Öðruvísi grín í Framtýð Íslands
Sýningin er byggð á vinsælum grínfyrirlestrum Jóels Sæmundssonar
FramtÝð Íslands er heiti á sýningu sem verður á Múlabergi, Akureyri annað kvöld, föstudagskvöldið 16. október Klukkan 20.
Sýningin er byggð á vinsælum grínfyrirlestrum Jóels Sæmundssonar sem hafa farið eins og eldur í sinu um fyrirtæki landsins og selst í yfir 300 skipti. Þótt margir kunni að hafa séð fyrirlestrana eða myndbönd frá honum á samfélagsmiðlum er hér um glænýja upplifun að ræða; sýning sem sameinar óvænta hluti, grín og góða skemmtun.
Jóel segir að um sé að ræða grínsýningu sem er algjörlega öðruvísi en fólk á að venjast – ekki hefðbundið uppistand, leikrit eða spunasýning heldur nýstárleg blanda þar sem áhorfendur skemmta sér konunglega og vita aldrei hvað gerist næst.
„Á sýningunni er tekið á stórum spurningum: Hvernig lítur framtíðin út, hvaðan komum við, hvert erum við að fara – og hver eiginlega tók skóna hjá barnabarni Ingu Sæland?,“ segir Jóel og eflaust fýsir marga að fá svör við þeim brýnu spurningum. Vinsældir sýningarinnar hafa vakið athygli og hafa margir gestir kosið að mæta aftur og aftur.
„Miðasala fyrir sýninguna á Akureyri er á vefsíðu Jóels. Þeir sem vilja upplifa kvöld fullt af óvæntum uppákomum og hlátri ættu að tryggja sér miða í tæka tíð.“+
Nýjast
-
Öðruvísi grín í Framtýð Íslands
FramtÝð Íslands er heiti á sýningu sem verður á Múlabergi, Akureyri annað kvöld, föstudagskvöldið 16. október klukkan 20. -
Endurhæfum Kristnes
Nýlega var kjördæmavika og við þingmenn Norðausturkjördæmis ferðuðumst saman um kjördæmið, hittum sveitarstjórnarfólk, fyrirtæki, forstöðumenn hinna ýmsu stofnana og áttum mörg góð samtöl um þau verkefni sem helst brenna á íbúum. Einn af rauðu þráðunum í þessum samtölum, sérstaklega á Norðurlandi eystra, var staðan á Kristnesi. Skilaboðin voru skýr. Það bráðvantar framtíðarsýn fyrir endurhæfingarþjónustuna og það þarf að taka ákvarðanir. -
Bragð af Persíu í Kelduhverfi
Persnesk matargerð verður í aðalhlutverki á Hótel Skúlagarði í Kelduhverfi föstudaginn 16. og laugardaginn 17. október. Þar mun Sahar Pahlevanzadeh sjá um þrírétta máltíð. Að sögn Egils Bjarnasonar hótelstjóra hefur hugmyndin að kvöldunum hefur verið til umræðu frá því hún flutti í sveitina fyrr á þessu ári. -
Neyðarstjórn Norðurorku í viðbragðsstöðu en spáð er hárri sjávarstöðu í nótt
Neyðarstjórn Norðurorku hefur í gær og í dag verið í viðbragðsstöðu vegna slæmrar veðurspár fyrir kvöldið og fram á nótt. -
Drift EA eflir ráðgjöf á sviði hugverkaréttinda og einkaleyfa
Ingólfur Pálsson, evrópskur einkaleyfafulltrúi hjá Dragsted Partners A/S í Danmörku, hefur gengið til liðs við hóp sérfræðinga hjá Drift EA sem kallast Driftarar. Með þátttöku hans eykst aðgengi frumkvöðla að sérfræðiþekkingu á sviði einkaleyfa og verndar hugverka, sem getur skipt sköpum í þróun nýrra lausna og uppbyggingu fyrirtækja. -
Háskólinn á Akureyri opnar fyrir nám í áfengis- og vímuefnaráðgjöf
Háskólaráð Háskólans á Akureyri samþykkti á fundi sínum 26. september að setja á laggirnar nýtt þriggja ára bakkalárnám í Áfengis- og vímuefnaráðgjöf við Hjúkrunarfræðideild. -
KEA fagnar 140 ára afmæli með 10 milljóna króna styrk til björgunarsveita
Í tilefni 140 ára afmælis KEA á árinu hefur félagið ákveðið að styrkja björgunarsveitir á félagssvæði sínu um samtals 10 milljónir króna. Með styrknum vill KEA þakka björgunarsveitunum fyrir ómetanlegt framlag þeirra til öryggis og velferðar íbúa á svæðinu. -
Samherji kaupir Bjarna Ólafsson AK
Samherji hefur fest kaup á uppsjávarskipinu Bjarna Ólafssyni AK 70 frá Síldarvinnslunni. Skipið var smíðað árið 1999 í Noregi og var keypt til Íslands árið 2015. -
Málmiðnbraut VMA Ný standborvél afhent
Málmiðnbraut VMA fékk á dögunum nýja standborvél til notkunar í vélasal skólans. Tækjabúnaður í málmiðngreinum eldist hratt og er endurnýjun hans dýr, en góðir bakhjarlar skólans hlupu undir bagga að þessu sinni.
