipið sem kemur til hafnar í apríl, en fjör færist í leikinn þegar líður á maí mánuði. Á tímabilinu frá 10. til 31. maí eru væntanleg til hafna Hafnasamlags Norðurlands alls 13 skemmtiferðaskip. -
Margt jákvætt í íslensku æskulýðsrannsókninni
Áfengisdrykkja meðal ungmenna var almennt minni í fyrra en var árið á undan sem og hlutfall þeirra sem orðið höfðu drukkin um ævina. Hlutfall þeirra sem orðið hafa fyrir ofbeldi er á niðurleið og einnig þeirra sem takið hafa þátt í slagsmálum. Þá er hlutfall þeirra ungmenn sem skoða klám á mikilli niðurleið. -
Vegir koma almennt illa undan vetri
„Almennt kemur vegakerfið illa undan þessum vetri og heilt á litið verr en oft áður,“ segir Stefán Þór Baldursson hjá Vegagerðinni, Norðursvæði. -
Golf og góðar hugmyndir hjá Drift EA og Golfklúbbi Akureyrar
Drift EA og Golfklúbbur Akureyrar hafa hafið samstarf sem byggir á þeirri einföldu hugmynd að bestu samtölin og hugmyndirnar verða oft til utan fundarherbergisins. Með samstarfinu verður fyrirtækjum og teymum sem sækja Drift EA heim boðið að upplifa norðlenska golfmenningu sem hluta af heildstæðri upplifun þar sem vinna, tengslamyndun og afþreying fara saman.
