Segir fordóma ríkjandi gagnvart iðnnámi
Sigríður Huld Jónsdóttir skólameistari VMA flytur ræðu sína í Hofi. Mynd/VMA
Verkmenntaskólanum á Akureyri var slitið við hátíðlega athöfn í Menningarhúsinu Hofi um liðna helgi þar sem 137 nemendur brautskráðust en heildarfjöldi skírteina var 167. Sigríður Huld Jónsdóttir skólameistari VMA varð tíðrætt í ræðu sinni um iðn- og tækninám þar sem hún sagði fordóma ríkja í garð námsins.
„Það er talað um það á hátíðis- og tyllidögum að efla þurfi iðn- og tækninám en fáir útskýra frekar hvað það er og hvað þurfi til. Iðn- og tækninám kallar á meiri tækjabúnað en hefðbundið bóknám. Framhaldsskólar landsins hafa þurft að spara í rekstri og tækjakaup engin ár eftir ár,“ sagði Sigríður.
„En eitt er að bjóða upp á iðn- og starfsnám en annað er að fá ungt fólk til að velja nám í þessum greinum. Kemur þar margt til svo sem fordómar gagnvart iðnnámi og ofuráhersla á stúdentspróf. Oftar en ekki eru það fordómar og þekkingarleysi sem ræður þarna för. Hugmyndum um að vera góður á bókina og fara þá í bóknám og svo að vera handlaginn og fara í iðnnám er enn haldið á lofti. Eins og það sé einhver hindrun í því að eiga gott með að læra á bókina ef hugurinn stefnir í iðnnám. Sá sem er handlaginn getur alveg farið í bóknám ef hugurinn stefnir þangað. Raunveruleikinn er reyndar orðinn sá að iðnnám er orðið mikið tækninám sem krefst leikni og færni í greinum eins og stærðfræði og ensku.
Ýmsir fræðingar hafa haldið því fram að í dag sé helmingur þeirra starfa sem grunnskólabörn dagsins í dag fari í í framtíðinni ekki til og megnið af þessum störfum verði til í tæknigreinum. Skólakerfið hvorki hér á Íslandi né erlendis er að undirbúa þessa þróun og eru það viss vonbrigði í okkar hópi hve lítið t.d. iðn- og starfsnám fær að þróa sig í átt að breyttu samfélagi nú þegar unnið er að breytingum á námsskrám í þessum greinum,“ sagði Sigríður Huld.
Rjúfa hefðir varðandi karla-og kvennastörf
Í vetur hefur VMA tekið þátt í verkefninu „Rjúfum hefðirnar - förum nýjar leiðir“. Verkefnið er unnið undir stjórn Jafnréttisstofu og er unnið í samstarfi við Slippinn, Öldrunarheimili Akureyrar, Oddeyrarskóla og leikskólann Lundasel. Sigríður Huld sagði að í verkefninu væri lögð áhersla á að rjúfa hefðir sem tilheyri karla- og kvennastörfum.
„Verkefnið hefur gefið okkur tækifæri til að t.d. kynna námið í háriðn í VMA fyrir strákum á Lundarseli, stelpur í VMA fengu kynningu á störfum í Slippnum og stákar á störfum leikskólakennara. Okkur er öllum hollt að setja upp kynjagleraugun - og við eigum ekkert að vera að taka þau niður þegar við höldum að þau passi ekki,“ sagði Sigríður Huld.
Nýjast
-
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí. -
Sumarið er komið!
Þetta dásamlega veður sem landsmenn njóta er gleðiefni og er þá vægt tekið til orða, á heimasíðu Þingeyjarsveitar er þessari blíðu fagnað. -
Skýr og lausnamiðuð afstaða Framsóknar til veiðigjalda
Framsókn hefur tekið skýra og málefnalega afstöðu í umræðunni um veiðigjöld. Við styðjum heilshugar réttmæta kröfu samfélagsins um að sameiginleg sjávarauðlind þjóðarinnar skili arði sem gagnast samfélaginu öllu. Hins vegar skiptir máli hvernig það er gert. Óvönduð skattheimta getur skaðað atvinnulíf, dregið úr nýsköpun og veikt byggðir sem byggja afkomu sína á sjávarútvegi. -
Farsæld í brennidepli – öll eru velkomin! Sjónaukinn 2025
Í heimi þar sem hraði breytinga og flókin samfélagsmál eru daglegt brauð, skiptir máli að staldra við og beina sjónum að því sem skiptir mestu máli: farsæld fólks. Ráðstefnan Sjónaukinn 2025, sem haldin verður við Háskólann á Akureyri dagana 19. og 20. maí, leitast við að varpa ljósi á fjölbreyttar leiðir til að efla samfélagslega velferð og vellíðan. Undirtónn ráðstefnunnar er skýr: Við höfum öll hlutverki að gegna – og með samvinnu getum við skapað samfélag þar sem enginn er skilinn eftir. -
Vel heppnaður Súpufundur atvinnulífsins haldinn á Múlabergi
Í hádeginu í gær fór fram vel heppnaður Súpufundur atvinnulífsins á Múlabergi, Hótel KEA, þar sem stjórnendur um fimmtíu fyrirtækja og stofnana komu saman til að ræða framtíð atvinnulífsins á svæðinu. -
Ársfundur HSN Jákvæð þróun þrátt fyrir áskoranir í rekstri
Ársfundur Heilbrigðisstofnunar Norðurlands (HSN) fór fram í Hofi á Akureyri þriðjudaginn 13. maí 2025. Þar voru kynntar niðurstöður fyrir rekstrarárið 2024. Þrátt fyrir áskoranir í rekstri varð þó mjög jákvæð þróun í starfsemi, þjónustu og mannauðsmálum sem gefur tilefni til bjartsýni fram veginn. -
Auðlindirnar í þjóðareign.
Margir biðu spenntir eftir því að Alþingi tæki til starfa eftir páskafrí þingmanna og ég var þeirra á meðal. Á dagskrá þingsins voru hugmyndir um að hækka talsvert skatta sem lagðir eru á sjávarútveginn umfram aðra atvinnuvegi. Mér fannst þetta áhugaverð hugmynd og hlakkaði til að hlusta á upplýsandi umræðu um auðlindir og auðlindanýtingu. Ég kom mér því notalega fyrir við sjónvarpsskjáinn áður en Silfrið byrjaði í sjónvarpi Ríkisútvarpsins fyrsta mánudag eftir frí þingmanna. -
Fimm tilboð í göngubrú
Fimm tilboð bárust í byggingu á nýrri steinsteyptri göngubrú í götustæði Borgarbrautar, auk stígagerðar að aðliggjandi stígum, uppsetningu á grjótkörfum, stoðveggjum og uppsetningu á lýsingu.