Rödd Akureyrar
Gunnar Gíslason
Akureyri þarf að endurheimta stöðu sína sem forystusveitarfélag á landsbyggðinni. Þetta var viðkvæðið hjá mörgum viðmælendum okkar í undirbúningsferli stefnuskrár okkar sjálfstæðismanna. Það skiptir máli hvernig tekið er á málum, þau kynnt og þeim fylgt eftir. Það eru fjölmörg mál sem bíða úrlausnar sem kalla á aðkomu ríkisins eða stofnana á þess vegum. Því þarf rödd okkar að heyrast.
Atvinnumál
Samgöngur skipta fyrirtækin í bænum miklu máli. Framleiðslu-fyrirtækin þurfa að koma vöru á markað víða um land og önnur jafnvel úr landi. Þetta krefst öruggra samgangna. Í vetur sem leið var mikið fannfergi á Norður- og Austurlandi. Þetta þýddi að ófært var austur og suður í nokkra daga. Þá var einnig tekin umdeild ákvörðun um að moka ekki alla daga austur. Þegar svona gerist þarf rödd bæjaryfirvalda á Akureyri að heyrast hátt og krefjast úrbóta. Við megum ekki eiga á hættu að fyrirtæki telji hag sínum betur borgið nær stærsta markaðnum á höfuðborgarsvæðinu.
Samhliða því að sinna viðhaldi á samgöngumannvirkjum þarf einnig að byggja ný til að tryggja öruggar og greiðar samgöngur enn frekar. Það gerist ekki nema þrýst sé á rétta aðila þegar kemur að forgangsröðun verkefna, það er hlutverk bæjaryfirvalda.
Velferðarmál
Þjónusta Heilsugæslunnar á Akureyri hefur dregist saman á síðustu árum. Nú er svo komið að fjöldi íbúa hefur ekki sinn heimilislækni og bið eftir þjónustu því oft löng. Læknum þarf að fjölga. Það verður ekki gert nema með auknum fjárveitingum. Fram hefur komið að mikið vantar á að íbúar á Akureyri fái sambærilegt fjármagn til heilsugæslu og íbúar á höfuðborgarsvæðinu. Þetta kallar á nýjan samning við Velferðarráðuneytið.
Á fundi sem Aflið hélt nýverið kom fram að kvennaathvarf vantar hér á Akureyri ef vel á að vera. Það verður ekki stofnað nema með aðkomu ríkisins, en það greiðir 75% af rekstrarkostnaði kvennaathvarfsins í Reykjavík. Það sama má segja um rekstur geðverndarmiðstöðvar sem þörf er fyrir.
Menntamál
Skortur er á iðn- og tæknimenntuðum starfskrafti. Bæjarfélagið getur stuðlað að og haft milligöngu um að slík menntun sé efld á framhaldsskólastigi og tekin upp á háskólastigi. Þetta er afar brýnt verkefni svo fyritækin sem í hlut eiga geti vaxið og skapað fleiri störf í bænum.
Það er ljóst að ekkert af þessu verður að veruleika nema Akureyri láti í sér heyra sem bæjarfélag. Við þurfum að brýna röddina fyrir OKKAR AKUREYRI.
Gunnar Gíslason.
Gunnar er oddviti Sjálfstæðisflokksins á Akureyri
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.