Opið fyrir umsóknir í nám fyrir fólk með fjölþættar stuðningsþarfir
Markmið námsins er að efla menntun, sjálfstæði og atvinnuþátttöku fólks með þroskahömlun og stuðla að samfélagi þar sem allir fá tækifæri til að halda áfram að læra og taka virkan þátt.
Opið er fyrir umsóknir í diplómanám fyrir fólk með fjölþættar stuðningsþarfir. Um er að ræða 60 eininga tveggja ára nám fyrir fólk með þroskahömlun á grunnstigi háskólanáms. Námið hófst sem þróunarverkefni við HA og er mikilvægt skref í að auka aðgengi að háskólanámi.
„Fyrstu stúdentarnir hafa nú lokið sínu fyrra námsári og það hefur gengið einstaklega vel. Við erum í skýjunum yfir þeim árangri sem náðst hefur og þeim framförum sem stúdentarnir hafa sýnt. Á þessu fyrsta ári hef ég orðið vitni að miklum framförum, aukinni færni, sjálfstrausti og valdeflingu hjá hópnum. Það er einstaklega ánægjulegt að sjá hvernig stúdentarnir hafa vaxið bæði námslega og persónulega og tekið stór skref í átt að markmiðum sínum,“ segir Sigríður Guðmundsdóttir, verkefnastjóri námsins.
Um námið
Við brautskráningu fá stúdentar starfstengda diplómu sem staðfestir námskeið og starfsnám. Einnig mun fylgja með ítarlegur viðauki sem tilgreinir þá hæfni sem viðkomandi býr yfir.
Markmið námsins er að efla menntun, sjálfstæði og atvinnuþátttöku fólks með þroskahömlun og stuðla að samfélagi þar sem allir fá tækifæri til að halda áfram að læra og taka virkan þátt.
Kennslufyrirkomulag
Námið er blanda af lotubundnu námi, fjarnámi og starfsnámi. Þau sem hljóta inntöku í námið stunda háskólanámið samhliða öðrum stúdentum og eru hæfniviðmið og námsmat einstaklingsmiðuð.
Stúdentar fá einnig stuðning frá háskólasamfélaginu og taka þátt í félagslífi og námsumhverfi Háskólans á Akureyri.
Umsækjendur geta valið á milli tveggja námslína. Hægt er að nálgast frekari upplýsingar með því að smella á heitið:
- Velsæld barna
- Velsæld fullorðinna
- Fjöldatakmörkun eru fjórir stúdentar og verða umsækjendur boðaðir í viðtal.
Umsóknarfrestur er til og með 20. júní
Nýjast
-
Grænt ljós á uppbyggingu Heilsuverndar fyrir aldraða á Akureyri
„Ég er mjög jákvæð gagnvart þessu verkefni og tel mikilvægt að við vinnum hratt og af festu að málinu. Málefni eldri borgara eru í erfiðri stöðu vegna húsnæðisvanda á Hlíð og nú einnig myglu á Kristnesi,“ segir Sunna Hlín Jóhannesdóttir formaður Skipulagsráðs Akureyrarbæjar. -
Kynning „Mörg verkefni eru einfaldlega ekki nægilega vel tryggð“
Byggingarframkvæmdir verða sífellt stærri en tryggingavernd hefur ekki alltaf fylgt þróuninni, segir Valgeir Páll Guðmundsson, útibússtjóri Sjóvá á Akureyri. -
Opið fyrir umsóknir í nám fyrir fólk með fjölþættar stuðningsþarfir
Opið er fyrir umsóknir í diplómanám fyrir fólk með fjölþættar stuðningsþarfir. Um er að ræða 60 eininga tveggja ára nám fyrir fólk með þroskahömlun á grunnstigi háskólanáms. Námið hófst sem þróunarverkefni við HA og er mikilvægt skref í að auka aðgengi að háskólanámi. -
Gunnar Líndal ráðinn staðarverkfræðingur NLSH ohf. á Akureyri
Gunnar Líndal Sigurðsson hefur verið ráðinn sem staðarverkfræðingur hjá Nýjum Landspítala ohf. (NLSH) vegna uppbyggingar félagsins á nýrri byggingu við Sjúkrahús Akureyrar (SAk). -
Tryggvi Gíslason er látinn
Látinn er Tryggvi Gíslason, fyrrverandi skólameistari Menntaskólans á Akureyri (MA), fæddur á Norðfirði 11. júní 1938. Tryggvi skilur eftir sig eiginkonu sína, Margrétu Eggertsdóttur, sex börn og 25 aðra niðja. Tryggvi var mag. art. í norrænum fræðum frá HÍ 1968 og bjó með fjölskyldu sinni 1968-1972 í Björgvin í Noregi þar sem starfaði sem lektor við háskólann. Áður starfaði hann lengi á fréttastofu útvarps en var skipaður skólameistari MA 1972. Hann lét af því embætti 2003. Árin 1986-1990 gegndi Tryggvi störfum hjá Norrænu ráðherranefndinni í Kaupmannahöfn. Alla tíð var Tryggvi virkur í félagsmálum og iðulega frumkvöðull að umbótum í skóla- og menningarmálum. Eftir Tryggva liggur fjöldi ritverka, styttri og lengri, útgefinna sem fluttra, einkum um málvísindi og menningu, ekki síst þjóðskáldið Jónas Hallgrímsson. -
Þrekraunir í kulda og bleytu þar sem samvinna er lykilatriði
Í lok skólaárs á þriggja ára fresti er blásið til Survivor leika í Borgarhólsskóla á Húsavík. Nemendum á unglingastigi er skipt í fjóra hópa eða ættbálka; þurfa að kjósa ættarhöfðingja, skapa jákvæða og góða stemningu, semja hvatningarhróp sem ber hverjum hópi byr í brjóst. Jafnframt þarf að skipuleggja þau verkefni sem bíða hópsins. Þrautir sem reyna á líkama, huga og sál. Þrautirnar krefjast þess að í hverjum ættbálki þurfa nemendur að hlaupa, stökkva, hugsa, elda, koma fram og hafa úthald og útsjónarsemi svo dæmi séu tekin. -
„Verkefnið að fá á sig sögulegan blæ“
Víðir Svansson segir í samtali við Vikublaðið að sundlaugarmenningin sé bæði sterk og falleg; sundglaðir Húsavíkingar eigi því skilið að aðstaðan verði enn betri. Víðir hefur því tekið höndum saman ásamt Birgittu Svavarsdóttur og Hörpu Steingrímsdóttur og stofnað hollvinafélag Sundlaugar Húsavíkur með það að markmiði að safna fyrir nýjum sánaklefum. -
Nýir meðeigendur hjá Heilsu- og sálfræðiþjónustunni
Breytingar hafa orðið á eigendahópi Heilsu- og sálfræðiþjónustunnar (H&S). Elín Dröfn Þorvaldsdóttir, klínískur atferlisfræðingur og Ingibjörg Ragna Malmquist, sálfræðingur eru nýir eigendur ásamt Sigrúnu Vilborgu Heimisdóttur, stofnanda stofunnar og sérfræðingi í klínískri sálfræði. -
Útskrift Sjúkraflutningaskólans 2026
Útskrift Sjúkraflutningaskólans fór fram á Flugsafni Íslands á Akureyrarflugvelli þann 29. maí.
