Sparisjóðirnir og Símenntun Háskólans á Akureyri (SMAHA) sameinast um fræðslu fyrir eldri borgara í upplýsingaöryggi
Frá vinstri Stefán Guðnason, forstöðumaður SMHA og Óli Birgir Birgisson verkefnastjóra hjá Sambandi íslenskra sparisjóða
Sparisjóðirnir og Símenntun Háskólans á Akureyri hafa tekið höndum saman um samfélagsverkefni sem miðar að því að fræða eldri borgara um upplýsingaöryggi. Markmiðið er að fræða um helstu hættur sem fylgja netinu og notkun snjalltækja á einfaldan og aðgengilegan hátt.
Fræðslan fer fram á heimasvæði hvers sparisjóðs og verður boðið upp á kaffi og veitingar. Þetta er frábært tækifæri fyrir þátttakendur til að læra, spyrja og hitta aðra í sömu sporum.
Af hverju er þetta mikilvægt?
Undanfarin ár hafa netsvik og blekkingar á netinu aukist verulega og eru eldri borgarar oft í áhættu. Svindlarar nýta sér traust og reynsluleysi í stafrænum samskiptum til að komast yfir persónuupplýsingar eða fjármuni. Með einfaldri og aðgengilegri fræðslu getum við hjálpað eldri borgurum að þekkja varúðarmerkin, forðast hættur og nota tæknina á öruggan hátt.
„Við viljum leggja okkar að mörkum í að styrkja og efla sjálfstæði og öryggi eldri borgara í stafrænum heimi. Ég hlakka mjög mikið til að hitta fólkið og ræða við það um þessi mál,“ segir Óli Birgir Birgisson verkefnastjóri hjá Sambandi íslenskra sparisjóða (SÍSP) og umsjónaraðili fræðslunnar.
"Við erum afar ánægð með þetta samstarf við Sparisjóðina. Þetta viðfangsefni er okkur mjög hugleikið og höfum við einmitt verið að leiða erlent samstarfsverkefni um upplýsingaöryggi og notkun eldri borgara á netinu og snjalltækjum. Þessi fræðsla smellpassar við þá vegferð sem við erum í tengt þessum málum,“ segir segir Stefán Guðnason, forstöðumaður SMHA.
Á meðfylgjandi mynd má sjá Stefán Guðnason, forstöðumann SMHA og Óla Birgi Birgisson verkefnastjóra hjá Sambandi íslenskra sparisjóða (SÍSP).
Hver fræðsluviðburður verður auglýstur sérstaklega auk þess sem það verða birtar nánari upplýsingar á heimasíðum og samfélagsmiðlum Sparisjóðanna og Símenntunar HA.
Sparisjóðirnir eru þrír talsins: Sparisjóður Austurlands, Sparisjóður Þingeyinga og Smári Sparisjóður (áður Sparisjóður Höfðhverfinga og Strandamanna).
Nýjast
-
Sparisjóðirnir og Símenntun Háskólans á Akureyri (SMAHA) sameinast um fræðslu fyrir eldri borgara í upplýsingaöryggi
Sparisjóðirnir og Símenntun Háskólans á Akureyri hafa tekið höndum saman um samfélagsverkefni sem miðar að því að fræða eldri borgara um upplýsingaöryggi. Markmiðið er að fræða um helstu hættur sem fylgja netinu og notkun snjalltækja á einfaldan og aðgengilegan hátt. -
Talsvert svifryk í bænum
Unnið er að rykbindingu en þó er hætt við að viðkvæmir einstaklingar geti fundið fyrir einkennum vegna mengunar. -
Eyjafjörður má ekki verða að næsta tilraunasvæði sjókvíaeldis
Undanfarin misseri hafa áform um sjókvíaeldi í Eyjafirði verið rædd af auknum þunga. Oft er bent á mögulega atvinnusköpun, en mun minna rætt um þá áhættu sem fylgir – sérstaklega fyrir náttúruna, villta fiskistofna og samfélagið sem lifir með firðinum. -
Þekkir þú rauðu ljósin?
Barnaheill - Save the Children á Íslandi býður upp á opið fræðsluerindi um kynferðisofbeldi gegn börnum fimmtudaginn 29. janúar kl. 14:00 - 15:30. Fundurinn verður rafrænn og aðgangur er ókeypis. -
Kaldbakur og KEA stofna nýjan framtakssjóð
Kaldbakur ehf. og KEA svf. hafa gert samkomulag sín á milli um stofnun nýs framtakssjóðs, Landvættir slhf., sem starfræktur verður hjá AxUM Verðbréfum hf. Sjóðurinn mun fjárfesta í innlendum nýsköpunar- og vaxtarfyrirtækjum en er þó með sérstaka áherslu á fyrirtæki sem hafa með höndum starfsemi á landsbyggðinni. Í upphafi munu Kaldbakur og KEA eiga jafnan hlut í sjóðnum. -
Veganestið – Guðmundur Gunnarsson
Veganestið er greinaflokkur í boði Góðvina HA þar sem rætt er við brautskráða HA-inga -
Lokaorðið - Miðbærinn á Akureyri
„Sæll vinur minn, ertu ekki að vinna í miðbænum?“ sagði gamall félagi sem ég hafði ekki séð lengi. „Jú,“ svaraði ég stoltur. „Er eitthvað líf í miðbænum?“ „Já, heldur betur“ og bætti svo við „en það mætti vera meira.“ -
Húsavík Framkvæmdir við frístund og félagsmiðstöð á áætlun
Norðurþing vinnur nú að uppbyggingu húsnæðis undir frístund og félagsmiðstöð á Húsavík. Um er að ræða stærstu einstöku framkvæmd sveitarfélagsins í tugi ára en heildarkostnaður er áætlaður um 750-800 millj.kr. Húsið er reist sem viðbygging við Borgarhólsskóla, alls um 900 fm á tveimur hæðum. Trésmiðjan Rein ehf. er aðalverktaki og hefur með sér nokkra undirverktaka sem flestir eru heimamenn. Belkod ehf. hefur eftirlit með verkinu en hönnuðir eru Basalt arkitektar. -
Ekki verði vinnsluskylda á byggðakvóta í Grímsey
Bæjarráð Akureyrar hefur óskað eftir því að vinnsluskylda á byggðakvóta verði felld niður í sérreglum Akureyrarbæjar um úthlutun byggðakvóta í Grímsey.