Að loknum kosningum - takk fyrir okkur!
Sindri S. Kristjánsson, bæjarfulltrúi og oddviti Samfylkingarinnar á Akureyri
Síðastliðinn laugardag greiddu 1.709 Akureyringar Samfylkingunni atkvæði sitt í kosningum til bæjarstjórnar næstu fjögur árin. Flokkurinn bætti við sig bæjarfulltrúa, fór úr einum slíkum í tvo milli kosninga og bætti við sig u.þ.b. 5% í fylgi. Við erum eini flokkurinn sem fyrir var á fleti í bæjarstjórn Akureyrar sem náði slíkum árangri.
Til ykkar allra sem greiddu Samfylkingunni á Akureyri atkvæði sitt vil ég segja: Hjartans þakkir frá okkur öllum sem buðu fram fyrir Samfylkinguna að þessu sinni. Takk fyrir stuðninginn, því hann er langt því frá sjálfsagður, og takk fyrir öll þau hlýju orð í okkar garð, bæði fyrir kosningar og núna í vikunni sem er að líða.
Við Hanna Dóra tökum því hlutverki sem þið fóluð okkur síðustu helgi alvarlega. Hlutverkinu að halda á lofti áherslum innan bæjarstjórnar um að bærinn okkar byggist upp, vaxi og dafni með áherslu á jöfn tækifæri fyrir öll og að enginn sé skilinn eftir í samfélaginu okkar. Að við séum sterkari saman. Áfram munum við berjast fyrir barnafjölskyldur í bænum, að veita kennurum svigrúm til að gera það sem þeir gera best - að kenna, að húsnæðisuppbygging í bænum sé fyrir alla bæjarbúa, að eldri Akureyringar geti gengið að áhyggjulausu og skemmtilegu ævikvöldi sem vísu og að við horfum til framtíðar með stefnu og plan.
Það fór hins vegar svo að þrír flokkar ákváðu afar fljótt að bindast, að því er virðist, algerlega órjúfanlegum böndum um að mynda saman meirihluta í bæjarstjórn. Tveir þessara flokka töpuðu með einum eða öðrum hætti frá síðustu kosningum. Annar tapaði fylgi, hinn tapaði einum sveitarstjórnarfulltrúa. Þriðji flokkurinn, sem vann stórsigur víða um landinu, náði ekki norður fyrir 20% markið.
En kjósendur hafa aldrei rangt fyrir sér. Þeir hafa valið og nýr meirihluti var sannarlega valinn af meirihluta þeirra sem mættu á kjörstað. Nýjum meirihluta óska ég velfarnaðar í störfum sínum, Akureyringum til heilla. Flest þeirra sem hann skipa þekki ég og af góðu einu, og þau sem ég þekki minna hlakka ég að kynnast í samstarfinu í bæjarstjórn næstu fjögur árin.
Að lokum. Sumarið nálgast óðfluga og bráðum skartar bærinn okkar sínu allra fegursta. Við búum í einu allra besta samfélagi landsins og þó jafnvel víða væri leitað. Gleymum því þó ekki að gæta hvort að öðru.
Góðar stundir.
Sindri S. Kristjánsson
Bæjarfulltrúi og oddviti Samfylkingarinnar á Akureyri
Nýjast
-
Að loknum kosningum - takk fyrir okkur!
Síðastliðinn laugardag greiddu 1.709 Akureyringar Samfylkingunni atkvæði sitt í kosningum til bæjarstjórnar næstu fjögur árin. Flokkurinn bætti við sig bæjarfulltrúa, fór úr einum slíkum í tvo milli kosninga og bætti við sig u.þ.b. 5% í fylgi. Við erum eini flokkurinn sem fyrir var á fleti í bæjarstjórn Akureyrar sem náði slíkum árangri. -
Kæra verðandi bæjarstjórn,
Takk fyrir síðast. Þegar þið komuð í heimsókn til okkar í Aðalstræti 14 í apríl fyrir kosningar áttum við mjög gott samtal um það hvernig bærinn gæti stutt betur við þolendur ofbeldis og þau samtök sem vinna með þeim. Eftir það samtal hefur þó eitt setið eftir hjá okkur sem við hefðum viljað ræða betur. -
HSN veitir starfsfólki viðurkenningar fyrir framúrskarandi starf
Á ársfundi Heilbrigðisstofnunar Norðurlands (HSN) þann 20. maí veitti stofnunin í fyrsta sinn viðurkenningar til starfsfólks sem hefur skarað fram úr í starfi og lagt sitt af mörkum til að gera HSN að enn betri vinnustað og enn öflugri þjónustuveitanda. Viðurkenningin ber heitið „Fyrirmyndin okkar". -
Sigmar Bjarni ráðinn til Drift EA
Sigmar Bjarni Sigurðarson hefur verið ráðinn til starfa hjá Drift EA og mun leiða Ignite Nordic á Íslandi, nýtt samstarfsverkefni undir hatti Driftar EA. Verkefnið hefur það að markmiði að tengja frumkvöðla við fyrirtæki og opinbera aðila til að þróa nýjar lausnir og skapa ný tækifæri til nýsköpunar, samstarfs og verðmætasköpunar um land allt. 60 umsóknir bárust um starfið. -
G listi Grósku og H listi Hörgársveitar mynda meirihluta í sveitarstjórn Hörgársveit
G listi Grósku og H listi Hörgársveitar hafa myndað meirihluta í sveitarstjórn Hörgársveitar fyrir kjörtímabilið 2026-2030. Þessi listar fengu samtals 65,5% atkvæða í nýliðnum kosningum. -
Guðjón Hauksson skipaður forstjóri Sjúkrahússins á Akureyri
Alma D. Möller heilbrigðisráðherra hefur skipað Guðjón Hauksson í embætti forstjóra Sjúkrahússins á Akureyri frá 1. júní næstkomandi til fimm ára. Embættið var auglýst laust til umsóknar 27. febrúar síðastliðinn. Guðjón er forstjóri Heilbrigðisstofnunar Austurlands og hefur gegnt því embætti frá árinu 2017 en áður var hann deildarstjóri sjúkradeildar við sömu stofnun í fjögur ár. Hann hefur m.a. starfað sem sérfræðingur hjá Lyfjagreiðslunefnd, sérfræðingur í heilbrigðisráðuneytinu og sem verkefnastjóri og hjúkrunarfræðingur á Landspítala. Eins og fram kemur í áliti hæfnisnefndar hefur Guðjón öðlast mjög breiða þekkingu á heilbrigðiskerfinu í störfum sínum. Sem forstjóri HSA í nærri áratug hefur hann einnig mikla þekkingu og reynslu af áætlanagerð og fjármálum hins opinbera og á sviði mannauðsmála og stjórnsýslu. Ákvörðun ráðherra er í samræmi við álit ráðgefandi hæfnisnefndar sem mat Guðjón hæfastan umsækjenda til að gegna embættinu. -
Skipulagsráð býður Heilsuvernd lóð við Borgarmóa
Meirihluti skipulagsráðs hefur lagt til að Heilsuvernd fái vilyrði fyrir lóð við Borgarmóa án auglýsingar en Heilsuvernd hefur í hyggju að byggja upp heilbrigðisþjónustu fyrir eldri borgara, þar á meðal fyrir tímabundnar dvalir, endurhæfingu og leiguíbúðir. Heilsuvernd óskaði eftir að byggja á lóð númer 23 við Þingvallastræti en fékk ekki. -
Sjónarsviptir úr bæjarlífinu ef Mömmur og möffins falla niður
„Við vonum innilega að það finnist einhver til að stjórna viðburðinum,“ segir Bryndís Hauksdóttir sem ásamt Sigríði Pedersen hefur haldið um stjórnartauma viðburðarins Mömmur og möffins sem haldin hefur verið um verslunarmannahelgi frá árinu 2010. Þær hafa verið með viðburðinn á sinni könnu síðastliðinn tvö ár en starfað við hann sem sjálfboðaliðar þar á undan, en hvorug hefur tök á að vera með nú vegna persónulegra aðstæðna. -
Eyjafjarðarsveit auglysir stöðu sveitarstjóra
Sveitarstjórn Eyjafjarðarsveitar auglysir i dag stöðu sveitarstjóra lausa til umsóknar en Finnur Yngi Kristinsson sem gegnt hefur þeirri stöðu s.l. átta ár lætur senn af störfum.
