Samfélagið er lykill að íslensku
Ingibjörg Sigurðardóttir, aðjúnkt við félagsvísindadeild Háskólans á Akureyri Mynd aðsend
Dagana 19.–20. september fer fram umfangsmikil ráðstefna í Háskólanum á Akureyri um kennslu íslensku sem annars máls með sérstakri áherslu á nám fullorðinna. Ráðstefnunni er ætlað að bregðast við ákalli samfélagsins, innflytjenda, framhaldsfræðsluaðila og háskóla um samráðsvettvang á þessu sviði.
Samtakamáttur hagur allra
„Tilgangur ráðstefnunnar er að þétta raðir fagfólks og efla samtal þeirra þvert á skólastig, festa stöðu og sjálfstæði fagsins í skólakerfinu og auka vitund um sérstöðu þess. Til lengri tíma litið vonumst við til að niðurstöður ráðstefnunnar muni nýtast við stefnumótun menntastofnana og stjórnvalda í framtíðinni“, segir Ingibjörg Sigurðardóttir, aðjúnkt við félagsvísindadeild Háskólans á Akureyri og ein af skipuleggjendum ráðstefnunnar.
Viðburðurinn er haldinn í samstarfi fjölmargra aðila: Háskólans á Akureyri, Hugvísindasviðs og Menntavísindasviðs Háskóla Íslands, Árnastofnunar, rannsóknarstofu RÍM í máltileinkun, Háskólans á Bifröst, ÍSBRÚ – félags kennara sem kenna íslensku sem annað mál, Dósaverksmiðjunnar, Fræðslumiðstöðvar Vestfjarða og Símey – símenntunarmiðstöðvar Eyjafjarðar.
Aðspurð til hverra ráðstefnunni er ætlað að höfða segir Ingibjörg: „Við viljum ná til sem flestra sem varðar íslenskukennslu víðs vegar um landið, enda er mikilvægt að sem flest taki þátt í samtalinu sem þar mun fara fram. Þar að auki er það okkur skipuleggjendum hjartans mál að vekja athygli á nauðsyn þess að samfélagið allt taki þátt í að opna málsamfélagið betur og nýta hvert tækifæri til þess að tala íslensku af virðingu og þolinmæði við þau sem eru að læra málið.“
Fjölbreytt erindi
Áslaug Ásgeirsdóttir, rektor Háskólans á Akureyri, setur ráðstefnuna og lokaávarpið verður í höndum Loga Más Einarssonar, ráðherra menningar-, nýsköpunar og háskólamála.
Birna Arnbjörnsdóttir, prófessor emerita í annarsmálsfræðum, flytur lykilfyrirlestur sem nefnist Staða íslensku sem annars máls í fjöltyngdu samfélagi.
Á dagskránni eru fjölbreyttar málstofur, vinnustofur og kynningar. Þar á meðal eru málefni er varða kennslu íslensku sem annars máls á íslensku, aðlögun íslensku að Evrópska tungumálarammanum og virkni nemenda.
Ráðstefnan er öllum opin
Ráðstefnan er opin öllum þeim er láta sig málið varða. Frestur til að skrá sig er til mánudagsins 15. september. Ráðstefnugjaldið er 10.000 krónur en 5.000 krónur fyrir þá sem kjósa að vera í streymi. Háskólastúdentar greiða 5.000 krónur fyrir þátttöku á staðnum en fá frían aðgang í streymi. Innifalið í þátttöku á staðnum er hádegisverður báða dagana og kaffiveitingar.
Smelltu hér til að sjá nánari upplýsingar um viðburðinn og skráningu.
Nýjast
-
Samfélagið er lykill að íslensku
Dagana 19.–20. september fer fram umfangsmikil ráðstefna í Háskólanum á Akureyri um kennslu íslensku sem annars máls með sérstakri áherslu á nám fullorðinna. Ráðstefnunni er ætlað að bregðast við ákalli samfélagsins, innflytjenda, framhaldsfræðsluaðila og háskóla um samráðsvettvang á þessu sviði. -
Allt Ísland allt árið
Það eru margir kostir beint millilandaflug til Akureyrar. Fyrir utan þau bættu lífsgæði sem beina flugið veitir íbúum Norður- og Austurlands. Samkeppnihæfni landsbyggðanna styrkist lífsgæði íbúanna batna jú heilmikið. -
Lýðræðið og kirkjan
Lýðræði eru því miður ekki sjálfsögð mannréttindi allra íbúa heimsins en stundum virðumst við hérlendis og víðar taka þeim sem slíkum. Það að vera lýðræðislegt ríki gerist ekki yfir nótt, það þarf að ala samfélög upp til þess. Lýðræði er til dæmis einn grunnþáttur menntastefnunnar í aðalnámskrá skólanna, því það að verða virkur, hæfur og gagnrýninn þáttakandi í jafnréttis- og lýðræðissamfélagi er æfing og þarf að læra. Stundum virðumst við nú sum þurfa meiri þjálfun í að vera ósammála eins og samfélagsmiðlar hafa lýst frekar skæru ljósi á þegar umræða um einstök mál verður mjög “pólariseruð”. Á hverjum tening eru fleiri en tvær hliðar og þó að svartar og hvítar sviðsmyndir fái mesta athygli þá eru allavega 50 tegundir af gráum þar á milli. En þetta sem okkur finnst sjálfsagt, að hafa rödd og frelsi til að vera ósammála er brothætt og miðað við alþjóðasamfélagið þessa dagana óttast kona að það sé auðvelt að gleyma því. -
„Húsavík býr að öflugum mannauði, lifandi samfélagi og einstakri náttúru“
Andri Dan Traustason leiðir uppbyggingu ráðgjafar- og þjónustufyrirtækis á Húsavík -
Þórsarar í Bestu deildina i knattspyrnu
Þórsarar tryggðu sér sigur í Lengjudeildinni í knattspyrnu í dag og þar sem sæti í efstu deild að ári þegar liðið lagið Þrótt Reykajvik í 2-1 í loka umferð Lengjudeildarinnar í leik sem fram fór á Þróttaravelli. -
Börnin skapa framíðina
Barnamenningarhátíðin Framtíðin okkar á Húsavík -
Sterkt skólasamfélag á Akureyri, sameiginleg ábyrgð og framtíðarsýn
Síðustu misseri hefur verið mikil umræða um menntamál á Íslandi sem ég tel vera afar jákvætt og fagna mjög. Við getum öll verið sammála um að það sé nauðsynlegt að ígrunda reglulega hvað gengur vel og hvað má betur fara í menntamálum. Á Akureyri höfum við á undanförnum árum lagt mikla áherslu á að efla menntastofnanir okkar, allt frá fyrstu árum barna í leikskóla og áfram upp grunnskólagönguna. Þetta hefur ekki gerst af sjálfu sér. Þetta er árangur samstarfs foreldra, kennara, skólastjórnenda, starfsfólks og síðast en ekki síst þeirra sem taka ákvarðanir um fjármagn og forgangsröðun. -
Áætluð eyðsla 1,2 milljarður á ferðalagi um Norðurland
Samkvæmt skýrslu sem birst var á vef Ferðamálastofu í gær eyddu ferðamenn sem komu með easyJet til Akureyrar veturinn 2023-2024 eyddu 493 milljón krónum á ferðalögum um Norðurland. Miðað við sömu forsendur og voru notaðar í skýrslunni, má áætla að veturinn 2024-2025 hafi heildareyðslan verið ríflega 1200 milljónir króna. Þetta kemur fram í fréttatilkynningu sem Markaðsstofa Norðurlands sendi út í dag og lesa má hér að neðan. -
Áhöfnin á Húna ll heiðruð
Í tilefni þess að 20 ár eru liðin frá því að Húni II hóf að bjóða skólabörnum í siglingar, færði Heimir Örn Árnason, formaður bæjarráðs, áhöfn Húna köku í tilefni dagsins