,,Við erum að finna fyrir fiðringi sem við höfum ekki fundið fyrir lengi"
Arngrímur, Árni Þór, Snæbjörn og Björgvin. Mynd: Halldóra Kristín - Photography
Gamlir pönkhundar og nýjir eru fullir eftirvæntingar en hin goðsagnakennda húsavíska pönklagasveit Innvortis kemur saman á tónleikum á Húsavík Öl í kvöld eftir nokkurt hlé. Húsið opnar klukkan 20 í kvöld og aukatónleikar verða á sama tíma annað kvöld.
Snæbjörn Ragnarsson, söngvari og gítarleikari Innvortis segir í samtali við Vikublaðið að hann finni fyrir spennu og eftirvæntingu sem hann hafi ekki fundið fyrir í mörg ár.
,,Ég er að rölta hérna með Böbba [Björgvin Sigurðsson, söngvari og gítarleikari] og við erum að finna fyrir fiðringi sem við höfum ekki fundið fyrir lengi,“ segir Snæbjörn en báðir eru þeir ansi sjóaðir sviðsmenn og spila m.a. saman í annarri stórhljómsveit; Skálmöld. Auk þess að hafa starfað með fjölda annarra hljómsveita í gegnum tíðina.
„Þetta er ekki endilega stress, heldur er maður viðþolslaus eitthvað og fullur eftirvæntingar. Unggæðingstilfinningin er komin upp í okkur. Þetta verður hrikalega gaman,“ bætir Snæbjörn við.
Þá segir Snæbjörn að sú flökkusaga virðist hafa komist á kreik að tilefni tónleikanna sé 30 ára afmæli fyrstu plötu Innvortis: Kemur og fer en það sé alrangt enda hafi sú breiðskífa komið út á geisladisk árið 1998. Vissulega hafi hljómsveitin verið stofnuð 1996 og sé því 30 ára viðurkennir Snæbjörn eftir upprifjun í huganum en tónleikarnir séu samt sem áður ekkert afmælistengdir.
„Þetta er alveg random, þetta bara einhvern vegin æxlaðist svona, hlutirnir eiga bara sinn tíma,“ segir hann.
Innvortis hefur starfað með góðum hléum frá árinu 1996 og hljómsveitaskipan tekið reglulegum breytingum. Upphaflega skipan hljómsveitarinnar er Snæbjörn Ragnarsson: Gítar/söngur, Björgvin Sigurðsson: Gítar/söngur, Arngrímur Arnarson: Trommur, og Brynjúlfur Sigurðsson á bassa.
Hljómsveitin er nú, nærri því að vera upprunalega læn-upið en oft áður en eina breytingin er að Árni Þór Theodórsson leysir Brynjúlf af hólmi á bassanum.
Nú er bara um að gera fyrri Húsavíkinga nær og fjær að negla í pönkgírinn og fylla nýjan og glæsilegan tónleikasal Húsavík Öl tvö kvöld í röð og sanna þar með að grundvöllur sé fyrir öflugu tónleika og menningarstarfi á Húsavík.
Nýjast
-
,,Við erum að finna fyrir fiðringi sem við höfum ekki fundið fyrir lengi"
Innvortis með tvenna tímamótatónleika á Húsavík Öl -
Kveldúlfur snýr aftur á Hjalteyri 15. ágúst
Tónlistarhátíðin Kveldúlfur fer fram á Hjalteyri laugardaginn 15. ágúst 2026, þar sem fjölbreyttur hópur íslensks tónlistarfólks kemur fram í einstöku umhverfi við Eyjafjörð. -
Götulokanir á hafnasvæðinu á Húsavík um Mærudagana
Vegna Mærudaga á Húsavík helgina 24.-26. júlí þarf að loka götum á hafnasvæðinu sem hér segir: Frá föstudeginum 25. júlí kl. 12 til sunnudagsins 27. júlí kl. 7, á Hafnarstétt, frá Naustagarði að Fiskifjöru -
Stúlkan sem leitað var að fundin heil á húfi
Í tilkynningu sem lögreglan á Norðurlandi eystra sendi frá sér í nótt kemur fram að stúlkan sem leitað var í gærkvöldi og fram á nótt sé fundin heil á húfi. -
Dagskrá Mærudaga 2026
Mærudagar hefjast formlega á morgun fimmtudag og eins og vant er verður margt spennandi í boði og ér óhætt að fullyrða að allir ættu að getað fundið eitthvað fyrir sinn snúð -
Lokanir gatna um verslunarmannahelgina
Eins og fólki er kunnugt fer Fjölskylduhátíðin Ein með öllu fram á Akureyri um verslunarmannahelgina og þá er einnig á dagskrá fjallahlaupið Súlur Vertical sem verður fjölmennara ár frá ári. -
Stofna Samheldni til að auka og bæta þjónustu fyrir fólk í fíknivanda- fjárfestingu verulega ábótavant
Samherji stendur að stofnun nýs átakssjóðs sem fengið hefur nafnið Samheldni. Sjóðnum er ætlað að standa fyrir stórfelldu átaki í innviðafjárfestingum hjá þeim aðilum sem sinna meðferðarúrræðum fyrir fíknisjúka á Íslandi. -
Landsmót skáta sett i kvöld
Landsmót skáta verður sett að Hömrum á Akureyri í kvöld. Um 2.000 skátar víðs vegar að af landinu taka þátt í mótinu auk skáta frá 10 öðrum löndum. -
Ein með Öllu 2026 - Fjölskylduhátíð
Verslunarmannahelgin á Akureyri verður helgi þar sem fjölskyldur, vinahópar og gestir alls staðar af af landinu koma saman þegar fjölskylduhátíðin Ein með Öllu fer fram dagana 30. júlí til 3. ágúst n.k.
