Samþykkt að auglýsa tillögu að deiliskipulagi austurhluta miðbæjarins
Áætlaður kostnaður við 1. áfanga er um 858 milljónir króna en tekjur af gatnagerðargjöldum á öllum byggingareitum svæðisins eru áætlaðar rúmar 896 milljónir króna. Ýmsar breytingar hafa verið gerðir á tillögunni frá því hún var kynnt almenningi á Amtsbókasafninu í febrúar á síðasta ári og tillit tekið til fjölda athugasemda. Ekki er gert ráð fyrir því að sinni, að byggja íbúðir við Torfunefnsbryggju austan Glerárgötu. Þá gerir tillagan ráð fyrir því að byggðar verði 117 íbúðir á svæðinu, í stað 155 íbúða og að hæð bygginga verði 2-5 hæðir. Heildarbyggingarmagn innan deilskipulagssvæðisins er nú um 28.000 fermetrar en var áður 38.000 fermetrar. Þar af eru íbúðir um 14.500 fermetrar og um 13.500 fermetrar undir verslun og þjónustu. Jafnframt er gert ráð fyrir bílakjöllurum og bílastæðum. Þá sýna aðilar því enn áhuga að byggja hótel á byggingareit vestan Glerárgötu, á móts við menningarhúsið Hof.
Umfangsmiklar breytingar verða gerðar á Glerárgötunni samkvæmt tillögunni, hún færð til austurs, akreinum fækkað úr 4 í 2 og götunni breytt í 30 km götu. Vegagerðin hefur samþykkt fyrirhugaðar breytingar á götunni fyrir sitt leyti en um er að ræða stofnbraut.
Í deiliskipulaginu er gert ráð fyrir nýrri tengingu með síki sem brýtur upp miðbæinn og snýr honum í raun austur-vestur um leið og nýtt landslag er mótað. Sjórinn er dreginn inn í miðbæinn með síkinu sem mun liggja frá Bótinni að Skipagötu og síðan heldur tengingin áfram þaðan að gamla Apótekinu með tjörn. Gert er ráð fyrir opnu í húsaröðina norðan við Apótekið til að skapa skýra göngutengingu milli Skátagils, Hafnarstrætis, tjarnar, síkis og sjávar.
Vinna við deiliskipulagið hefur staðið yfir í rúmlega tvö ár og er unnin á grundvelli aðalskipulags 2005-2018 og samkvæmt stefnumörkun verðlaunatillögu Graeme Massie. Frumhugmyndir verksins eiga rætur að rekja til íbúaþingsins Akureyri í öndvegi, sem haldið var árið 2004. Meginmarkmið deiliskipulagstillögunnar er að skapa aðstæður fyrir uppbyggingu sem kemur til móts við og fellur að núverandi byggð. Fjölga íbúðum í miðbænum. Móta aðlaðandi miðbæjarrými sem eykur gæði byggðarinnar. Styrkja Akureyri sem svæðiskjarna og höfuðstað Norðurlands og gera miðbæ Akureyrar enn áhugverðari áfangastað ferðamanna og gesta.
Skipulagssvæðið nær yfir helsta viðskipta- og verslunarkjarna miðbæjarins og afmarkast að sunnan af Kaupvangsstræti og að norðan af Strandgötu, að vestan af Hafnarstræti og að austan af ströndinni og lóð Hofs.
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.