Provincetown í USA vill vingast við Norðurþing
Strandbærinn Prowincetown, sem hefði getað heitið Herringtown, fremst á Cape Cod.
Fram hefur komið áhugi frá smábænum Provincetown í Massachusetts í Bandaríkjunum að gerast vinabær Húsavíkur og sveitarfélagsins Norðurþings. Málið var rætt á síðasta fundi tómstunda- og æskulýðsnefndar Norðurþings sem fer með vinabæjarsamskipti sveitarfélagsins, og þar kom fram ánægja með þennan áhuga frá Provincetown. Nefndin fól tómstunda- og æskulýðsfulltrúa, Kjartani Páli Þórarinssyni, að vera í samskiptum við fulltrúa Provincetown og kynna nefndinni framgang málsins síðar.
Kjartan Páll sagði í samtali við Skarp að hann hefði verið í sambandi við starfsmann bandaríska sendiráðsins í Reykjavík, sem raunar hefði haft forgöngu um að leiða þessa bæi saman til viðræðna. Væntanlega hafi Provincetownbúar óskað eftir að komast í samband við bæ af svipuðum toga á Íslandi og vissulega væru mikil líkindi með þessum stöðum. Sambærilegur íbúafjöldi og ýmis einkenni sameiginleg, hvortveggja eru sjávarpláss sem byggja m.a. á sjávarútvegi, hvalaskoðun, túrisma og strandmenningu. Provincetown er á Austurströnd USA á svæði þar sem margir íbúa eiga ættir að rekja til Norðurlandanna.
Þarna hafa frá fornu farið verið gjöful fiskimið og margvísleg veiði verið stunduð. Til marks um það má nefna að árið 1727 var kosið um nafn á bæinn, íbúarnir völdu nafnið Herringtown, sem sé bókstaflega Síldarbær, en yfirvöld höfnuðu því og ákváðu að það yrði Provincetown.
“Við eigum reyndar þegar vinabæ í Bandaríkjunum, Eastport í Maine, en það samband hófst í tengslum við timburflutninga að vestan og fyrirhugaða harðviðarframleiðslu á Húsavík. Eftir að hún lagðist af, hefur þetta vinabæjarsamband verið í skötulíki.” Segir Kjartann.
Hið sama má reyndar segja um samband Húsavíkur við Godhavn í Grænlandi sem hefur verið í mýflugumynd. Álaborg er fyrsti vinabær Húsavíkur og hafa samskiptin þar verið nokkuð öflug frá upphafi til þessa dags. Og raunar í gegnum Álaborg við aðra vinabæi á Norðurlöndum. “Þegar ég var á síðustu Álaborgarleikum í fyrrasumar, þá hittumm við einmitt fulltrúa Fuglafjarðar í Færeyjum, Karlskoga í Svíþjóð, Fredrikstad í Noregi og Riihimaki í Finnlandi.”
Sagði Kjartan Páll, sem var að safna saman helstu upplýsingum um Húsavík og Norðurþing, ásamt myndum, til að senda hinum vinalegu íbúum Provincetown. “Og svo kemur það bara í ljós hvað úr þessu verður.”
Þess má til gamans geta, að í könnum sem gerð var árið 2010, kom fram að hvergi í gjörvöllum Bandaríkjunum er hærra hlutfall samkynhneigðra para en í Provincetown, eða 163,1 af hverjum 1000 pörum. JS
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.