Skipulagsráð býður Heilsuvernd lóð við Borgarmóa
Ástand húsnæðis á Hlíð er bágborið og þykir Heilsuvernd sem rekur dvalarheimilið brýnt að fá lóð til að byggja upp heilbrigðisþjónustu fyrir eldri borgara, þar á meðal fyrir tímabundnar dvalir, endurhæfingu og leiguíbúðir. Skipulagsráð hefur boðið upp á lóð við Borgarmóa í Móahverfi.
Meirihluti skipulagsráðs hefur lagt til að Heilsuvernd fái vilyrði fyrir lóð við Borgarmóa án auglýsingar en Heilsuvernd hefur í hyggju að byggja upp heilbrigðisþjónustu fyrir eldri borgara, þar á meðal fyrir tímabundnar dvalir, endurhæfingu og leiguíbúðir. Heilsuvernd óskaði eftir að byggja á lóð númer 23 við Þingvallastræti en fékk ekki.
Endanleg úthlutun getur þó ekki farið fram fyrr en skipulagsbreytingum hefur verið lokið og skrifað hefur verið undir samkomulag um starfsemina. Skipulagsráð leggur jafnframt áherslu á að þrátt fyrir að fyrirhuguð uppbygging verði að meginstefnu ætluð þjónustu og íbúðum fyrir eldri borgara, verði áfram gert ráð fyrir almennri verslunar- og þjónustustarfsemi í hluta jarðhæðar húsnæðisins.
Á fundi skipulagsnefndar bókaði Jón Hjaltason óflokksbundinn að hann vildi ekki vera þröskuldur í vegna þeirra framkvæmda sem um ræðir. „Vil þó eindregið mælast til þess að kannað verði hvort setja megi umrædda þjónustu niður vestan Kjarnagötu svo verði hluti lífsgæðakjarna sem þar er fyrirhugaður.“
Sóley Björk Stefánsdóttir V-lista kvaðst í bókun sátt við að Heilsuvernd fái vilyrði fyrir lóð undir heilbrigðisþjónustu við eldri borgara og gerir ekki athugasemdir við staðsetninguna, „og fagna því að ákvörðun um að slík úthlutun sé tekin eins hratt og raun ber vitni. Ég tel þó óeðlilegt að tekin sé afstaða til úthlutunar lóða til reksturs leiguíbúða á hagnaðargrundvelli án þess að meiri umræða fari fram um það og greiði því ekki atkvæði með ákvörðuninni.“
Heilsuvernd hefur hug á frekari uppbyggingu
Teitur Guðmundsson framkvæmdastjóri Heilsuverndar óskar í bréfi til skipulagsráðs eftir því að fá upplýsingar um þær lóðir og byggingareiti sem til greina koma á Akureyri fyrir þá starfsemi sem um ræðir svo hægt sé að vinna málin hratt og örugglega áfram. Áætlað byggingarmagn fyrir núverandi starfsemi er til er um 3000m2 en rétt að geta átt möguleika á stækkun upp í allt að 5000m2.
„Félagið hefur þessu til viðbótar hug á uppbyggingu þjónustuíbúða og lífsgæðakjarna fyrir eldri borgara til viðbótar við þá starfsemi sem við þegar sinnum. Félagið er reiðubúið að skoða frekari uppbyggingu á þeim grunni ef rými eða lóðarmöguleikar leyfa eða tengjast enda samræmist það vel stefnu félagsins og áformum um Heilsuvernd Heima,“ segir Teitur í erindi sínu.
Nýjast
-
Skipulagsráð býður Heilsuvernd lóð við Borgarmóa
Meirihluti skipulagsráðs hefur lagt til að Heilsuvernd fái vilyrði fyrir lóð við Borgarmóa án auglýsingar en Heilsuvernd hefur í hyggju að byggja upp heilbrigðisþjónustu fyrir eldri borgara, þar á meðal fyrir tímabundnar dvalir, endurhæfingu og leiguíbúðir. Heilsuvernd óskaði eftir að byggja á lóð númer 23 við Þingvallastræti en fékk ekki. -
Sjónarsviptir úr bæjarlífinu ef Mömmur og möffins falla niður
„Við vonum innilega að það finnist einhver til að stjórna viðburðinum,“ segir Bryndís Hauksdóttir sem ásamt Sigríði Pedersen hefur haldið um stjórnartauma viðburðarins Mömmur og möffins sem haldin hefur verið um verslunarmannahelgi frá árinu 2010. Þær hafa verið með viðburðinn á sinni könnu síðastliðinn tvö ár en starfað við hann sem sjálfboðaliðar þar á undan, en hvorug hefur tök á að vera með nú vegna persónulegra aðstæðna. -
Eyjafjarðarsveit auglysir stöðu sveitarstjóra
Sveitarstjórn Eyjafjarðarsveitar auglysir i dag stöðu sveitarstjóra lausa til umsóknar en Finnur Yngi Kristinsson sem gegnt hefur þeirri stöðu s.l. átta ár lætur senn af störfum. -
Nýr málefnasamningur Sjálfstæðisflokks, L-lista & Framsóknar 2026–2030 kynntur
Nýr bæjarstjórnarmeirihluti á Akureyri lagði fram sinn málefnasamning á blaðamannafundi í nýju flugstöðinni á Akureyrarflugvelli í dag. -
17 teymi hefja þátttöku í Slipptöku DriftarEA
Sautján nýsköpunarteymi hafa hafið þátttöku í Slipptökunni hjá Drift EA. Að sögn Sesselju Ingibjörgu Barðdal, framkvæmdastýru Driftar EA er Slipptakan öflugt verkfæri fyrir frumkvöðla sem vilja taka hugmyndir sínar á næsta stig. Frá þessu segir í tilkynningu. -
Jaxlar stefna til Færeyja
Nú í morgun hélt tæplega 40 manna hópur fyrrum sjómanna áleiðis austur á Seyðisfjörð og stefnan er tekin á Færeyjar með Norrænu í kvöld. -
Guðlaugur Aðalsteinsson fyrstur í mark í fyrsta Eyjafjarðarspretthring ársins
Í gær fór fram fyrsta hjólamót ársins á Akureyri þegar Pedal.is stóð fyrir hinum skemmtilega Eyjafjarðarspretthring. Keppendur hjóluðu saman austur yfir Leiruveg áður en sjálf keppnin hófst á fljúgandi starti eftir beygjuna fram fjörðinn -
Framsýn varar við brostnum forsendum kjarasamninga: „Stjórnvöld hafa brugðist“
Aðalfundur Framsýnar stéttarfélags fór fram í kvöld, miklar og heitar umræður urðu um kjaramál og yfirlýsingar Seðlabankastjóra fyrr í dag eftir stýrivaxtahækkun bankans. Að mati fundargesta virðist sem það sé mat bankans að verðbólgan og hátt vaxtastig í þjóðfélaginu sé verkalýðshreyfingunni einni að kenna. Ákveðið var að álykta um málið og senda út skýr skilaboð frá fundinum um stöðuna í efnahagsmálum. Að mati fundarmanna eru núverandi kjarasamningar í fullkomnu uppnámi vegna aðgerðarleysis stjórnvalda. Ekki þarf að taka fram að ályktunin var samþykkt samhljóða með lófaklappi. -
Nýr málefnasamningur L-listans Framsóknar og Sjálfstæðisflokks kynntur á morgun fimmtudag
L-listinn, Framsókn og Sjálfstæðisflokkurinn kynna á morgun nýjan málefnasamning flokkanna fyrir komandi kjörtímabil. Kynningin fer fram í nýju flugstöðinni á Akureyrarflugvelli og hefst klukkan 13:00.
