Siggi Valli ráðinn framkvæmdastjóri Völsungs
Á myndinni má sjá Sigga Valla og Berg Jónmundsson formann Völsungs við undirskriftina fyrr í dag. Mynd/Völsungur
Sigurður Valdimar Olgeirsson eða Siggi Valli eins og hann er betur þekktur tekur við sem framkvæmdastjóri Völsungs. Þetta kemur fram í tilkynningu frá Völsungi en þar segir að Siggi Valli ætti að vera flestum Völsungum kunnugur enda uppalinn Völsungur og hafi tekið dyggan þátt í starfi félagsins undanfarin ár.
Siggi hefur þegar hafið störf og kveðst vera spenntur fyrir framhaldinu enda nóg af sóknartækifærum hjá Völsungi að eigin sögn.
,,Að sama skapi kveðjum við Jónas Halldór Friðriksson sem hefur sinnt starfinu síðan haustið 2018. Jónas hafði áður verið framkvæmdastjóri Völsungs frá árunum 2014-2016. Til að mynda átti Jónas stóran þátt í að koma af stað samþættingaverkefni Völsungs, Norðurþings, Borgarhólsskóla og Grænuvalla sem hófst árið 2022. Verkefni sem að við sem samfélag erum afar ánægð með. Við þökkum Jónasi kærlega fyrir hans störf fyrir félagið og óskum honum alls hið besta í komandi framtíð," segir jafnframt í tilkynningunni.
Nýjast
-
Siggi Valli ráðinn framkvæmdastjóri Völsungs
Sigurður Valdimar Olgeirsson eða Siggi Valli eins og hann er betur þekktur tekur við sem framkvæmdastjóri Völsungs -
BSO bílstjórar ganga til liðs við Hreyfil
Bílstjórar BSO munu um næstu mánaðamót ganga til liðs við Hreyfil. Leit stendur yfir að nýrri bækistöð fyrir starfsemina, en gamla BSO stöðin þarf að víkja fyrir nýbyggingum. -
Sterk staða sveitarfélagsins Norðurþings.
Sveitarstjórn Norðurþings tók ársreikning 2025 til fyrri umræðu á fundi sínum þann 19. mars sl. Þrátt fyrir miklar áskoranir í rekstri er rekstrarniðurstaða A-hluta jákvæð um tæpar 9 milljónir króna. Í samstæðunni, A- og B-hluta saman, er tap upp á 16 milljónir króna. Er það að stærstum hluta tilkomið vegna taps Hafnasjóðs sem varð fyrir miklu tekjufalli vegna rekstrarstöðvunar PCC. Á móti skilaði Orkuveita Húsavíkur góðri afkomu og jafnaði nokkuð stöðuna á móti tapi Hafnasjóðs. -
Flutningar á dag- og göngudeildarþjónustu geðdeildar
Nú standa yfir flutningar á hluta af dag- og göngudeildarþjónustu geðdeildar Sjúkrahússins á Akureyri í nýtt húsnæði að Hafnarstræti 97, 6. hæð. Gengið inn á sama stað og á heilsugæslunni áður, hvort heldur sem er úr göngugötu eða að ofan frá Gilsbakkavegi. -
Skipstjórinn á Vilhelm Þorsteinssyni EA 11 bjartsýnn í byrjun kolmunnavertíðar
Uppsjávarskip Samherja, Vilhelm Þorsteinsson EA 11 er á leiðinni á kolmunnaveiðar syðst í færeysku lögsögunni, gráa svæðinu svonefnda. Skipið lét úr höfn á Akureyri um hádegisbil í gær og eru fleiri íslensk uppsjávarskip að hefja veiðar á svæðinu. -
Kattakverfið - myndlistarsýning
Myndlistarmennirnir Arna G Valsdóttir og Aðalsteinn Þórsson sýna í Deiglunni, Listagilinu á Akureyri. 11. - 19. apríl næstkomandi. -
Góð gjöf til endurhæfingarsundlaugarinnar á Kristnesi
Rebekkustúka nr. 16 Laufey – Oddfellow færði nýverið sjúkraþjálfun á endurhæfingardeild Sjúkrahússins á Akureyri veglega gjöf þegar stúkan gaf flotbúnað til notkunar í sundlauginni á Kristnesi. -
Völsungar skipta um þjálfara
Patrick De Wilde, þjálfari karlaliðs Völsungs hefur látið af störfum -
Hjól atvinnulífsins eru farin að snúast eftir gott frí.
Hafist var handa í morgun við að landa úr Snæfelli EA 310, frystitogara Samherja, en skipið kom til hafnar á Akureyri í gærkvöldi.
