17 teymi hefja þátttöku í Slipptöku DriftarEA
Drift EA teymið Myndir aðsendar
Sautján nýsköpunarteymi hafa hafið þátttöku í Slipptökunni hjá Drift EA. Að sögn Sesselju Ingibjörgu Barðdal, framkvæmdastýru Driftar EA er Slipptakan öflugt verkfæri fyrir frumkvöðla sem vilja taka hugmyndir sínar á næsta stig.Frá þessu segir í tilkynningu.
„Slipptakan snýst fyrst og fremst um að hjálpa góðum hugmyndum að komast hraðar áfram. Þarna fá þátttakendur tækifæri til að þróa viðskiptahugmyndir sínar áfram og undirbúa næstu skref fyrirtækjanna. Það skiptir nefnilega gríðarlega miklu máli að frumkvöðlar fái tækifæri til að prófa hugmyndir sínar, fá hreinskilna endurgjöf og byggja upp tengslanet á fyrstu stigum verkefnisins,“ segir Sesselja I. Barðdal Reynisdóttir, framkvæmdastýra Driftar EA.
Þetta er í þriðja sinn sem Drift EA heldur Slipptöku, en sú fyrsta fór fram árið 2024.
„Það er greinilegt að frumkvöðlaumhverfið á Norðurlandi er í mikilli sókn. Áhugi á verkefninu hefur vaxið jafnt og þétt og með hópnum í ár hafa um 40 teymi á Norðurlandi tekið þátt í Slipptökuferlinu hjá Drift EA”, segir Sesselja.
Sesselja I. Barðdal Reynisdóttir, framkvæmdastýra Driftar EA
Fjölbreytt verkefni úr ólíkum geirum
Verkefnin sem taka þátt í Slipptökunni í ár endurspegla fjölbreytni og metnað í norðlensku frumkvöðlasamfélagi að sögn Sesselju. Þar má meðal annars finna verkefni á sviði sjálfbærrar uppbyggingar, heilbrigðis- og velferðarlausna, matvæla og drykkjarvöru, skapandi greina, hugbúnaðar, ferðaþjónustu og grænnar tækni.
„Það sem gerir Slipptökuna svo skemmtilega er hversu ólík verkefnin eru. Þar mætast fólk úr alls konar geirum með mismunandi bakgrunn en sameiginlegan drifkraft til að skapa eitthvað nýtt og búa til nýjar lausnir,” segir Sesselja.
Að lokinni Slipptökunni tekur við valferli þar sem stjórn Driftar EA metur hvaða teymi komast áfram í Hlunninn (e. incubator), áframhaldandi stuðningsumhverfi Driftar EA. Þar fá teymi aðgang að vinnuaðstöðu, handleiðslu og sérfræðiráðgjöf í allt að eitt ár ásamt möguleika á fjárfestingu.
„Slipptakan er mikilvægur stökkpallur fyrir frumkvöðla sem vilja þróa hugmyndir sínar áfram. Þó öll verkefni fari kannski ekki áfram í Hlunninn sjáum við aftur og aftur hversu mikið teymi ná að styrkja verkefnin sín í gegnum ferlið, byggja upp tengslanet og undirbúa næstu skref í sinni vegferð,“ segir Sesselja.
Þátttakendur í Slipptökunni á síðasta ári
Nýjast
-
17 teymi hefja þátttöku í Slipptöku DriftarEA
Sautján nýsköpunarteymi hafa hafið þátttöku í Slipptökunni hjá Drift EA. Að sögn Sesselju Ingibjörgu Barðdal, framkvæmdastýru Driftar EA er Slipptakan öflugt verkfæri fyrir frumkvöðla sem vilja taka hugmyndir sínar á næsta stig. Frá þessu segir í tilkynningu. -
Jaxlar stefna til Færeyja
Nú í morgun hélt tæplega 40 manna hópur fyrrum sjómanna áleiðis austur á Seyðisfjörð og stefnan er tekin á Færeyjar með Norrænu í kvöld. -
Guðlaugur Aðalsteinsson fyrstur í mark í fyrsta Eyjafjarðarspretthring ársins
Í gær fór fram fyrsta hjólamót ársins á Akureyri þegar Pedal.is stóð fyrir hinum skemmtilega Eyjafjarðarspretthring. Keppendur hjóluðu saman austur yfir Leiruveg áður en sjálf keppnin hófst á fljúgandi starti eftir beygjuna fram fjörðinn -
Framsýn varar við brostnum forsendum kjarasamninga: „Stjórnvöld hafa brugðist“
Aðalfundur Framsýnar stéttarfélags fór fram í kvöld, miklar og heitar umræður urðu um kjaramál og yfirlýsingar Seðlabankastjóra fyrr í dag eftir stýrivaxtahækkun bankans. Að mati fundargesta virðist sem það sé mat bankans að verðbólgan og hátt vaxtastig í þjóðfélaginu sé verkalýðshreyfingunni einni að kenna. Ákveðið var að álykta um málið og senda út skýr skilaboð frá fundinum um stöðuna í efnahagsmálum. Að mati fundarmanna eru núverandi kjarasamningar í fullkomnu uppnámi vegna aðgerðarleysis stjórnvalda. Ekki þarf að taka fram að ályktunin var samþykkt samhljóða með lófaklappi. -
Nýr málefnasamningur L-listans Framsóknar og Sjálfstæðisflokks kynntur á morgun fimmtudag
L-listinn, Framsókn og Sjálfstæðisflokkurinn kynna á morgun nýjan málefnasamning flokkanna fyrir komandi kjörtímabil. Kynningin fer fram í nýju flugstöðinni á Akureyrarflugvelli og hefst klukkan 13:00. -
Bæjarstjóraskipti á Akureyri
Berglind Ósk Guðmundsdóttir, oddviti Sjálfstæðislfokksins verður næsti bæjarstjóri á Akureyri. Ásthildur Sturludóttir fráfarandi bæjarstjóri á Akureyri segir frá á samfélagsmiðlum að hún láti af störfum um komandi mánaðarmót. -
Meirihlutasamningur í höfn á Akureyri
Samkvæmt mjög áreiðanlegum heimildum sem Vikublaðið treystir hefur tekist samkomulag um myndum nýs meirirhluta L, D og B lista í bæjarstjórn Akureyrar -
Systkinasveitin Blood Harmony með útgáfutónleika í Menningarhúsinu Bergi
Systkinasveitin Blood Harmony fagnar sinni fyrstu plötuútgáfu með tónleikum í Menningarhúsinu Bergi, fimmtudagskvöldið 21. maí kl 20:00. Það var í miðjum heimsfaraldri sem þau Örn Eldjárn, Ösp Eldjárn og Björk Eldjárn Kristjánsbörn gáfu sér loks tíma til að koma saman í þeim tilgangi að búa til tónlist en Örn og Ösp hafa í gegnum tíðina unnið heilmikið saman, til að mynda í hljómsveitinni Brother Grass. -
Götuhornið - Erum við að svelta afrekskrakkana okkar?
Ég hef oft velt því fyrir mér hvort þetta „bómullaruppeldi“ þar sem allir eiga að vera jafnir, enginn má skara fram úr og það má varla hrósa neinum sérstaklega fyrir frábæra frammistöðu, sé farið að hafa neikvæð áhrif á afrekskrakkana okkar.
