Óútgefnu efni stolið úr tónlistarskólanum Tónrækt
Magni Ásgeirsson. Mynd: Þröstur Ernir
Brotist var inn í tónlistarskólann Tónrækt sem er til húsa í Amarohúsinu í Hafnarstræti á Akureyri, aðfaranótt föstudags og talsverðum verðmætum stolið.
„Við vorum með hundrað krakka á Græna hattinum að spila, alveg sjúklega gaman og svo kemur einhver og eyðileggur þá stemningu gjörsamlega með þessu,“ segir tónlistarmaðurinn Magni Ásgeirsson í samtali við visir.is. Hann og samkennarar hans í tónlistarskólanum óska nú eftir vitnum að því þegar brotist var inn í tónlistarskólann.
Að sögn Magna felast verðmætin ekki í hinum gamla tölvubúnaði sem þeir námu á brott úr skólanum heldur gögnunum sem vistuð eru á hörðu diskum stúdíótölvunnar sem þeir stálu.
„Það voru teknir einhverjir smáhlutir sem skipta engu máli þannig séð en það sem skiptir höfuðmáli er að það var tekin turntölva sem að inniheldur ábyggilega eina eða tvær plötur sem búið er að taka upp,“ segir Magni.
Umrædd Tölva er stúdíó-tölva í eigu Brynleifs Hallssonar, en hann hefur gert garðinn frægan með Hljómsveit Ingimars Eydals. „Það eru ýmsir af eldri kynslóðinni búnir að vera að taka upp hjá honum og þetta er allt saman auðvitað fyrir bí því það er ekki búið að gefa þetta út,“ segir Magni.
Saxófón með tilfinningalegt gildi stolið
Ræningjarnar höfðu einnig Yamaha-saxófón á brott með sér sem hefur mikið tilfinningalegt gildi fyrir einn kennara skólans. „Afi hans gaf honum hann fyrir 35 árum síðan. Það er ófyrirgefanlegt," segir Magni og bætir við:
„Allt hitt skiptir engu máli. Þetta eru einhverjar gamlar fartölvur og eitthvað drasl sem við getum alltaf keypt aftur en þegar þú liggur á einhverju sem afi einhvers gaf honum og upptökum margra ára þá er þetta orðið svolítið persónulegt.“
Þeir sem kunna að hafa orðið varir við grunsamlegar mannaferðir við Amarohúsið á umræddum tíma eru vinsamlegast beðnir um að hafa samband við lögregluna á Akureyri. Visir.is sagði fyrst frá. /EPE
Nýjast
-
Gamla verslunin í Vaglaskógi jöfnuð við jörðu
„Það eiga margir góðar minningar um þessa verslun,“ segir Helen Jónsdóttir en gamla góða búðin í Vaglaskógi var jöfnuð við jörðu nýverið. Allt var tekið nema hellan fékk að vera og væntir Helen þess að eitthvað verði gert á staðnum. „Vonandi verður settur upp fallegur áningarstaður þarna, með borðum og bekkjum og jafnvel skilti sem greinir frá sögu verslunarinnar.“ -
Hamrastígur og Kirkjugarðsstígur Finnur ehf bauð lægst í stígagerðina
Gengið verður til samninga við lægstbjóðenda, Finn ehf í gerð tveggja stíga á Akureyri, Hamrastígs og Kirkjugarðsstígs, en fyrirtækið átti lægsta boð í bæði verkin. -
Alþjóðaflugvöllur á Akureyri verði byggður upp
Sveitarfélögin á Norðurlandi vestra og Norðurlandi eystra skora á ríkisstjórn Íslands og Alþingi að koma rekstri, uppbyggingu og markaðssetningu Akureyrarflugvallar fyrir hjá sérstakri stjórn eða félagi, sem hefur það að markmiði að alþjóðaflugvöllurinn sé byggður upp og kynntur sem ein af gáttum Íslands -
Grafalvarleg staða í rekstri PCC Bakka rædd í atvinnuveganefnd Alþingis.
Atvinnuveganefnd Alþingis hefur verið upplýst um grafalvarlega stöðu í rekstri PCC Bakka við Húsavík, þar sem stefnt gæti í rekstrarstöðvun undir lok sumars ef ekki tekst að snúa vörn í sókn. -
Listasafnið á Akureyri Nýjar sýningar opnaðar
Sýningar Heimis Hlöðverssonar, Samlífi, og Þóru Sigurðardóttur,Tími – Rými – Efni, verða opnaðar í Listasafninu á Akureyri á laugardag 17. maí kl. 15. Á opnunardegi verður leiðsögn með Heimi kl. 15.45. -
Orkey fyrst á Íslandi með sjálfbærni- vottaða framleiðslu á lífeldsneyti
Orkey hefur fengið alþjóðlega kolefnis- og sjálfbærnivottun, ISCC EU, á lífdísilframleiðslu sína á Akureyri fyrst fyrirtækja sem framleiða lífeldsneyti hérlendis. -
Heyrn er ekki munaður – hún er þátttaka
Það var ánægjulegt að sækja fund hjá Félagi eldri borgara á Akureyri (EBAK) síðastliðinn föstudag. Rétt rúmlega hundrað manns mættu – áhugasamir, upplýstir og málefnalegir. Þar skapaðist gott samtal um þau mál sem brenna mest á eldra fólki í dag. Ábendingar komu víða að og spurningarnar voru margar og skýrar. Það var sérstaklega áberandi að umræðan snerist ítrekað að sömu kjarnamálunum: skerðingum, lífeyrissjóðum en einnig að heilbrigðisþjónustu. -
Sundlaug Akureyrar lokuð 18.-22. maí – opið lengur í Glerárlaug 18. maí
Sundlaug Akureyrar verður lokuð dagana 18.-22. maí eða frá sunnudegi til fimmtudags í næstu viku. -
Byggingaréttur á lóðum á Torfunefsbryggju boðin út í maí
Byggingaréttur á tveimur lóðum við Torfunefsbryggju þar sem eru til staðar fimm byggingareitir verður boðin út nú síðar í maí.