PCC vill byggja íbúðir á Húsavík
Húsavík. Mynd: diamondcircle.is
Byggðaráð Norðurþings samþykkti á fundi á mánudagskvöld umsókn frá PCC um að taka frá fyrir sig landsvæði á Húsavík til byggingar á um það bil 40 íbúðum á meðan fyrirtækið kannar nánar hvort það ætli að ráðast í þessar framkvæmdir. Samkvæmt áreiðanlegum heimildum hefur PCC hug á því að hefja framkvæmdir innan fárra mánaða. Sveitarfélagið setur þó þann varnagla að lóðirnar eru aðeins teknar frá í 6 mánuði, sem er gert svo ekki sé verið að valda ákveðna reiti ef ekkert skyldi gerast í framkvæmdum. Svæðið sem um ræðir heitir samkvæmt deiluskipulagi Holtahverfi; en er í daglegu tali meðal Húsvíkinga kallað Stekkjarholt, og tvær fjölbýlishúsalóðir við Lyngbrekku. Jafnframt er óskað eftir heimild til að vinna tillögu að breytingum á deiliskipulagi umræddra svæða þannig að það falli betur að hugmyndum þróunarfélagsins.
Ef af verður munu þessar framkvæmdir koma sér afar vel fyrir Húsavík, en mikill skortur hefur verið á íbúðarhúsnæði í bænum eins og dagskráin.is hefur fjallað um. PCC hyggur á opnun kísilmálmverksmiðju á Bakka við Húsavík í lok árs 2017. Það er því gert ráð fyrir að íbúum muni fjölga talsvert á næstu árum, þörfin er því aðkallandi. EPE
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.