Reynslunni ríkari
Ertu viss? Hefurðu tíma? Er þetta ekki vanþakklátt?
Á þessum nótum voru spurningarnar sem ég fékk frá fólkinu í kringum mig þegar ég tilkynnti að ég ætlaði að taka að mér annað sætið á L-listanum, bæjarlista Akureyrar, í kosningunum 31. maí.
Já, ég er alveg viss.
Ég fékk snemma áhuga á bæjarmálunum og man eftir mér mjög ungri við matarborðið heima að rökræða málefni líðandi stundar við pabba. En það dugði mér ekki að ræða bara málin við hann, ég vildi hafa áhrif og taka þátt og fór því í framboð fyrir L-listann árið 2002, þá ekki orðin tvítug.
Síðan eru liðin tólf ár og ég er reynslunni ríkari. Undanfarin fjögur ár hef ég verið mjög virk í starfi meirihluta bæjarstjórnar og lært heilmargt. Enn á ég margt ólært og finnst spennandi áskorun að halda áfram og axla meiri ábyrgð.
Fyrir tveimur árum eignaðist ég mitt fyrsta barn. Því fylgdu miklar breytingar og ég upplifði nýjar hliðar á bæjarkerfinu. Ég hef verið ánægð með þá þjónustu sem ég hef notið en eftir því sem ég hef kynnt mér málin betur hef ég komist að raun um að kostnaður barnmargra fjölskyldna vegna skólakerfisins getur verið þungur baggi. Ég vil að bærinn komi betur til móts við þá sem hafa úr litlu að spila og að sett verði þak á kostnað vegna skólamála hjá þeim sem svo er ástatt um.
Já, ég hef tíma.
Það er spennandi að taka þátt í að móta samfélagið sitt. Auðvitað tekur tíma að koma sér inn í mál og fundir geta verið margir og langir. En eins og á kjörtímabilinu sem senn er á enda ætlar L-listinn, bæjarlisti Akureyrar, að dreifa verkum og ábyrgð á milli fólks á nýju kjörtímabili. Við erum 22 á framboðslistanum; öll full af orku og áhuga og með breiða þekkingu á málefnum bæjarins og þörfum bæjarbúa. Mesta ábyrgðin hvílir þó á herðum okkar sem sitjum í efstu sætunum og ég mun ekki skorast undan heldur skipuleggja tímann minn vel.
Það liggur í eðli stjórnmálanna að ekki eru allir alltaf sammála. Það er líka það fallega við lýðræðið að fólki leyfist að vera ósammála. Að sitja í bæjarstjórn eða taka þátt í stjórnmálum að öðru leyti er ekki sérstaklega þakklátt starf og á ekkert endilega að vera það. Við sem höfum gefið okkur að þessu gerum það af hugsjónum. Að baki býr löngun til að sjá draumsýn verða að veruleika og sannfæring um þú getir bætt hagi fólks.
Stundum er sagt að stjórnmál séu samkeppni um hugmyndir. Sjálfri finnst mér sama hvaðan góðar hugmyndir koma og lít á starfið í bæjarstjórn sem samstarf ellefu einstaklinga fremur en að þar sitji fulltrúar ólíkra flokka sem skipast í meiri- og minnihluta. Akureyri er frábær, en lengi má gott bæta og saman gerum við Akureyri að enn betri bæ ef við gerum það af ástríðu.
Silja Dögg Baldursdóttir
Silja Dögg Baldursdóttir markaðsfulltrúi skipar annað sæti framboðslista L-listans, bæjarlista Akureyrar
Nýjast
-
Krummafótur á Grenivík 25 ára
Leikskólinn Krummafótur á Grenivík fagnaði 25 ára afmæli nýverið. Af því tilefni var opið hús í leikskólanum og var gestum og gangandi boðið upp á kaffi og afmælisköku. -
Sjúkrabílabangsar afhentir á Hlíð
Sigurbjörg Ingvadóttir notandi í dagþjálfun á Hlíð afhenti fullan poka af fallegum sjúkrabílaböngsum til sjúkraflutningamanna nú fyrir skemmstu. Sibba, eins og hún er -
B.Jensen vormòt Òðins Jón Ingi Einarsson sló 3 Akureyrarmet í flokki 13-14 ára
B.Jensen vormót Óðins var haldið í blíðskaparveðri í Sundlaug Akureyrar laugardaginn 17. Maí. Keppendur voru 62 frá Óðni auk 1 frá Sundfélaginu Rán á Dalvík. Yngstu keppendurnir voru fæddir 2016 og 2017 en þau fóru flest að taka þátt í fyrsta sinn. Það er skemmst frá því að segja að þau stóðu sig frábærlega vel þrátt fyrir að hafa velflest aldrei stungið sér af startpalli, þar sem enginn slíkur er í Glerársundlaug, þar sem grasrótarstarf Óðins fer fram. -
Ævintýragarðurinn við Oddeyrargötu 17 opnar á morgun
Í tilkynningu sem Hreinn Halldórsson, staðarhaldari, og listasmiður í Odddeyrargötu 17 sendi frá sér kemur fram að Ævintýragarðurinn hans sem er eitt að djánsum bæjarins opnar fyrir almenning 20. mai sem er á morgun þriðjudag. -
Þá er vorið loksins komið
Já vorið er sú árstíð sem ég elska mest. Sennilega er það líka ljótasta árstíðin. Allt skítugt, grasið gulbrúnt, tré og runnar berir. En svo breytist allt á augabragði. Og daginn sem sólgulur fífill brosir við mér, feit hunangsfluga flýgur framhjá, eða kónguló spásserar yfir borðið sem ég sit við, þá hellist þessi barnslega gleði og tilhlökkun vegna sumars sem er í vændum yfir mig. En besta vormerkið er án efa að það birtir. -
Íshokkí í aldarfjórðung 25 ár frá stofnun kvennaliðs SA í íshokkí
„Þetta er ein hraðasta íþrótt í heimi. Ég hef lýst henni á þann veg að leikmaður er í 100 metra hlaupi á fullum hraða, gefi allt í sprettinn, með 10-15 kg aukalega á sér ásamt því að tveir menn hangi á honum. Það þarf að huga að kylfu og hvar pökkurinn er auk þess sem farið er um á örmjóu blaði. Íshokkí reynir mjög mikið á leikmenn, þeir þurfa að vera í góðu formi, sterkir og hafa gott jafnvægi,“ segir Jónína Margrét Guðbjartsdóttir. Hún var ein af þeim konum sem tók þátt í að stofna kvennalið Skautafélags Akureyrar fyrir 25 árum og er enn að, spilar með og þjálfar að auki U16 kvenna hjá félaginu -
Einstök upplifun í Grobbholti
-Sauðfjárbúið á Húsavík sem dregur að sér hundruði gesta á hverju vori -
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin.